الرحيل...محجوب شريف

الرحيل
لمن زولن اغبش متلك يبقى كتابك
ولمن تمرض وتشقى وتتعب بى كلماتو بيطرق بابك
الجواك المغصة منشفة شوقك لى احلامك
تبقى بتمصر فى اوجاعك وتصبر وتمصر فى اوجاعك
وزولا اغبش متلك بنقط عرقو عشان شتلاتك
وبيروى جداول فرحك بى تحنانو ويبقى مسارك

ما هماهو دنيا تشيلو تبهدل حالو
الحيشان والسهله والجالوص من دون ابوابو
الزول الاغبش التربالى ما بارت ارضو ما باع اطفالو
اطفالو الزينة عزيمة والولد الصابر صابر رضعو منالو

ما ينزلو لحد ما بنباعو رخيصا او بالغالى لحد
مناهو كل اولاد الحته وكل البلد اولادو ومهما جاعو ومرضوا وضاقوا ما ركعوا لحد
يعرفو انو لى الله عباده خشوع وركوع ما لى حد
مناهو يشوفم وهم كبار راكزين لسه جواهو صغار بالجد

ما صوتو علا مانهرلو صغير ماضاق من ضم اوجاع الناس
نسيما بارد بى حروفو يهبهب فى القلوب احساس
وقبل ما تفتر عزيمة او ينوم الناس ما نام يهدد فى هموم الناس
وقبل الديك يعوعى صبحية كل يوم كلماتو تدق اجراس

يا فنان ابدا غير جسدك ما فارقت احد
ويا مبدع ستظل ازهارك وقت الضيقة متاع وسند
وكل الرحلو ومتلك بى تحنان وادب وشتلو ورود فى قلوب الناس بتبقى السد
وكلو فريق فى حلة وكل جرف للنيل وكل حروف الحب والريد

مابتبكى وداعك شان كلماتك حية .

رحمك الله محجوب شريف وتقبلك الله قبولا حسنا

ورحل محجوب شريف