الى ادارة نادى النيل الحصاحيصا ودكتور معتصم جعفر ومعتمد الحصاحيصا

الى ادارة نادى النيل الحصاحيصا
افيدونا من المسؤل عن الخطأ الادارى الفادح الذى تسبب فى خروج نادى النيل الحصاحيصا وضياع المجهودات الجباره لادارة الفريق ننتظر من ادارة نادى النيل بيانا يضع النقاط على الحروف ويحفظ للنادى وللحصاحيصا حقوقهم لان الصمت فى مثل الحالات خطأ كبير
الى الاخ الدكتور معتصم جعفر رئيس الاتحاد السودانى لكرة القدم نتمنى ان يكون هناك متحدث رسمى باسم الاتحاد السودانى لكرة القدم كما فى كل انحاء العالم واولهم جمهورية مصربدل فوضى التصريحات الحاصله حاليا لان التصريحات تحسب على الهرم وتدخله احراجات هو فى غنى عنها
الى السيد معتمد الحصاحيصا يعرف الجميع وانت اولهم ان نادى النيل الحصاحيصا يعد من احد اغنى الانديه بالسودان ماليا واداريا وهم قادرين على السير بدونك واذا عاوز تساعد امامك الطرق والصحه ومحاربة الفساد لاتسرق مجهودات الغيرلا احد يعرفك فى المدينه لانك غائب ام مغيب لا ندرى ابعد عن قطاع الرياضيين لانه فاكهة الحصاحيصا

يا زول روِّق المنقة شوية وخت الكورة واطة شكلك كده بتقول ليك في بيان انقلابي
بدون تعصب معتصم جعفر والمعتمد دخلهم شنو؟؟؟ ياخي النيل طلع لانو دي امكانياتو وماتنسى الكورة مدورة وفيها الخسارة ذي ما فيها الفوز والتعادل كمان وانا شخصيا وبدون نفاق كنت متوقع خروج النيل (من قولة تيت) طبعا لاسباب كتيرة منها قلة الخبرة مع العلم بانني اتمنى بدون شك صعود النيل على الاقل للمرحلة المقبلة.
بعدين ياخي لو منطقك انو النيل اغني نادي وممكن بامكانياته المادية يصعد للمراحل القادمة طيب سؤال وين المريخ (ووين محمد كمال السر ومهدي بكش) مع الثراء الذي يتمتع به الوالي والذي لايختلف حوله اثنان
ما قلنا ليك روِّق المنقه شوية وخت الكورة واطة...

الاخ عاطف شكرا على المرور
هل تدرى يا عاطف ان النيل لعب المباراة الاولى فاقد اهم عناصره فى خط الهجوم بخطاء ادارى ما معروف من المسؤل عنه
ام بخصوص الاخ معتصم اذا كنت متابع لاجهزة الاعلام اى واحد يطلع يصرح ومامعروف هو يمثل رايه ولا راى الاتحاد لذلك نبهت الاخ معتصم لهذا النقطه المهمه بان يكون هناك متحدث رسمى باسم الاتحاد بدل الفوضى الحاصله
اما بخصوص السيد المعتمد هذا الرجل الصامت الغائب لم نسمع له صوت الا عندما ظهر ليترأس بعثة نادى النيل خارج السودان كما جاء فى الاخباركان وين زمان ماشاف الطرق ولا المستشفى ولا صحة البيئه بس عندما جات الوجاهات ظهر دى الحقيقه