يوم التيسوعه في الحصاحيصا

طبعاً يوم التيسوعه في الحصاحيصا يوم غير فيه تتغير كل معالم الحصاحيصا زحمه مبالغه من الضيوف العابرين الي اهلهم حسب موقعها. غير الناس المتسوقه من المناطق الحول المدينه واتزكر ميدان المولد والقيامه قايمه فيه من عربات وناس وشفع كل واحد يحمل ما يخصه من جديد مع ناس البيت لا تستطيع المرور داخل السوق بالنهار الا للشديد القوي ودائماًاغلبيت ناس البلد بجوا بالليل السوق !!!!!
جلابيت الوالدوجلابتك عند الاخ هاشم التتر اقول ليك تعال بالليل بتكون بتحنس فيهوا يومين عشان امسكه قبل اسبوع من العيد.وتلاقي معاه المرحوم عثمان الصديق ومروان و{طه} محمد عباس و طارق الطويل و صفوت وعمر وزيري وبكري عثمان عباس ووراق الرياضي وحسن الرغم وجمال محمد السيد وجعفر علي حسن واحمد وزيري ومحمود علوب ومتوكل محمد الامين واخيه الفاتح وقدوره عباس وعارف بيترو ومجموعه انت بتكون بتضحك من ما قعدته الي الساعه تلاته صباحاً يارب تعيد هذه الايام في الغريب العاجل ....
ناس البيت بالنهار مراسيل جد بتمشي السوق خمسه سته مرات
مره المشمع مره السراير مره الجير نقص مره الاسمنت نقص مره للخضار مره الجيران عاوزين حاجه مره ...مره .. المهم مليون مره مراسيل والواحد مبسوط جداً جداً ونشط بفرحت العيد بكره....!!!!!
تعالوا نشوف بالليل السوق كيف {}{}{}
كل الحصاحبصا في السوق كل الاسر الكانت خارج الحصاحبصا من الحصاحيصا بتحضر للعيد يوم التيسوعه وانت في السوق بتسال ناس فلان ما جو اقولوا ليك جو لكن دخلوا السوق والا لسه ماوصلوا في السكه والتيسوعه بتلم كل الاصدقاء الزين افترقوا من زمن في السوق بالليل فجاه تلاقي ناس البيت معاهم الجيران في السوق ادوك مشوار الي سوق الخضار والعيش ومرات تتمرد لنه عند برنامج مع الشله بتاعتك واوصوك تعال بدري عشان تركب الستاير ونضافت الشارع وتساعد في الملايات في البيت والمشمع وعاوزين نزح الدولاب لمكان تاني جيب معاك فلان وفلان و جزمت اخوك نسيناها في البيت امشي جيبا عشان لقيناها ضيقه عليه عاوزين نغيره وبعد ترجع البيت ارجعوك نسينا الشرابات للاولاد وشرائط الشعر والباندات لاخواتك وتمشي تاني السوق عشان تجيب فلان وفلان للدولاب وكل الشباب اخر اليل علي موعد غداً الصباح الصلاءفي المسجد الكبير عشان نبداء الجوله من الصلاه ،،،،،،،،،،،،
والله طبعاً انا الان اتمني انو ارجع الحصاحيصا بس احضر التيسوعه وارجع الدوحه تاني ،،،،،،،،،،،،،،،،،،،،،،،
اخوتي كل سنه وانتوا طيبين وانشاءالله نتقلبل يوم التيسوعه مع بعض تحت عمارة بنك الادخار مدخل السوق

والله يا انور بالجد ذكرتنا يوم جميل ونحن قابضين العرابين بتاعت الحفلات وبنفتش في العازفين تمشي لي تنبل تلقاه مرتبط مع فنان من الخلاء تديوه فلوس زيادة عشان تفكه منه وطبعا اطول يوم في العالم عشان فيه حاجات كثيره لازم تقضيها0مره انا جالس مع غازي الجمل عشان اصلح لي الساوند بتاعي حتي صلااة العيد

