"نعمة الباقر" سودانية في نيروبي مراسلة لـ"CNN الامريكية"

الحمد لله انها في نيروبي
ولو في الخرطوم كان طوالي محكمة "النظام العام"
كيف ما تعدلي الطرحة في راسك ؟؟
سؤال بري
بالله منو المحتاج لخدمات هذه الصحفية ؟؟
محطة السي ان ان الاخبارية
أم
محطاتنا ؟؟

ما شاء الله عليـها
دافرت ليك الكينيين زي الماحاصل حاجة
زي الفراشة تتنقل في شرق افريقيا
وغطت الضربة الامريكية للشباب الصومالي بعد أيام من الويست قيت
الله "يطرحكم" بي بلا يخمكن
قولوا آمين

الكلام يلبدوا ليها بالصورة دي لو رجعت السودان تبقي زي قصة الزول السكر في دبي وجلدوهو في الخرطوم

ياورقة والله إحترنا
شباب زي الورد
لا بدرة لا مكياج
مركزين على مضامين
وفارضين نفسهم على أرفع الوظائف إن لم نقل أصعبها
تعال عندنا يابت بنطلونك ناصل
وياود ليه لابس سيستم
وليه حلاقتك "كري"
وحاجات ما أنزل الله بها من "سيطان"
لامين في البنات جلد ولو كانت في كفاءة البنية الفوق دي برضو ما بتسلم
تمرق من البنطلون تقع في الطرحة
وما معروف حدو وين

وعلى قصة السكران فالقصة بالجد مستفزة
والقاضي دا ذكرني قاضي الكبجاب
وزي دا عادي ممكن يحكم بعلمه الشخصي !!
زول شرب في بلد خارج دائرة إختصاصك
البخليك وانت قاضي تتعقبو شنو ؟؟
عدم شغلة ولا كيف ؟؟
إذا همو الالتزام بالقانون وتطبيقو طيب البوديهو يتلصص شنو ؟؟
ومبلغ علمي المسافر دا لحدي ما ركب الطيارة ما عمل شي يخل بالامن والسلامة
ولو عمل أي إزعاج كان مسكو هناك
بس بقت عليهو حكاية شقي الحال الوقع في عين "الدليفري جستس بروفايدر"

يا أستاذ صدقني غادة دي لو جدعت الطرحة فــِرد مرة زول بسألها مافي

وما تسألني من السبب

محمد المنصوري كتب:: يا أستاذ صدقني غادة دي لو جدعت الطرحة فــِرد مرة زول بسألها مافي

وما تسألني من السبب

الكيل بمكيالين يا واد يا منص
ناس يعرسوهم وناس يدوهم كشك زي ما قالت ربيكا قرنق عندما تزوج البشير من ارملة ابراهيم شمس الدين

حبيبنا المنصوري
قول بسم الله
دي ياخوي ما غادة
دي إسمـها "نعمة الباقر"
غادة بي هناك فهمت علي
إلا تعال شايفك اليومين ديل بتكتب التعقيب قبال ما تشوف الصور !!
الحاصل شنو ؟؟
وفي رايي نجهك "النجهك"
كنت في أمان الله
بقيت زي ماقال "الرصيد بدري قبيل" عن "تنقا"
حضور جسماني قوي وغياب ذهني تام
وصباحاتك فل

ياورقة صاحبك زوزوت بيهو "النعمة"
يعني لو "نِعومة" بكسر النون كان لقينا في كدباس

أها تعال كمان وأقرأ كدباس دي كمال ترباس !!
على كل حال وراق بكون سجل ليك "الريدة"
ومن هنا ورايح حا يشتغل على "الثغرة" دي
ركز شوية عشان ما تطش ليك بي "صورة"
يخونا مسئولين من الخير إنتو قابلة ظاظا وين ؟؟

محمد المنصوري كتب:: يا أستاذ صدقني غادة دي لو جدعت الطرحة فــِرد مرة زول بسألها مافي

وما تسألني من السبب

وين انت ياود يا منص افتقدناك
سادي نبطشية بي غادي واللا شنو
سيب الجهجهة وخليك هنا وبلاش تفارق
رايك شنو نوديك كدباس
وبعدين نغني ليك انا وحبو /
قاموا زيارة لي كدباس
ياناس
اتعبوني خلاص
اتلحلح يا واد يا منص

المحبوب أحمد الأمين كتب:: يا جماعة انا شايف الاعجاب كلو منصب منكم فى جدعة الطرحة وتحدى النظام العام وده المقصود. اما تزين انها زاحمت الكينين فى التغطية ده ما من رأسها ده شغلها وتوجيه من ادارة قناة cnn يعنى هى مراسلة تقديم للحدث .
البهمنا هى مرجعيتها وفكرها نعمة الباقر احمد عبدالله هل يا ترى خرجت من جلباب ابوها وفكره ام اسيرة لمنهجه وديدنه الذى نعرفه جميعا ولاسيما السقوط الاخير فى المؤتمر الاخير للرئيس البشير فى رفع الدعم ( التركى ولا المتورك يا ناس ).
اعجبوا بنعمة فكرا وخلفييتها المنهجية وليس بثوبها وطرحتها واقول مع التعديل :
لا يغرنك لباس التوب والعقول خربانة (مع الاعتزار لشاعر البطانة )

المحبوب أحمد الأمين كتب:: ياورقة صاحبك زوزوت بيهو "النعمة"
يعني لو "نِعومة" بكسر النون كان لقينا في كدباس

والله يا المحبوب عليك جنس ظلم

إنت جدو حسن ده ما شفت إقتباسه الفوق ولا شنو

آها أنا أزوزوت هو سببه شنو ؟؟

صاحبك جاء أقتبس كلامي وشال معاي غادة ذي المافي حاجة

وعلي اليمين لو ما جبت سيرة نعمة هو لا عارف دي نعمة ولا سابينا

الواد منص دي عاجباني وجدو ده أنا عارفه متكيف مني

بس كيف اصرح كيف اقول

حسن وراق حسن كتب:

محمد المنصوري كتب:: يا أستاذ صدقني غادة دي لو جدعت الطرحة فــِرد مرة زول بسألها مافي

وما تسألني من السبب

وين انت ياود يا منص افتقدناك
سادي نبطشية بي غادي واللا شنو
سيب الجهجهة وخليك هنا وبلاش تفارق
رايك شنو نوديك كدباس
وبعدين نغني ليك انا وحبو /
قاموا زيارة لي كدباس
ياناس
اتعبوني خلاص
اتلحلح يا واد يا منص

ياجدو أمس ما قلت ما فاضي

المأمورية طرشقت ولا شنو ؟

والله ياها حكاية هاشم كبير مع الطيب عطاء المعروفة

رفض إديه الدو

قال لايه يا الطيب مالك ما فكيت الدو

قال لايه . شغال

قال لايه شغال وأنت عاطل

مع الأعتذار طبعآ

صوتك نشاز ياعمك

ما بخارج معانا

كان بتعرف تمدح مافي مانع

أنا الليلة سادي نبطشية وبهناك لسع ما كتبت حرف

شايفك اجدعت بهناك

والله ما بخليك

جاي جاي بس إتغدي واجي

باي باي

» نعمة الباقر افضل صحفيه عن تحقيقها حول الجنجويد (شاهدوا الفيلم )
» محلية الحصاحيصا والجس البعد الضبح ( شكارتها دلاكتها)
» أسئلة الهوية وسيميولوجيا السواد..نؤذن في مالطا أم كاب الجداد؟
» البشير فى الولاية الامريكية رقم 51
» وزارة الدفاع الامريكية تحقق في