موضوع: قناة فضائية جديدة ...... الجمعة 1 نوفمبر 2013 - 2:17
لا شك أن للأعلام وخاصة (التلفزيون) دور عظيم في صياغة وتشكيل العمل السياسي والتجاري والاجتماعي سلبا" أو إيجابا" .. فالإعلام هو السلاح الذي يقهر الأنظمة الديكتاتورية الشمولية التي تبرع في فبركة الأخبار وقلب الحقائق وبث رسائل لا تخدم إلا مصالحها .. وهذا ما برع فيه نظام الانقاذ الدكتاتوري الشمولي في السودان ممتلكا" الآلة الإعلامية بجميع أشكالها صحف وإذاعة وتلفزيون وغيرها .. ولا أدل على ذلك مما جرى في أعلامهم مؤخرا" فأصبح ثوار هبة سبتمبر مخربين .. وصور الشهداء مفبركة وقادمه من الخارج .. بل أنهم قالوا أن المتظاهرين أجانب !! يحتاج (محمد أحمد) و (التايه بت صديق) لمن يضع أمامه الحقائق كما هي .. يحتاجون للاستماع لرأي الآخر .. يحتاجون للتوعية بأبسط حقوقهم التي هضمها زنادقة النظام .. يحتاجون لمعرفة مدى فسادهم وإفسادهم في البلاد وشؤن العباد موثقا" بالأدلة الدامغة. من صلب كل ما سبق نبعت فكرة (قناة فضائية) وطنيه لا تتبع لجهة أو حزب أو جماعه أو عرق أو قبيلة .. قناة وطنية (وبس) .. وبدأت المبادرة في موقع (سودانيزاونلاين) فقام نفر كريم من الوطنيين بعد التشاور والنقاش والاستفادة من أراء الكثيرين بعمل خطوات إيجابيه لنرى حلم القناة واقعا" يطل عبر شاشات التلفاز .. حيث تم عمل دراسات متكاملة بناء عليها تم تسجيل منظمه خيرية غير ربحيه في فرنسا تحت مسمى (accociation of democracy and freedom) ومضمن بالتسجيل ترخيص بأنشاء قناة تلفزيونية .. كما تم التفاهم مع شركة بجمهورية مصر لتتولى أمر أنشاء إستوديوهات للقناة (تسليم مفتاح) والقيام بجميع إجراءات تأجير البث عبر قمري (نايل سات + عرب سات). نحن .. أنت وأنا وهو وهي عمك وخالي جاري وزميلة دراستك وزميل العمل .. نحن أصحاب القناة وملاكها .. نحن من سيصنع الحلم واقعا" .. هذه القناة لن ترى النور إلا بمجهوداتنا ودعمنا مجتمعين .. دعمنا ومجهوداتنا في الرأي والتشاور فكل رأي سديد يعجل بميلاد حلمنا .. دعمنا ومجهوداتنا الفنية والإدارية والعلمية والعملية كل حسب تخصصه وخبرته .. دعمنا ومجهوداتنا بالمساهمات العينية والمادية .. كل صغيرة وكبيرة تحتاج لتكاتفنا معا". ---------------------------------------------------------------
رقم حساب المساهمات وعنوان البنك في فرنسا Bank name : societe general Acc holder : accociation de la democratie et la liberte Acc iban : fr76 3000 3021 8500 0501 3127 964 Banc id (bic) : sogefrpp --------------------------------------------------------------- رابط صفحة حملة جمع المساهمات على الفيسبوك (ندفع دولار لنكون أحرار) https://www.facebook.com/dollarforfreedom وبالصفحة توجد أيقونة المساهمة عبر PayPal --------------------------------------------------------------- لأي استفسار أو رأي أو دعم لا تتردد في التواصل مع * الأستاذ / كباشي الصافي - لندن - بريطانيا فيسبوك : Kabbashi El-Safi أيميل : kelsafi@hotmail.com سكايب : cantona_1 --------------------------------------------------------------- * الأستاذ / أسامه فضل الله - فرنسا فيسبوك : Osama Fadlalla أيميل : osama070@hotmail.com سكايب : autogate2
" />
" />
الفقراوي
موضوع: رد: قناة فضائية جديدة ...... الجمعة 1 نوفمبر 2013 - 5:30
وصباحاات -------- من هو داعمها ومالكها الحقيقي ؟ وما هو خط سيرها الاعلامي ولصالح من تعمل ؟ دي حقتكم براكم نحنا ما معاكم سياسية الخم الجماعي دي ما بتمشي حاليا لازم وضوح ولازم شفافيه ناس نجلاء ديل نحنا مابنباريهم عشان ما يودونا لي كوشه تانيه ؟ دا شعر المعارضه ماعندها ليهو رقبة لانو اصلا مافي معارضه منظمه هل القناه دي حتسمح بالراي الاخر ولا حتكون زي ناس الحره واخواتها ؟
المحبوب أحمد الأمين
موضوع: رد: قناة فضائية جديدة ...... الجمعة 1 نوفمبر 2013 - 7:45