والله يا انور قلبت علينا جنس مواجع انا هسي في حته خليها ساي لافي رمضان ولا في تيسوعه ولا في عيد ولا كننا عايشين اقرب مسجد ممكن اصليي فيهو صلاة العيد مشوار بتاع 45 دقيقه غايتو بس ربنا يرجعنا لي اهلنا سالمين

اكيد يا محمد ربنا ما حايضيع آلامك دي ساي انت بس شد

حيلك وربنا يوفقك لما تجي السودان تكون رافع راسك

فوق وتقول بالجد انا ابنك يا اروع بلد وبالتوفيق

والي الأمام

(حتي الناس الفي الخرطوم متغربة يا محمد )

اخي محمد لك مني انبل التحايا
اتمني من الله ان يوفقك والاعياد كتيره وكلنا واحد في الغربه
اتمني ان تعود الينا سالم غانم ناجح مرصع بالعلم هذه هو
سلاح الزمن القاسي اتمني ان تضع جل جهدك في النجاح
والاعياد دي ما بتخلص وانشاءالله تحضر السودان وتحتفل بك
الحصاحيصا وكل الاهل بنجاحك وقدومك

اتمني لك كل التقدير والنجاح الباهر اخي

اخي مهدي عيد سعيد
شكراً علي التعقيب وانشاءالله ربنا ادينا الفي مرادنا لكي نعود قولوا امين ,,,
الزكريات كتيره وجميله كل واحد لديه زكريات جميله بالزات في العيد ..........ودي الحصاحبصا

كل سنـــــــه والجمــيع بالف خــــــــــير

حسن وراق حسن كتب:

شكرن انورنا
التيسوعة او وقفة العيد لها عندي ذكري جميلة ز. طبعا نحنا اولاد السوق واذكر وانا في المدرسة نعمل (0 حباكين ) بتاعين زراير وفي غفبة الترزي او تكلته كنا نقوم ب ( طق ) التياب والعمم والملايات وبنطلع مصاريفنا وبعد في المرحلة الوسطي الصباحية كا نت ترزي في الاجازات وفي التيسوعة الواحد بكون مزحوم واحيانا بمشي البيت بعد اذان الصبح لان معظم ترزية الحصاحيصا من مابرنو وبسافروا العيدويخلقوا ازمة ترزيةاما في الثانوي الواحد كانت عندو ماكينة خياطة والشغل البنشتغلوا ايام العيد يكفينا فترة القراية.. بهذه المناسبة احي ذكري المراحيم من تجار وترزية الحصاحيصا...
وكل عام وانتم بخير

والله يا حسن كل يوم نكتشف فيك مهنة جديدة ...ترزي اصلو ما
كانت تخطر على البال ...حا اسميك تاني (حسن كفٌة)
وبكرة تقوم تطلع لينا( نقًاش )حسن جبص) لما كنت في الروضة وللا في زمنكم ما كان في روضة (خلوة)حسن تقابة)

عفواً اخي انور دخلت موضوعك دون ما اعلق عليه مع انه الموضوع شداني وانا بتصفح فيه وكنت عايزة اعلق عليه بس بصراحة كلام محمد اثرني جدا ً بحكم انو محمد ده في مقام اخوي الصغير وتربطنا به وبأسرته علاقة اسرية جميله لا تشوبها الشوايب وايضاً لأني الآن في اجازة في السعودية لقضاء العمرة مع الوالد والوالدة يعني راس السوط ضربني واتزكرت السودان والحصاحيصا بالأخص وده كله بسببك انت علي العموم كل سنه وانت طيب يا سيدي وربنا يجمع الشمل ويخفف أوجاع الغربة.

