السلم عليكم اخي راشد جزاك الله الف خير وبركه وماحرمنا من طلتكم انا امتحنت الليله الامتحان بدا الساعه 12 ظهرا وانتهي سته ونص وانا اسي يادوب رجعت البيت واول حاجه عملتها فتحت المنتدا لانو واحشني الف بس بعد كدا الدعوات ان الخواجات ديل ربنا اعميهم عن غلطاتي (اقصد كمبيوتر الخواجات ) وتشكر علي الاهتمام
ياايمو رمضان كريم وربنا انشاء هو أن ينجحك،بس نحنا دعواتنا لحدي كده،أما قصة كمبيوتر (الخواجات) ده نحنا ما معاك فيها للاسباب التالية: 1- مافي كمبيوتر في الدنيا غير كمبيوتر الخواجات ده. 2- أكتشاف أخطائك ان وجدت فيهو فائدة ليك بالعمل علي تصحيحها،وكمان ماتنسي ان مهنتك بتتعامل مع أرواح ناس يعني دور كمبيوتر (الخواجات) مهم في الناحية دي ولك أمانينا بأن تكون اجاباتك كلها صحيحة.
السلام عليكم رمضان كريم وكل عام وانتم اقوا صله ببعضكم ياناس الحصاحيصا شكر شديد ياصداح فعلا والله الموضوع مابتحمل اخطا بس انا شكلي طمعت لما لقيت دعواتكم ماشه معاي اتكيفت (والبحر مابيابا الزياده ) وبالجد شكرا ليك شديد ياصداح
الفكرة لاقت قبول من الكثيرين ... ويبقى شكلها وطرق التنفيذ ... ممكن جدا طرح موضوع المنتدى الطبى على الاعضاء والادمن ويثبت ان تمت الموافقة عليه ... فى راى ان تبدى تنفيذ الفكرة بطرح ثقافة طبية ... بمعنى ان نتواصل معك من هاهنا فى شكل كبسولات خفيفة .... ممكن يكون العنوان اسال طبيبك !!!! ويالا نحاول نلحق باقى رمضان .... واذا وافقت على الفكرة انا برااااااااااااى بكفيك !!!!!
صفوان شكرا ليك شديد انا طبعا طلبت من ادمن ولسه ماداني خبر المهم نحن ممكن ذي ماقال راشد نبدا ببوست لحدي ما ادمن اديني خبر عشان نلحق رمضان . اخي مبارك السلم عليكم انشا الله بعد الشر كلكم من العيا ياناس الحصاحيصا وانشا الله الصفحه لما تبدا مااكون في زول عيان ولا اعيي زول وتكون كلها وقايه بس من الامراض وتسلمو كلكم
موضوع: ايمو .... والامتحان ؟؟؟؟ 
الإثنين 7 سبتمبر 2009 - 20:23