الفقراوي كتب:
وصباحاات -------- من هو داعمها ومالكها الحقيقي ؟ وما هو خط سيرها الاعلامي ولصالح من تعمل ؟ دي حقتكم براكم نحنا ما معاكم سياسية الخم الجماعي دي ما بتمشي حاليا لازم وضوح ولازم شفافيه ناس نجلاء ديل نحنا مابنباريهم عشان ما يودونا لي كوشه تانيه ؟ دا شعر المعارضه ماعندها ليهو رقبة لانو اصلا مافي معارضه منظمه هل القناه دي حتسمح بالراي الاخر ولا حتكون زي ناس الحره واخواتها ؟
الفقراوي صباح الخير يازول يارايق
ياخوي إنت ما داير تتعب تقرأ كلو كلو ؟؟ وفي نفس الوقت داير الناس يجتهدوا يفكفكو شفرات كتابتك "حمالة الأوجه" ؟؟ وكمان يقوموا بعد دا كلو يجو يعيدوا ليك ويكرروا ؟؟ حاول أجهد نفسك شوية وأقرأ الكلام المكتوب الإنت عايز تعقب عليهو وأعملوا في شكل نقاط وإمكن ما تحتاج تسأل أصلاً وإن بقى عايز تعقب النقاط بتكون عندك واضحة تتبعا وبكدا بتضرب كم "زرزور" بي حصحاصة واحدة وبتوفر علي رقبتك وعلي الناس أوكي ؟؟ نهايتو كدي حاول قول بسم الله وقوم علي حيلك وإتقدر شوية آآخوي وأقرأ كلام أخونا ترتورة تاني وإن شاء الله المقدم الله ربنا بعينك قول آمين وليك ولأستاذنا ترتورة وللإخوة أصحاب الفكرة والمجتهدين في تنفيذا التقدير والاحترام
عبدالمنعم ترتورة
موضوع: رد: قناة فضائية جديدة ...... الجمعة 1 نوفمبر 2013 - 9:06
المحبوب أحمد الأمين كتب:
الفقراوي كتب:
وصباحاات -------- من هو داعمها ومالكها الحقيقي ؟ وما هو خط سيرها الاعلامي ولصالح من تعمل ؟ دي حقتكم براكم نحنا ما معاكم سياسية الخم الجماعي دي ما بتمشي حاليا لازم وضوح ولازم شفافيه ناس نجلاء ديل نحنا مابنباريهم عشان ما يودونا لي كوشه تانيه ؟ دا شعر المعارضه ماعندها ليهو رقبة لانو اصلا مافي معارضه منظمه هل القناه دي حتسمح بالراي الاخر ولا حتكون زي ناس الحره واخواتها ؟
الفقراوي صباح الخير يازول يارايق
ياخوي إنت ما داير تتعب تقرأ كلو كلو ؟؟ وفي نفس الوقت داير الناس يجتهدوا يفكفكو شفرات كتابتك "حمالة الأوجه" ؟؟ وكمان يقوموا بعد دا كلو يجو يعيدوا ليك ويكرروا ؟؟ حاول أجهد نفسك شوية وأقرأ الكلام المكتوب الإنت عايز تعقب عليهو وأعملوا في شكل نقاط وإمكن ما تحتاج تسأل أصلاً وإن بقى عايز تعقب النقاط بتكون عندك واضحة تتبعا وبكدا بتضرب كم "زرزور" بي حصحاصة واحدة وبتوفر علي رقبتك وعلي الناس أوكي ؟؟ نهايتو كدي حاول قول بسم الله وقوم علي حيلك وإتقدر شوية آآخوي وأقرأ كلام أخونا ترتورة تاني وإن شاء الله المقدم الله ربنا بعينك قول آمين وليك ولأستاذنا ترتورة وللإخوة أصحاب الفكرة والمجتهدين في تنفيذا التقدير والاحترام
عزيزي الفقراوي : تحياتي، كدي قول بسم الله وبلاش هضربة ورجفة، إذا كان دي حالتك قبل القناة ما تبث ارسالها عبر الفضاء الواسع، كيف يكون الحال لمن القناة تعري نظامكم المهتري، وزي ما قال ليك الاستاذ المحبوب، ركز واقرأ وبعدين تكرم بالرد، حيث أن ما كتب كان باللغة العربية الواضحة وليس بالعبرية. ونجيك للرد على اسئلتك: س : من هو داعمها ومالكها الحقيقي ؟ ج : وبدأت المبادرة في موقع (سودانيزاونلاين)
س :وما هو خط سيرها الاعلامي ج : عرض الحقائق للمواطن السوداني "يحتاج (محمد أحمد) و (التايه بت صديق) لمن يضع أمامه الحقائق كما هي .. يحتاجون للاستماع لرأي الآخر .. يحتاجون للتوعية بأبسط حقوقهم التي هضمها زنادقة النظام .. يحتاجون لمعرفة مدى فسادهم وإفسادهم في البلاد وشؤن العباد موثقا" بالأدلة الدامغة."
س : ولصالح من تعمل ؟ ج : لصالح الشعب السوداني الحر
س : دي حقتكم براكم نحنا ما معاكم ج : دي حقة الشعب السوداني الحر
س : سياسية الخم الجماعي دي ما بتمشي حاليا ج : كيف يتم الخم والمشروع لم ير النور بعد؟
استدراك : لازم وضوح ولازم شفافيه ج : عايز شفافية أكثر من أن يذكر لك اسم الأشخاص الذين يمكنك التواصل معهم سواء بالبريد الإلكتروني ، الفيس بوك، والاسكايب .
