بالأمس وفي قناة امدرمان
مواجهة بين محمد سيد أحمد ومحمد جعفر
الحصاحيصا بورسودان
المناسبة كانت عن "ذات السواطير"
ففي المباراة الفاصلة خسر حي العرب كما هو معروف
ولحسم اللغط ومعرفة المخطي في الحرابة كانت المواجهة في قناة امدرمان
فممثل بورسودان قدم قضية في غاية الضعف
سخرية من المنطقة ومن ناسا "ماعدا المعتمد"
تكلم ممثل بورسودان بلسان قدر طريق بورسودان الحصاحيصا
قال عندهم استاد لا فيهو غرف ولا فيهو أبواب غير باب واحد
قال لا يعرفون كرم الضيافة ولم يحسنوا وفادتهم
ولم تشفع للمنطقة إفادات الجكومي الذي أثبت له "أمامه وعلى الهواء " زوغانه من الفطور والغداء
ولا الهدية التي أرسلها الجكومي لحي العرب في مدني في مناسبة سابقة
شخصيا إحترت الزول دا مالوا ولي شنو بسي للناس بهذه الصورة ؟؟
تداخل مزمل يعقوب وتكلم عن عدم إعجابه بطريقة الحوار في الحلقة
وتداخل حسن وراق ورفض إدعاءات بورسودان مستدلا بكشوفات المستشفى
وحسب كلامو فالمصابين من الحصاحيصا 13 ومن بورسودان 7
وزاد بانها مؤامرة ضد الحصاحيصا
في رايي بورسودان خسرت مرتين
في الميدان باللعب عديل وقون شايتنو من الكمبو خش
وفي القناة المتواطئة" ودا غرض البوست
التواطو كان بعرض المصابين "إتنين من بورسودان"
الاول قال إعتدوا عليهو 600 وفي الآخر قال 60
ومش مشكلة
المشكلة في الشاهد التاني
المذيع كان بملي فيهو
"أها كسرو ترقوتك مش كدة ؟؟"
الشاهد قال ليهو "لا"
لو محل ناس بورسودان كنت أرجع وألم الموضوع وأعد الفرق لجائي
وبعد خسارة الميدان مافي داعي للخسارة الاعلامية حتف أنف القناة
موضوع: لقاء الجكومي ومحمد جعفر بقناة امدرمان أمس .. بورسودان تخسر للمرة الثانية 
السبت 7 ديسمبر 2013 - 6:17
