إستغفري يابتي ..خليهو .. الله بفتح ليك بأبرك وأخيير منو ... والمسامح كريم "فيديــو"

وبعدين يا حبو
دي رقصتا كيف مع انها معبرة جدا
ارشح هذه الاغنية لتصبح شعار للغالبية من الجكس

صباح الافوال
ياخي دي ما متسامحة كلو كلو
زعلانة ومورمة فضفاشا في شنو يعني ؟؟
بقعد اضحك لمن اسمع "بداعي فيك"
أها كان ما الزول ممغوس بصل الحد دا
والحيرني لي شنو ما داعت صاحبتا مش هي الختفتو ؟؟
اتمنى نسمع باقي القصة ونشوف الموضوع تم ولا ما تم
غناء الشباب ديل غناء قاسي جدا خيانة ودعا وعدم تسامح هو الحاصل شنو الناس بقت موتورة ؟؟

سبتني إتعلقت بيك
شاحدا الله ما يتمو ليك
ما تسعد اذيتني وما عافية ليك
كلام منتقم جدا
لكن لمن تسمع
اتاري كان بتسلى بي
اختار صدقتي وماراعي لي
الخلاني بداعي في مغبونة ببكي ما كترو علي
تلقى كلاما صاح ومن حقها تداعي لمن إنت ذاتك تتحزم وتقيف طول تتداعي معاها "شاحد الله ...."
ومع دا كلو أسي كان مشت ليها لي فقير كارب ما كان أفضل من كشف الحال والجرسة دي

المدهش ياورقة بان الشباب ديل اتيحت ليهم فرصة لتقديم الاغاني دي عبر تقنية عالية جدا
في التأليف والألحان والتوزيع الموسيقي والآداء وأجهزة الصوت وخلافو
لكن الكلام ما متسامح كلو كلو بل ماشي في اتجاه الانتقام
فهل نحن بنقبل بي التطور التقني وبنرفض القيمي ؟؟
يعني قيمة زي التسامح دي ما بعدها قيمة أو فضيلة فلشنو المداعاة ؟؟
ولمن تشحد الله ما تشحدو يفتح ليك بابرك واخير لي شنو دعوات التدمير الشامل ؟؟
وما مكتفيين بالا يتمو ليهو كمان ما يسعد !!

صورة وصوت

التسامح عند السر دوليب
وعثمان حسين
بمشاركة اسرار

سِــــيـَّان عِـنــدى عــدْلــك
أو جُـــورك عَـلـيـَّا
تـكـابــر أو تــدارى
حُـبــك بـاقـى لــيـَّا

بـتـرجـــــع لـيـَّا تــانـى
وتـســــأل عـن مكـانى
تـجـــدنـى زى ما كُـنــت
وزائــــد فـى حـنـانى

أســـأل عـنـى طـيـفـَـك
وذكـــراك هُــم شـهـود
يـامـا إشــتـقـت لـيـكـا
ورجـيـتـــك لـو تــعــود

وحـشـتـنـى الإبـتـسـامة
وعـيـونـك بى كـلامه
تــدارى فـى إشــتـيـاقـا
وتـفـضـح لى غـرامـه

ما خـطــرت لـقـلـبـى
سـلـوى تـحِـيــدو عـنـَّـك
وما مـمـكـن أعـاتـبـك
وياخـُـد خاطـرى مـنـَّـك

أنا عـارف خـصـامـك
وغـضـبــك فى كــلامـك
ما من جـوَّه قـلـبـك
كُـلـُّـو عـلى لـسـانـك

» 77 حقيبة وزارية ، والحليفة بالقصر على دفعتين "مولد"
» سوزان يابتي رجعنا ليك رسوم المغادرة .. بتسحبي الملف ولا ما بتسحبي ؟؟
» رمضان كريم
» رمضان كريم
» رمضان كريم