قصة قبل سن القانون يا ايمو

دخل رجل على زوجته

وهي مشغولة بالبيت

وناداها :
قال :ياهناية ...
قالت :ايوه
قال : تعالي دايرك هنا ...
قالت : في شنو ؟؟
قال : تعالي بس وانا بوريك ...
قالت : ياخي انا مشغوله قاعده اكوي في هدومك !
قال : خلي المكوة وتعالي ...
قالت : خلاص كويس ...
ثواني وجاتو لابسها كيف ..كيف اخر هندمة..
وريحتهاطاقة.كنزو .. وابتسامتها ماليه وجهها ..الممكوج.
قالت : أها في شنو ...
عاين ليها بإبتسامة صفراء وقال :
شوفي ... انتى
مجوعانى ومضعفانى ومبهدلانى ومفلسة بي ومسهرانى وطلعتى عينى

عشان كده انا
أنا عرست عليك ...
وردلب وقعت على الكرسي وهي تعاين ليهو ...
و بصوت يرتجف
قالت :سجمي ... قلت شنو ؟؟؟

قال : قلت ليك أنا عرست عليك ...
ويالله قومي شيلي هدومك وأرحكي على بيت أبوكي ...

أنا مسافر مع مرتي التانية كم يوم كدا نقضي لينا شهر عسل وبجي
راجع ...

عاينت ليهو بين مصدقة وما مصدقة ...
وبدون مقدمات قام ليك فيها ...


وقال : ما تعايني لي كدا قومي جيبي شنطتك وانا راجيك برة في
العربية ...

طلع وهي تعاين ليهو ومندهشه

ومنططة عيونها ومحتارة ياربي الحاصل شنو ؟؟؟
دقايق وجاتو في العربية ...

وبصوت مخنوق ...
قالت : لو سمحت ممكن تجيب الشنطه ؟؟؟
نزل من العربية وشال الشنطة وختاها في المقعد الخلفي ...

دور العربية وطوالي على بيت أبوها ...
بعد شوية وصلو البيت ...
قال ليها : تفضلي انزلي .....

فتحت الباب ونزل قبلها وشال الشنطه ...

وجاء بي عند باب اهلها ومسك يدها
وهى من الزعل لا بتسمع لا بتشوف
وقال ليها : حبيبتي
أنا لا عرست عليك ولاهم يحزنون
بس ... ابوك مات !!!
هي بدون ماتشعر قالت:

الحمدلله خوفتني ...



وخلينا اول نفش المغصة والغبين بعدين نشوف موضوع القوانين
مع محبتى

هاهاهاهاها .. آيات والله لم اتخيل نهاية الحكاية كده .. مع انى قراتها بتمعن لانى عارفك بتجيبى حاجات عجيبة . لكن دى عجيبة شديد .. والله قصة .

بصراحه الراجل الحكيم ده ياايات اكيد مامن هنا
انا شفتي من ماقالت ليه جيب الشنطه وجابه عرفتو مامنننا بعدين اطلع زول رقيق وظريف وماداير يخلعها اما هي طلعت مع الاعتزار (زباله ) اخير ليها اكون ابوها مات ومايكون عرس فيها اتلومت
( الحكايه دي زكرتني نكته بتحكيها عمتك صفيه امي ياايات ( قالو في واحد ا امو ماتت وهو في المعسكر وهوحنين بس اصحابو كلهم قالو مابقدرو اكلموه المهم واحد من الضباط قال انا بكلمو ليكم لماهم كلهم وقال ليهم اسمعو الامو حيه اجي بيجاي والامو ميته اجي بيهنا عمك ماش مع ناس الامهم حيه قال ليه لا انت تعال بيهنا امك ماتت)
المهم ياايات دايما بنتظر اقرا البوست بتاعك لانو بالجد بكون تحفه تسلمي شديد يارايعه
وبالنسبه للقوانين عليك الله ياايات ماديرين ليهم قوانين شف جنس ناس عمر البقولو لي وليد كان ماسمنت عرس !!!!!!!!!!!!!!!!!!!!!!!!!!!!!
والله بالجد يايات ماعدمناك وتسلمي

هههههههههههههه
بالغت لكن الزولة دي ( ما قلتو نويا )
ودي زي برضه قصت الزوجة الزوجها بضربها كل مرة تمشي بيت اهلها تبكي ( ضربني عمل لي فعل لي )
المهم اخوها بتاع عضلات كدا جاء فبيتها ومسك الراجل اداه ليك علقة بنت فتله وخلاه أزح زح في الأرض ( قامت قالت ليه ضربك اب عضلات أضربو الضريب )

لكن قصة أبوها دي حارة شوية

أبو رائد