العوض جاء سكران يتلت وهو فوق حمارو قرب للحلة سمع الزغاريت والدلوكة واقفة نار شرق والشُتامة دا يطق والتاني يخلف اللواري واقفة وبصين نيسان تقول واغربتي ناس تغني وناس تنقز وناس تتحجز والشفع يجضوا سوقوني سوقوني والزحام بشتد كلما قربت عين الشمش من مخبئها مبروك يالعريس الليلة يوم عديلك والعروسة قمرا تضوي ليك في ليلك ووتيرة الغنا تزداد حلاوة الليلة سار ياغشايا العديلة لي شويم وسار للجدايا العديلة لي وسيرو والبنات عشوقو النعيم مرق حلاة القدلة فوقو دا اليوم الدايرنو ليك يالنعيم مبروك عليك أبشرو بالخير أبشرن بالخير هيع أيويو يو يو الحمار حسب المعتاد شق الحشود لمن وصل البيت ووقف في الزريبة نان في حوش مو شوك زارب الدنيا دي كلها نزل السرج وربط الحمار وخطوة خطوتين مستحيل وصل العنقريب ما قعد سمح سمع النور يبكي وأمو تسكت فيهو سألا ما لو النور ؟؟ قالت ليهو يبكي قال إلا يسوقوهو في سيرة النعيم أخد ليهو ضحكة ضاعت شمار في مرقة السيرة وقال موجه الكلام لوليدو : ياولدي الببكيك شنو ؟؟ ما تعرس إنت وتسير وتسوق الناس معاك آآآآالنور آآولدي ؟؟
موضوع: رد: يسوقو منو ويخلو منو ؟؟ فيديوهات 
الأحد 23 مارس 2014 - 9:22