الاخت :هنويه
لك مني كل الود تحياتي للوالده صفيه الام الفاضله
والوالد خلف الله الراجل الطيب وسلمي عليهم شديد
وسلامي الكتير للاخ جمال ان شاءالله يكون بلغ الصحه...
عمره مقبوله انشاءالله سلامي علي مهدي واسعد وامير
وكل الاخوان وانشاءالله ربنا يجيبكم بالسلامه
والله الشوق شديد للحصاحيصا والتيسوعة هناك والسوق
لكن الله غالب ,,,
لك كل الاماني الطيبه
كل سنه والجميع بالف خير

ياأنور والله جد عاوتنا الي الحنين والحنين الجواني بتاع الحصاحيصاوأهلها في العيد أو بالأحر يوم التيسوعة والزكريات العجيبة الله يديك العافة بس نسيت أهم شئ هو السيد الخبيـــــــــــز

انور no coment
بالجد لا تعليق
انا اسي بس والله ببكى
انا ماعارفه ببكي ليه لكن بالجد الغربه حاره لان انا اسي في الخرطوم وحاسه بغربه شديده
ويامحمد كمال نحن في الخرطوم والجامع علي بعد 47 سنتي وبرضو حاسين بالغربه ربنا اجيبك راجع بالسلمه ناجح وفالح ونمشي كلنا نحضر العيد والتيسوعه سو
عارف يانور شدت انا ماشاعره بان نحن مافي عيد انا نبطشيتي واقعه يوم العيد وتانيه العيد وتالته العيد
وامي وابوي وهنويه مامعانا
يعني يانور بس بكيتني
عارف العيد بره الحصاحيصا مأساه حقيقيه
اله يرجعنا ليك يابلد

يا انور يا ملك
كلام ده ياخى نحنا القاعدين فى السودان بكينا
شكرا لك وانت تهدينا ابداع يحكى تناسج الحصاحيصا الاجتماعى وحب اهلها لها
شكرا تانى يا انور ورد الله غربه ابنائها جميعا

انور ...
والله عذبتنى عذاب .... الله يغيظك.

الاخوان : عمار و عمر وبكري حاج احمد والاخت ايمان : لكم الود كله

والله يا جماعه انا مجرس اكتر منكم والبسوي فيهوا ده بس فاض بي ويا عمار وايمان انتو في السودان يتعملوا كده تحنه نعمل شنو والله ياايمان اخير عيد الدوحه من عيد الخرطوم البلد الجافه لكن العيد كان زمان الان العيد زي يوم الجمعه لا طعم له ولالون واتمني من الله ان يعودوا اهلك بالسلامه وتحضري العيد الكبير معهم اخي بكري انت موضوعك بايظ ياخي انت في بلد ولاعيد ولارمضان ولاامكن ما تسمع كل سنه وانت طيب انشاءالله ربنا ارد غربتك وقلوبنا معك شد حيلك عدي اليومين ديل وخليك زي اخوك ابكي تحت البطانيه وياايمان انتي عديها قياس ضغط وومرور في العنابر خلي اليوم الاول ده امشي وانا ما بنوم الا الساعه خمسه صباحاً عشان اصحه يوم العيد في المساء عمار ده عامل فيها معانه لكن هو الكسبان لانه معيد في الحصاحيصا لكن مكابرنا سااااااااااااااااااااااااااااااااااكت برضوا مشكور ما قصرته
اما اخوبا عمر والله انت احسن مننا لن الاولاد معاك وما زينا نحنه مغلوب علينا لا اولاد ولا الحصاحيصا اتمني لك عيد سعيد لكن برضوا انا معاك التيسوعه ليها طعم خاص في الحصاحيصا وده المجنني ومجرس الجماعه الطيبين لك وللاولاد الف تحيه وكل سنه وانتوا طيبين....
والله شايل لي هم لاخونا محمد كمال ح يمشي كم كيلو مشوار للمسجد ربنا اعينك اخي محمد

لكم كل المني وعيد سعيد اهلي العزاز

يا سلام يا انور كلماتك تحكى عن حب حقيقى لمدينه هى اميرة المدن كما يحب ان يردد استاذنا عبد المنعم سيد احمد

يااااااااااااااااااااااااااااااااااااااااااااااااااااااااااااااااااه ........

يا انور الليلة التيسوعة