استدراك آخر : دا شعر المعارضه ماعندها ليهو رقبة ج : حيث تم عمل دراسات متكاملة بناء عليها تم تسجيل منظمه خيرية غير ربحيه في فرنسا تحت مسمى (accociation of democracy and freedom) ومضمن بالتسجيل ترخيص بأنشاء قناة تلفزيونية .. كما تم التفاهم مع شركة بجمهورية مصر لتتولى أمر أنشاء إستوديوهات للقناة (تسليم مفتاح) والقيام بجميع إجراءات تأجير البث عبر قمري (نايل سات + عرب سات). تعليق آخر : لانو اصلا مافي معارضه منظمه ج : سوف تعلم عندما يسقط النظام هل هنالك معارضة منظمة أم لا يعني" صبراً " والبيان بالعمل
س : هل القناه دي حتسمح بالراي الاخر ج : وهل قنواتكم تسمح بالرأي الآخر؟ لكن رغم ذلك سوف تسمح قناة المعارضة بالرأي الآخر، لكي تعري جماعتك المرتزقة الذين سرقوا عرق الشعب السوداني للاستفسار الاتصال ب "دستة اصفار"
الفقراوي
موضوع: رد: قناة فضائية جديدة ...... الجمعة 1 نوفمبر 2013 - 11:12
ونهاراااات
قريت الكلام دا قبل ما بكري ابوصلعه يرفعوا فوق قريتو لمن عيوني طشت وحمرت واصلا مفروض ما اقراهو ذاتو ماعندنا ولا حبة خردله ثقه في ناس سودانيز اون لاين ولا حتمشي علينا كلمة وطنييين ولا بتخارج معانا الداير يعمل قناه ويعارض يدفع من جيبوا ويتحمل التبعات لكن ندفع لي ناس ماعندنا فيهم ثقه --- ماحندفعوا ولا هلله خلفيات اغلبها تتقاطع مع كثير من القناعات الوطنيه ونضال اسفيري يختلف اصحابو قبل ان يلتقوا بقايا شيوعين وناصريين وجمهوريين وغيرو ونحاسب منو لو ضربوا قروشنا بعدين نسال منو لو القناه دي مشت ام فكو نحنا بقينا اتجاهات مابتجمعنا قناه تلفزيونيه دي الحقيقه المره ---- ؟
عبدالمنعم ترتورة
موضوع: رد: قناة فضائية جديدة ...... الجمعة 1 نوفمبر 2013 - 11:38
الفقراوي كتب:
ونهاراااات
قريت الكلام دا قبل ما بكري ابوصلعه يرفعوا فوق قريتو لمن عيوني طشت وحمرت واصلا مفروض ما اقراهو ذاتو ماعندنا ولا حبة خردله ثقه في ناس سودانيز اون لاين ولا حتمشي علينا كلمة وطنييين ولا بتخارج معانا الداير يعمل قناه ويعارض يدفع من جيبوا ويتحمل التبعات لكن ندفع لي ناس ماعندنا فيهم ثقه --- ماحندفعوا ولا هلله خلفيات اغلبها تتقاطع مع كثير من القناعات الوطنيه ونضال اسفيري يختلف اصحابو قبل ان يلتقوا بقايا شيوعين وناصريين وجمهوريين وغيرو ونحاسب منو لو ضربوا قروشنا بعدين نسال منو لو القناه دي مشت ام فكو نحنا بقينا اتجاهات مابتجمعنا قناه تلفزيونيه دي الحقيقه المره ---- ؟
الشخص الذي يقرأ الكلام ما بيسأل الأسئلة التي ذكرتها، كان بيفهم مضمون المكتوب ويرد مباشرة ودوغري ولا يتبع طريق اللولوة هذا، وطالما أنت فرضت بأنك أرفع من ان تقرأ الكلام المكتوب، ما جدوى مضعية وقتنا ووقتك ووقت الذين يطالعون ردك، ولعلمك لا يوجد حد رفع عليك العصا وطالبك غصباً عنك من أن تكون مساهم في هذه القناة، واطمئن الفلوس اندفعت والقناة ليست في حاجة إلى أموال الجيل المهمش من اتباع النظام، وهنا لا ارد عليك إذا كنت لا تدري قيمة وفائدة الاعلام سواء كان "صحف، إذاعة، تلفزيون" وسوف تنطلق القناة رغم أنف المرجفين والمشككين.
وثورة حتى النصر
الفقراوي
موضوع: رد: قناة فضائية جديدة ...... الجمعة 1 نوفمبر 2013 - 12:03
ونهاراات -------------
لا ضمانات لا فكر موحد ولا خلفيات متقاربه ماهي المنطلقات والركيزه الاساسيه التي تعتمد عليها القناه مثلا الكفاح المسلح ولا الحل السلمي طبعا ناس سودانيز اون لاين احجموا عن المشاركه في الموضوع عارفين الموضوع مصيرو خور الفشل ومستحيل انهم يتلاقو في بوتقه واحده وقلنا كلمة وطنيين كلمة فضفاضه والكل يدعيها حتي الكيزان لافي قروش اندفعت ولاحاجه ماعندكم رجال زي ناس جمال الوالي بدفعوا بي قلب قوي وحتي لو لقيناهم --- حيفرضوا اجندتهم المسبقه و24 سنه الناس دي بتنبح في النت ولا جديد ببنتظر سنه كامله عشانا تدونا التردد بتاع القناه عشان نجي نبارك ليكم ونجيب معانا حلاوه وفول مدمس ترتوره ماتزعل دا واقعنا كدا ؟
عبدالمنعم ترتورة
موضوع: رد: قناة فضائية جديدة ...... الجمعة 1 نوفمبر 2013 - 12:40
الفقراوي كتب:
ونهاراات -------------
لا ضمانات لا فكر موحد ولا خلفيات متقاربه ماهي المنطلقات والركيزه الاساسيه التي تعتمد عليها القناه مثلا الكفاح المسلح ولا الحل السلمي طبعا ناس سودانيز اون لاين احجموا عن المشاركه في الموضوع عارفين الموضوع مصيرو خور الفشل ومستحيل انهم يتلاقو في بوتقه واحده وقلنا كلمة وطنيين كلمة فضفاضه والكل يدعيها حتي الكيزان لافي قروش اندفعت ولاحاجه ماعندكم رجال زي ناس جمال الوالي بدفعوا بي قلب قوي وحتي لو لقيناهم --- حيفرضوا اجندتهم المسبقه و24 سنه الناس دي بتنبح في النت ولا جديد ببنتظر سنه كامله عشانا تدونا التردد بتاع القناه عشان نجي نبارك ليكم ونجيب معانا حلاوه وفول مدمس ترتوره ماتزعل دا واقعنا كدا ؟
