غـــدا نكون كما نود ...

و نرش المريخاب رش الجن ...

ناس ابو حبيب
و كمال الجمل
و مهند
و المنصوري
وباقي الرشاشات ...

كدي ابقو مارقين ..
و ورونا فهمكم شنو في (بيان الحكام) الشهير بتاعكم ده ...

هي بقت علي الحكام ...
إنتوا معاكم (الحكومة) كلها .

و نحن نطلع من (البرير) ..
نقع في (المفوضية)...
نخلص من ( المفوضية) ..
تطلعلنا ( الشبابية) ..
ننتهي من ( الشبابية) ..
يظهرلنا الوزير ...
بقينا ما فاهمين التكتح .

يعني الحكاية ما محتاج (بيان حكام) ..
حا ترشونا ...
حا ترشونا ...
هو في حد يقدر يرش (الحكومة).

قالوا الفهم (قبل الكورة) ... قسم .
يعني الواحد أحسن يلبد ...
ويا إما ... يتفاصح (بعد الكورة) .. يا إما واصل (اللبدان).

عالم جبانات بشكل .

اخوي حودة٠٠٠ساعدها٠٠٠٠٠بالصبر شوية٠٠٠عشان غداً نكون كما نود٠٠٠

العندو فهم بعد الكورة ...
يبقي مارق ...
و ( بشة ) ما تعتر. لي .

ياخي الحضري ده جربوا فيه أي حاجة ..
من النص ... دخلت .
من الربع ... دخلت .
من السدس .. برضوا دخلت ..
استغفرتك يا مالك قلبي .

و لأن الرياضة فوز و خسارة ..
و روح رياضية لابد ان تسود ...
نمد ايادينا (للصفوة) و لسان حالنا يقول : هارد لك .. وحظا أوفر في قادم المرات ..
هكذا كرة القدم .. يوم لك و يوم عليك ..
فما بعيدة علي الاذهان ثلاثية المريخ الحارقة في شباك الهلال .

مبروك لنا و هارد لك لكم .
[/b][/right]