بمناسبة السنة الجديدة وكدا لازم نعمل جرد حساب والجرد دا طبعا لازم يكون بينك وبين روحك ...عاين لروحك في المرايا منو الزول دا اسع كم مرة انهزمت وكم مرة فرحت وكتيييييييييييييير شديد حزنت جاءتك كم شيبة سوداء ولا تزعل لسع قلبك ندى وشاب وما بشيخ ,,,,, كيفك عامل كيف و وصلت وين وبقيت شنو وبقيت منو وكم عزيز فقدت وكم زول نزلتو في محطة قطار شوقك والخليتهم بوراك الحصل عليهم شنو ؟؟ وكم صلة قربي واصلت ولا الزمن نساك ؟؟ ولحدى وين بقت أحزانك ولاقيت كم فرح عااااابر وانتصرت .... ووقفت دراستك لحدى هنا ولا تميت الباقي ؟؟؟ والفضل من العمر كفاك ولا داير زيادة ولا البحر مابيابا الزيادة ؟؟؟
حاجات حصلت ليك جرحتك شديد وقعدت جواك ما برت .... وحاجات تانى لقت دربها نحو العافية ....وكيف قدرتا تصفي نيتك من حقدك وحسدك وشرك .... ووصلتا لحدى وين ؟؟؟ حاجات شائكة بقت بينك وبين مشاعرك ما المشاعر اصلا على المحك....والحبيب وين اوع يكون قالوا لي سافر....سافر في متاهات الحياة وسكتنا ذاتها بقت مازى سكتك .... ورضيت بقدرك كلو وقلت الحمد الله ولا في جواك شوية شخشخة؟؟؟ مالك ياخ الرضا بالمقسوم عبادة .
كم وكم حاجة فضلت جواااااااااااك مدسوسة وما اتقالت ؟؟؟ كم زول بتعزو مشيت وراء عنقريبو دفنتو ؟؟؟؟ والسؤال الاكثر اهمية وينو حبيب القسا البتحكى ليهو الوجع دا كلو ؟؟؟ ولا لقيت توام روحك وجرحك دا وفقتو؟؟؟
عموما بعد ما تزح من قدام المرايا دى لازم تصبغ شعرك وتزين وشك بي ابتسامة براقة كدا ويا حبذا لو كانت ضحكة كدا من الاعماق لانو الدنيا دى دايرا البجدعا بي وراهو ويديها بالشلوت .
واخيرا كل عام وانتم اكثر تصالحا مع انفسكم
موضوع: جرد حساب سنوي 
الأربعاء 18 ديسمبر 2013 - 16:24