عزيزي الفقراوي أنا لا زعلان ولا بعرف زعل لكن انت شكلك فاضي وبتدور وتلف في حلقة مفرغة، ولا تعي ما تكتب، وفي مداخلة أولى تقول "قريت الكلام دا قبل ما بكري ابوصلعه يرفعوا فوق قريتو لمن عيوني طشت وحمرت" وفي مداخلتك الأخير تذكر "طبعا ناس سودانيز اون لاين احجموا عن المشاركه في الموضوع "، ومجموعة إطلاق القناة التي سوف تعري النظام للعالم لا يشرفها أن يكون من بينهم مثل جمال الوالي الذي يعتبر حارس على أموال اسرة البشير، التي نهبوها منك ومني ومن كل السودانيين، هذا هو جمال الوالي الذي تتبجح به، وزي ما بقولوا العبرة بالخواتيم، والدليل بالعمل، وبيناتنا الميدان ياحميدان
نكشة:
* كلمة الميدان ليس لها أي علاقة من قريب أو بعيد بي جريدة الحزب الشيوعي السوداني * اعتذار للمريخاب بسبب ذكر اسم جمال الوالي ووصفه بالصفات المذكورة في ردي" لكن دي الحقيقة"
عدل سابقا من قبل عبدالمنعم ترتورة في الجمعة 1 نوفمبر 2013 - 15:05 عدل 2 مرات
المحبوب أحمد الأمين
موضوع: رد: قناة فضائية جديدة ...... الجمعة 1 نوفمبر 2013 - 14:48
الحلاوة من الله خلقا بجيبو معاها البارد والكعك "دا غايتو في زمنا داك" لكن في الزمن الحاضر دا زمن التورتا" الناس إتجهت لباقات الزهور والوردي والبجيب الفول المدمس إلا يجيب معاهو تُرمُس ولو الحالة منغنغة "كبكبي"
المحبوب أحمد الأمين
موضوع: رد: قناة فضائية جديدة ...... الجمعة 1 نوفمبر 2013 - 14:53
ياترتورة المريخ دا لا يذكر إلا بذكر شاخور وأبوالعائلة وحاج حسن عثمان عشان كدا الفريق لمن يدخل وتشوف كمال عبد الوهاب وسانتو قلبك يقيف وإنت قاعد في المساطب الشمالية وقصبة السكر تقع من يدك ومدمسك يتشتت
المحبوب أحمد الأمين
موضوع: رد: قناة فضائية جديدة ...... الجمعة 1 نوفمبر 2013 - 14:58
وحاشا وكلا ما قالوا دايرين قناة فضائية تكرمنا وتنصبنا رؤساء "متوجين" والحمد لله الام بي سي ذاتا ما كانت موجودة زمان عشان تتوجن وهم ذاتن لو إقترحت ليهم الفكرة يقولوا ليك التتويج للمريخ
عبدالمنعم ترتورة
موضوع: رد: قناة فضائية جديدة ...... الجمعة 1 نوفمبر 2013 - 15:19
المحبوب أحمد الأمين كتب:
ياترتورة المريخ دا لا يذكر إلا بذكر شاخور وأبوالعائلة وحاج حسن عثمان عشان كدا الفريق لمن يدخل وتشوف كمال عبد الوهاب وسانتو قلبك يقيف وإنت قاعد في المساطب الشمالية وقصبة السكر تقع من يدك ومدمسك يتشتت
المحبوب يا خوي انا حكاية الكورة دي ماعندي فيها سالفة عشان الكلام البتقول فيهو دا باقي لي زي الألغاز، الشي البعرفو عن الهلال انو لون الفنايل ابيض وازرق ، ولون الوان فنايل المريخ ، أحمر واصفر، زي لون مطعم ماكدونلاد، دحين خلينا نفزفز بالفول المدمس نظام مزة، لكن الأمر المحيرني حكاية الحلاوة البلمها مع الفول شنو" شن بلم الشامي مع المغربي" وزمان لو تذكر في المدرسة أدونا الفول فولي زرعته وحدي، وحصدته وحدي وسوف آكله وحدي . " منتهى الأنانية وحب الذات"
الجــراوي
موضوع: رد: قناة فضائية جديدة ...... الجمعة 1 نوفمبر 2013 - 19:34
الفقراوي كتب:
ونهاراات -------------
لا ضمانات لا فكر موحد ولا خلفيات متقاربه ماهي المنطلقات والركيزه الاساسيه التي تعتمد عليها القناه مثلا الكفاح المسلح ولا الحل السلمي طبعا ناس سودانيز اون لاين احجموا عن المشاركه في الموضوع عارفين الموضوع مصيرو خور الفشل ومستحيل انهم يتلاقو في بوتقه واحده وقلنا كلمة وطنيين كلمة فضفاضه والكل يدعيها حتي الكيزان لافي قروش اندفعت ولاحاجه ماعندكم رجال زي ناس جمال الوالي بدفعوا بي قلب قوي وحتي لو لقيناهم --- حيفرضوا اجندتهم المسبقه و24 سنه الناس دي بتنبح في النت ولا جديد ببنتظر سنه كامله عشانا تدونا التردد بتاع القناه عشان نجي نبارك ليكم ونجيب معانا حلاوه وفول مدمس ترتوره ماتزعل دا واقعنا كدا ؟
فقراوي يا فقراوي أؤكد لك بأنك استطعت ان تستفزني بهذه الجملة لذلك أؤكد لك انه سيأتي هذا اليوم قريباً لترى ان النبيح في النت لم يكن عن فراغ كما تدعي وان هناك رجالاً يعملون بصمت وينفقون من حر مالهم لاجل محمد احمد الأغبش وليس لجاهٍ أو لسلطة وحينها تأكد سيتم اعفاءك من مشقة مجيئك بحلاوتك وفولك المدمس
الفقراوي
موضوع: رد: قناة فضائية جديدة ...... الجمعة 1 نوفمبر 2013 - 21:19
ومساءاات
يعني مفروض تشكرو جمال الوالي الذي جعل كليات فداسي تفوق التربيه الحصاحيصا عمل ليكم قناه قاعدين مفرجخين كل يوم فيها معارضه خارجيه مقدره بي 4 مليون راس وين طحينهم وعواستهم --- مافي غير حراك لا يتعدي الكيبوورد ديل كلهم مافي واحد قادر يعمل ليهم قناه تضم الاشتات والاشتات ديل ذاتم وين تنظيماتم وين الكوادر -- وين ناس ابينا وكفايه واووب حي والروب انكشح حتي الحركات ماشفنا منها غير انقاسام واختلاف ناس حسين خوجلي ومعتصم الجعيلي وطاهر ايلا كبوا الكاش وعملوا قنوات --- ولا حارسين ناس سند الخيريه يجوا ويتبرعوا ليكم غايتو كيس حلاوه ( دربس ) جاهز مع الفول المدمس الماخمج عشان حبيبنا ترتوره الناطق الرسمي وبرنامج ( بكائيات ) لي الانيق المحبوب ومانستبعد حسن وراق ذاتو يعمل برنامج ( انا والطفابيع ) والعيون نامت -- انتو وين والرجال قامت -- انتو وين ؟ دفعوا بالدولار -- انتو وين وتلفزوا الاقمار -- انتو وين ؟
عبدالمنعم ترتورة
موضوع: رد: قناة فضائية جديدة ...... السبت 2 نوفمبر 2013 - 2:06
الفقراوي كتب:
ومساءاات
يعني مفروض تشكرو جمال الوالي الذي جعل كليات فداسي تفوق التربيه الحصاحيصا عمل ليكم قناه قاعدين مفرجخين كل يوم فيها معارضه خارجيه مقدره بي 4 مليون راس وين طحينهم وعواستهم --- مافي غير حراك لا يتعدي الكيبوورد ديل كلهم مافي واحد قادر يعمل ليهم قناه تضم الاشتات والاشتات ديل ذاتم وين تنظيماتم وين الكوادر -- وين ناس ابينا وكفايه واووب حي والروب انكشح حتي الحركات ماشفنا منها غير انقاسام واختلاف ناس حسين خوجلي ومعتصم الجعيلي وطاهر ايلا كبوا الكاش وعملوا قنوات --- ولا حارسين ناس سند الخيريه يجوا ويتبرعوا ليكم غايتو كيس حلاوه ( دربس ) جاهز مع الفول المدمس الماخمج عشان حبيبنا ترتوره الناطق الرسمي وبرنامج ( بكائيات ) لي الانيق المحبوب ومانستبعد حسن وراق ذاتو يعمل برنامج ( انا والطفابيع ) والعيون نامت -- انتو وين والرجال قامت -- انتو وين ؟ دفعوا بالدولار -- انتو وين وتلفزوا الاقمار -- انتو وين ؟
هنالك رصد تم من فترة حول أسماء لصوص الانقاذ، بأن افعالهم تنم على عكس معنى أسمائهم، ومنهم نافع، الخضر، المتعافي، كل هذه المجموعة من اللصوص افعالهم تشير إلى عكس مسمياتهم، ونجد أخونا الفقراوي معجب بالجمالين "جمال الوالي وجمال فرفور"فالأول هو هو جمال الدين محمد عبدالله او جمال الوالي. القيادي بالمؤتمر الوطني، ولد بقرية فداسي 1964 وهو اصغر إخوته، ودرس القانون في جامعة الاسكندرية، وكان يعمل بمنظمة الدعوة الاسلامية وبعد ظهور صلاح ادريس عمل مدير أعماله وتقلد جمال رئاسة نادي المريخ حاليا كاتم سر اموال " الحزب "مستشار اقتصادي للمتنفذين وزوجاتهم خارج البلاد يعتبر احدى حاضنات مال الشعب المنهوب والمسلوب ثروته، واملاكه الجميع يعرفها بدأ من افراس انتهاء بالقنوات الفضائية المعروفة. ومثل هذا الطفيلي وجد الجو الملائم في عهد هذه الحكومة النازية ليسرح ويمرح تحت ستار دولة المشروع الحضاري ...المسوره بسوار ديني متين كما يدعون والدين منهم براء، وقد نجحت هذه الحكومة النازية في تنفيذ برنامجها و اجندتها ونجحت في هدم البنية الاجتماعية للمجتمع السوداني و نجحت في تغيير القناعات وانتزاع عقيدة الإنسان السوداني، نجحت في جعل " المال " هو كل شيء...المال هو اخلاقك و المال هو دينك و المال هو قبيلتك و اهلك و المال هو شخصيتك. لقد افقروا الشعب السوداني ليتمتعوا هم وخدمهم أمثال جمال الوالي، بخيرات الوطن وأحرار السودان يقفون يتسولون أمام بيوت الزكاة، التي تمتن عليهم بعد العطاء الذي لا يغني ولا يثمن من جوع، هذه هي سيرة أحد الجمالين المعجب بهم "الفقراوي الذي يعتبر من الجيل المهمش التابع للمؤتمر الوطني، أو بالأحرى المتلزق في المؤتمر الوطني". أما الجمال الثاني المعجب به هو جمال فرفور، وما ادراك ما هو جمال فرفور وماذا نتوقع من هذه الضُبانة وهو من أحد الطفليات الضالة التي برزت في عهد انحط فيه كل شيء، وكضاب من يحاول ان يجد فيه أي نوع من انواع الابداع الواعي في زمن المشروع الحضاري ، ففي هذا المشروع الدماري برز مفهوم الفنان الرسالي ، وهو الفنان حسب فقه الانقاذيين مفروض أن يكون الفنان كالببغاء يردد معهم في سبيل الله قمنا نبتغي رفع اللواء أو يردد أمريكا روسيا قد دنا عذابها ، او اماه لا تجزعي فالحافظ الله ، وهذا تلخيص بسيط لمضامين هوية جيل جمال فرفور. الفلسفة الإنقاذية في إدارة شأن الفن والابداع هي فلسفة تقوم على اللتيق والرقيع رقيع هذه الخرقة البالية المسماه بالمشروع الحضاري وفنانها الرسالي !! جاءت الانقاذ بكل الكُره الممكن تجاه موروث الشعب السوداني الثقافي بإعتبار انه موروث مدغمس بإبداع اهل اليسار الشيوعيين الكفار ناس وردي وود اللمين وهاشم صديق ومحجوب شريف وغيرهم ؟ وليس ابدى واجدى من صورة فاضحة لهم من لحظة وصول جثمان مصطفي سيد احمد الطاهر وما حدث من مضايقات وتعتيم اعلامي في زمن روائح المسك التي تفوح من تلفزيون ساحات الفداء !! وبذات الغباء الوسخان شردت الانقاذ كل المبدعين اصحاب الفكر الرسالي الحقيقي والمُبرأ من كل غرض تجاه الوطن ومن ذات الفكر المريض الخبيث لمعرفتها انهم هم المُهدد الحقيقي والذي يمكن ان يكون شوكة حُوت في حلق هذه الكذبة الدينية ، حاربت الانقاذ من خلال مجزرة الصالح العام وقانون التمكين كل رموز الفكر والابداع ويسرت لهم سبل الخروج بعد ان استخدمت معهم كل اساليب التنكيل وتضييق اي فرص للحياة داخل الوطن فهاجرت كل قيم الابداع معهم . لتصبح هذه الارض البوار من بعدهم أرضاً خصبة لزراعة الفاسد من رسالتها الحضارية وليكون من اليسير للمجاهد أمير المؤمنين الرقيص على الغاني الهابطة التي يؤديها الهابطون من الفنانين عديمي الضمير والإنسانية، أمثال جمال القبيح في أخلاقه. وإن جماعة الإنقاذ وكما اشتروا السياسي الرخيص اشتروا الفنان الرخيص الدلدول الذي لا يستطيع مقاومة مغريات الكُوشة الانقاذية ، وبذلك قضينا ربع قرن من ضياع هوية الفنان السوداني الحقيقي انه عهد العُهر والفسق والدنس الانقاذي الذي يجعل مثل هذا الفرفور يفرفر مذبوحا على الواجهة الوطنية وصدق الانتماء للوطن !! يغني لريس الدمار والتقسيم والدماء ويفضحه ولي نعمته بأنه يقتل لأتفه الاسباب فيكونان صنوان وسيان في الجريمة ، اين سيذهب هذا الفرفور من ضميره بعد ان تنزاح هذه الحقبة الدموية من تاريخ الوطن ، ليس له مكان أطهر من كوشته وكوشة ولي نعمته سوى مذبلة التاريخ كما غيره من المنتفعين والمتنطعين الارزقية !! مات الشرفاء فناني ومبدعي القضية جوعاً في المنافي ولحم الانقاذ تاكله الفرافير !! افترشوا رمضاء الغربة وتلفحوا همومها ليتدثر من هذا االفرفور الهوان عباءة من دم الشهداء ويغني لقاتلهم ولي نعمته لتكون فضيحة هذا الفرفور الانقاذي، ومثله في ذلك إنت تفصل وأنا ألبس هذين هما الجمالين القبيحين في أخلاقهم الذي يعتبرهم الفقراوي قدوة له، واقول له بئس من قدوة أنت تتبعها، ويقول المثل الطيور على أشكالها تقع.
المحبوب أحمد الأمين
موضوع: رد: قناة فضائية جديدة ...... السبت 2 نوفمبر 2013 - 7:17
الفقراوي كتب:
ونهاراااات
قريت الكلام دا قبل ما بكري ابوصلعه يرفعوا فوق قريتو لمن عيوني طشت وحمرت واصلا مفروض ما اقراهو ذاتو ماعندنا ولا حبة خردله ثقه في ناس سودانيز اون لاين ولا حتمشي علينا كلمة وطنييين ولا بتخارج معانا الداير يعمل قناه ويعارض يدفع من جيبوا ويتحمل التبعات لكن ندفع لي ناس ماعندنا فيهم ثقه --- ماحندفعوا ولا هلله خلفيات اغلبها تتقاطع مع كثير من القناعات الوطنيه ونضال اسفيري يختلف اصحابو قبل ان يلتقوا بقايا شيوعين وناصريين وجمهوريين وغيرو ونحاسب منو لو ضربوا قروشنا بعدين نسال منو لو القناه دي مشت ام فكو نحنا بقينا اتجاهات مابتجمعنا قناه تلفزيونيه دي الحقيقه المره ---- ؟
جزء من الكلام الفوق دا تم التناقش حوله رغم عدم الجدوى بإعتبار إنو رأي ومن حق أي شخص أن يختار ما يريد الاطلاع عليه ومن حقه أيضاً أن يصنف نفسه وفق رؤياهو هو لما هو وطني وأن يحدد الناس محل ثقته وبالتالي بحدد مساهمته وفق ثقته وقناعاته وممكن الاتفاق حول هذه الرؤية وكذلك يمكن الاختلاف حولها بس أول الحزء التاني من المداخلة بنم عن عدم إدراك لواقع الحال بشكل غريب وكمان فيهو فرز لمكونات الحياة "السياسية .. خلينا نقول" وكذلك بنطوي على إستعلاء غير مبرر بأي وجه من الوجوه وعشان ما نظلم الرأي نجيب الكلام ذاتو :
خلفيات اغلبها تتقاطع مع كثير من القناعات الوطنيه " القناعات الوطنية لي منو ؟؟" ونضال اسفيري يختلف اصحابو قبل ان يلتقوا "وطبيعي الناس تختلف وبتنمية مهارات الحوار ممكن يتفقوا حتى لو في حد أدنى" بقايا شيوعين وناصريين وجمهوريين وغيرو "وديل ماهم الفي نجيب غيرن من وين ؟؟" ونحاسب منو لو ضربوا قروشنا بعدين "ما نخليهن لله يعني حا تكون قدر الأكلوها ناس هي لله هي لله ؟؟" نسال منو لو القناه دي مشت ام فكو " في رموت كنترول تشوف غيرا" نحنا بقينا اتجاهات مابتجمعنا قناه تلفزيونيه "ودا صحيح السودان ذاتو ما قادر يجمعنا طالما كانت دي وجهتنا !!"
والسؤال لشنو نحن مضايقين ؟؟ لماذا "نحن" وخلاف ذلك جهنم ؟؟ البلد دي حقت منو خلاف بقايا شيوعين وناصريين وجمهوريين ؟؟ والبقايا ديل نكبهم في البحر نلحقن الجنوبيين وأهل الغرب البقو قاب قوسين أو أدنى ؟؟ ياتو قانون أو دين من السماء أو الارض بيقر هذه الأفعال ؟؟ ما دايرين نتكلم عن المواثيق الدولية الآن امكن نجيبها تاني
محمد المنصوري
موضوع: رد: قناة فضائية جديدة ...... السبت 2 نوفمبر 2013 - 13:07
في كتابات مستفزة وبتحرق الروح وبالذات حينمـــا يقصد
صاحبها عمدآ إستفزاز الناس وحينما تقوم علي إفتراضات
دون حقائق ...
ولأن التكرار بعلم الشطـــار والكلام للأخ الفقراوي وكما
ذكر لك الأخوان القناة دي مشروع بنتمناه وإن شـــاءالله
يري النور قريب ( قول أمين ) .....
أنت رايك فيها نحن عرفناه والحمدالله قلت ما بتشارك فيها
وده طبعآ من دواعي سرورنا
والحمدالله مرة ثانية أنه ده رايك عشان نحن بصراحة
عايزنها قناة للأحرار فقط ....
طبعآ أنت حسب رأي ما من الأحرار قول لي لايه ؟ لأنك
كوز وفي الكيزان ( غير صالح ) وبرضو قول لي لأيه ؟
لأن التعميم بكون تصنيف غير عادل وعشان بنفترض أن
بعضهم رجع لضميروا وإستنكر إجرام هذه العصابة وما
فعلته بـالسودان من دمار .
ياخي عليك الله ما بتخجل تنتمي ليك لناس قتلة وفاسدين
وحرامية وتستفز في الناس بكلام كله تثبيط للهمم وما
راكب عدله - يا ترتورة صدقني الفقراوي ده لأبس أصفر
وعايز يظهر بــ خالف تذكر ....
صداح فاروق وراق
موضوع: رد: قناة فضائية جديدة ...... السبت 2 نوفمبر 2013 - 17:12
محمد المنصوري كتب:
في كتابات مستفزة وبتحرق الروح وبالذات حينمـــا يقصد
صاحبها عمدآ إستفزاز الناس وحينما تقوم علي إفتراضات
دون حقائق ...
ولأن التكرار بعلم الشطـــار والكلام للأخ الفقراوي وكما
ذكر لك الأخوان القناة دي مشروع بنتمناه وإن شـــاءالله
يري النور قريب ( قول أمين ) .....
أنت رايك فيها نحن عرفناه والحمدالله قلت ما بتشارك فيها
وده طبعآ من دواعي سرورنا
والحمدالله مرة ثانية أنه ده رايك عشان نحن بصراحة
عايزنها قناة للأحرار فقط ....
طبعآ أنت حسب رأي ما من الأحرار قول لي لايه ؟ لأنك
كوز وفي الكيزان ( غير صالح ) وبرضو قول لي لأيه ؟
لأن التعميم بكون تصنيف غير عادل وعشان بنفترض أن
بعضهم رجع لضميروا وإستنكر إجرام هذه العصابة وما
فعلته بـالسودان من دمار .
ياخي عليك الله ما بتخجل تنتمي ليك لناس قتلة وفاسدين
وحرامية وتستفز في الناس بكلام كله تثبيط للهمم وما
راكب عدله - يا ترتورة صدقني الفقراوي ده لأبس أصفر
وعايز يظهر بــ خالف تذكر ....
يا منصورى بالغتا ياخ !
القناة دى بدون حلاوة وفول مدمس أخونا الفقراوى باقيلك بتقوم ؟ ده طبعاً إذا سلمنا جدلاً إنها إتجاوزت عقبة أنو الفقراوى (ومن يُمثلهم ) لم يدعموها بهلله أو كما قال !
عبدالمنعم ترتورة
موضوع: رد: قناة فضائية جديدة ...... السبت 2 نوفمبر 2013 - 17:22
والله يا المنصوري الفقراوي دا حرق روحي جنس حريق، وكلوا مرة يعيد في نفس الكلام والمحبوب قالها ليه صراحة انت ما تقرا الكلام المكتوب، وكل مرة يصرعلى إعادة نفس الكلام، ونقول ليه القناة عبارة عن فكرة ومشروع سوف يرى النور، يقول انتو بقايا شيوعيين وناصريين وبعثيين، ما فاضل إلا يصفنا بالمرتزقة. غايتو، كل ما اكتب كلمة اقول اللهم طولك ياروح، وفعلاً الفقراوي شغال بي نظام خالف تذكر، وفي موضوع واضح وضوح الشمس، يكابر ويعاند، غايتوا ربنا يهديه
عبدالمنعم ترتورة
موضوع: رد: قناة فضائية جديدة ...... السبت 2 نوفمبر 2013 - 17:27
يابخت ناس السعودية بي الفول المدمس، والحلاوة بتاعت الفقراوي، وطبعاً دا كلوا لمن القناة تقوم، والمطلوب من كل البورداب أن يرسل عنوانة البريدي للفقراوي، عشان يصلوا الفول المدمس من الأراضي المقدسة" نظام دلفيري"
الفقراوي
موضوع: رد: قناة فضائية جديدة ...... السبت 2 نوفمبر 2013 - 20:51
المحبوب أحمد الأمين كتب:
بس أول الحزء التاني من المداخلة بنم عن عدم إدراك لواقع الحال بشكل غريب وكمان فيهو فرز لمكونات الحياة "السياسية .. خلينا نقول" وكذلك بنطوي على إستعلاء غير مبرر بأي وجه من الوجوه وعشان ما نظلم الرأي نجيب الكلام ذاتو :
خلفيات اغلبها تتقاطع مع كثير من القناعات الوطنيه " القناعات الوطنية لي منو ؟؟" ونضال اسفيري يختلف اصحابو قبل ان يلتقوا "وطبيعي الناس تختلف وبتنمية مهارات الحوار ممكن يتفقوا حتى لو في حد أدنى" بقايا شيوعين وناصريين وجمهوريين وغيرو "وديل ماهم الفي نجيب غيرن من وين ؟؟" ونحاسب منو لو ضربوا قروشنا بعدين "ما نخليهن لله يعني حا تكون قدر الأكلوها ناس هي لله هي لله ؟؟" نسال منو لو القناه دي مشت ام فكو " في رموت كنترول تشوف غيرا" نحنا بقينا اتجاهات مابتجمعنا قناه تلفزيونيه "ودا صحيح السودان ذاتو ما قادر يجمعنا طالما كانت دي وجهتنا !!"
ومساءااات ماهي الايدلوجيه التي ستتبناها القناه ؟ لكل قناه مرجعيه وخاصه زي قناتكم دي فهل ستتبني فكر ناس الامه ولا الشيوعين ولا ناس الاجماع الوطني صاح الناس هما ازالة الكابوس الانقاذي لكن هناك اختلاف شامل بينهم اليوم نري ابناء دارفور في حرب ضروس بينهم فكيف اذا اضفنا لهم بقية الشله الحمراء والعلمانيه وبقيت الفكه هل هو بث من اجل المعركه السلميه ام هو استعداد للكفاح المسلح ؟ لحدي هنا عارف ماعندكم اي اجابات لييه لانو اصلا مافي اي شي يقرب الاراء لكن في حل تاني ممكن كل جماعه تعمل قناه براها --- وهنا الغنمايه ضحكت معاي --- ناس ماقادره تعمل ليها قناه واحده ممكن تعمل ليها قنوات كل حسب فكرو ورايو وحبيبي تعال نتلم --- مادام المعارضه عملت ليها قناه ؟
الفقراوي
موضوع: رد: قناة فضائية جديدة ...... السبت 2 نوفمبر 2013 - 21:13
محمد المنصوري كتب:
والحمدالله مرة ثانية أنه ده رايك عشان نحن بصراحة
عايزنها قناة للأحرار فقط ....
...
ومساءاات منصوريه
في بوست في ( سودانيز اون لاين ) اسمو -- المناضلين البخلاء انشاء الله تكون مريت عليهو وقريتو عشان تعرف بس الاحرار ديل بقولو شنو عن نفسهم المنصوري لمن زعل براهو كدا عمل ليهو منتدي كامل -- اتخيل معاي وين غضبة 4 مليون معارض ---- كفروا كفرا بالانقاذ --- الناس دي بتتكلم ساكت وبتنظر وبس هسي يقولو في دفع وكاش لاتحصل جحا لاحمارو ومرتي حامل وامي كراعه مكسوره وكفيلنا عينو عوره واعذار بالطن بخلاء علي الوطن غير انهم في الكيبوردات يفوقو كرم الارباب صلاح ادريس هسي كدي دق سدرك كدا وقول انا متبرع بي 2000 ريال للقناه الترتوريه دي الجرسه حتصل حلة الفور واحتمال مصنع الخميره بخلاء جدا لانهم شتات في شتات ولاثقه بينهم بخلاء لانهم بلا سند حقيقي ولا ماعون يلم شملهم -- قوم اذ سمعوا نبيح الدفع قالوا لامهم بولي عاي القناة ؟
عبدالمنعم ترتورة
موضوع: رد: قناة فضائية جديدة ...... الأحد 3 نوفمبر 2013 - 2:33
الفقراوي كتب:
محمد المنصوري كتب:
والحمدالله مرة ثانية أنه ده رايك عشان نحن بصراحة
عايزنها قناة للأحرار فقط ....
...
ومساءاات منصوريه
في بوست في ( سودانيز اون لاين ) اسمو -- المناضلين البخلاء انشاء الله تكون مريت عليهو وقريتو عشان تعرف بس الاحرار ديل بقولو شنو عن نفسهم المنصوري لمن زعل براهو كدا عمل ليهو منتدي كامل -- اتخيل معاي وين غضبة 4 مليون معارض ---- كفروا كفرا بالانقاذ --- الناس دي بتتكلم ساكت وبتنظر وبس هسي يقولو في دفع وكاش لاتحصل جحا لاحمارو ومرتي حامل وامي كراعه مكسوره وكفيلنا عينو عوره واعذار بالطن بخلاء علي الوطن غير انهم في الكيبوردات يفوقو كرم الارباب صلاح ادريس هسي كدي دق سدرك كدا وقول انا متبرع بي 2000 ريال للقناه الترتوريه دي الجرسه حتصل حلة الفور واحتمال مصنع الخميره بخلاء جدا لانهم شتات في شتات ولاثقه بينهم بخلاء لانهم بلا سند حقيقي ولا ماعون يلم شملهم -- قوم اذ سمعوا نبيح الدفع قالوا لامهم بولي عاي القناة ؟
للمرة المليون قلنا القناة دي قناة للأحرار وليست قناة ترتورية، وهذا شرف عظيم لا يدانيه أحد بأن تنسب القناة لي، لكنك تحاول أن تلوي عنق الحقيقة. وهذا أمر طبيعي ونقد هادف أن يتطرق الأحرار إلى نقد أنفسهم، وما تدعيه من بخل الأحرار إنه هراء وافتراء وكلام عام، إنما البخل الحقيقي هو بخلكم انتم يامعشر الطفيليين، يامن كنزتم الأموال بغير حق، وسرقتوها من جيوب الشعب السوداني الأبي، وإذا كان هنالك بخل فأنتم السبب فيه، ومرة أخرى أكررها وأعيدها سوف يأتي اليوم الذي ترى بأم عينيك هذه القناة، وتتفرج فيها وانت تلهط في الفول المدمس، وأخشى عليك أن تغص وأنت تشاهد هول وفضائح نظامكم العنصري المهتري . وساعتها أي منقلب سوف تنقلبون، وفي تلك اللحظات تقوموا بمحاولاتكم اليائسة من أجل كتم صوت هذه القناة الحرة يالترغيب تارة والترهيب مرات أخر، وساعتها لا مخرج لكم سوى الاستسلام، لأن ليس لكم من الكوادر التي تستطيع ان تجاري وتباري هذه القناة الشريفة، باعتبار أن سياستكم في التعيين في كل مفاصل الدولة "الولاء قبل الأداء" ولكن ميدان الإعلام الحر النزيه هو الأداء ثم الأداء ثم الكفاءة ثم الكفاءة، وحينها سوف تصل جرستكم عنان السماء وليس" حلة فور ومصنع الخميرة". وبيناتنا الأيام وفي اليوم المشهود وهو يوم انطلاق بث القناة سوف تأخذ لك ركن قصي أنت ومعلميك من جماعة المؤتمر اللاوطني، ويومها سوف ينكشف المستور وتبان سوءتكم، وحينها تَسْوَد وجوهكم، واي منقلب سوف تنقلبون. واتمنى لك مشاهدة مفيدة بإذن الله . وثورة حتى النصر وعاش الشعب السوداني حراً مستقلاً وبيناتنا الميدان يا حميدان
موضوع: قناة فضائية جديدة ...... 
الجمعة 1 نوفمبر 2013 - 2:17
" />
" />
