"كأس العالم هولنا" لحدي الآن هدفين واحد من هجمة "مرتدة" والتاني من "تسلل" لكن "حسبو"

مشجعو "السليساو" يتراقصون زي الفراشات
أشكال وألوان ورود وزهور زي ماتدور
وأنا ما عارف حلوين زي ديل "يشجعوني"
تشجيع زي دا يفتح الشهية للتهديف
ولو لعبت بحالي دا والله جيمس رودريغيز ما يلحقني
نان البحميهن يستمتعوا شنو ؟؟

من قبل الضهر يبدأ البرنامج
دا يمسك "دي" متكلين يمشوا الملاعب
نان ركبوا ليهن ركشة ولا أشروا ليهن لي بتاع "أمجاد" ؟؟
ما بي قطارات الأنفاق فووووو تلقى روحك في الاستاد
لا قصب سكر لا فول مدمس لا سمسمية ولا حلاوة دِربِس
بس كاسات ايسكريم بالفراولة وكريمة الاناناس
والعاشقين للكورة "شديد" شايلين سندوتشات بريرقر
مش هوت دووق
دا يأكل في دا يتبادلوا في "المأكولات"
يتبادلوا فيـها زي أراضي ولاية الخدر رضي الله عنه
ونحن شايلين همنا وقصدنا نبني جنة
جنة تلمنا

وكان علينا
ترا نساكك لينا في "رأس هربة"
اللعمى شايل المحلل
يميل يسار نميل معاو
يميل شمال نحن في رجاو
رأس هربة سووا دفاعاتنا "رواكيب"
أحرز لحدي أسي هدفين الأول من مرتدة
والتاني راوغ فيهو الدفاع والحارس و"سجل"
والجماعة "يكوركو قالوا "تسلل"
يسل روحكن دي بركة الشهر الكريم دا
"كان مرقتو روحنا"
والآن رأس "الهربة" دخل منطقة الجزاء
النشوف لي مدافع يهبشو

مجرد الاقتراب "الحكم" برسل الاباتشي
ولا إمكن يرسل "الدرون"
بدون طيار
شفتو جنس المحنة دي ؟؟

تنقلنا في ما فات من أيام على مسارح أشبه باللامعقول
نجرجر في تطوافنا أذيال التخويف والإرهاب
تتبعنا صيحات المهوسين
وتتابعنا عن كثب ضمائر العالم الحر المندهش
تحركنا في بهلوانية وخفة لا تليق بدولة تنتمي لهذا الزمن
زمن "سلطة سواريز" الادمنت العضعيض
ونجحت في قضم لقمة الفقراء والمساكين
وبرعت في القضاء على كل ما يؤمن حياتـهم
أو حتى يضمن سلامتـهم
ولم يتبق لـها في مسعاها غير "مساككة" المعتقدات
فإما أن تعتقد فيما يعتقدون
أو تحجز مكاناً في منصات الاعدام
وتفننوا في وسائل الإعدام
ولم يتركوا سبيلاً إلا طرقوه بعنف
والمشاهد في درامتـها وديناميكيتـها جاءت شديدة القتامة
وتم إختيار باحات السفارة لتكون "مسك" الختام
على غير رغبة "المُخرج" غير الحصيف
الذي سبق وأن أتحفنا بتجواله في ساحات "المهاكم"
حيث كانت حقب من جاءنا من القرون الاوسطى
دفاتر يومية "التعري" من لباس الإعتقاد
مع من يتلمسون بأصابعـهم "الراجفة" نعومة اللحى "المطلوقة"
يستعرضون "إحكام" القانون
قانون محفوظ في عقول أصابـها "التشويش"
تراوح بين بين
حنين متوهم لحياة مضت
وقامات تتقاصر أمام مكتسبات العصر الراهن بكل تفاصيله
وقفت أمامـهم في إستقامة
وهاماتـهم منكسة كأعلام المحزونين
وبجانبـها إبنـها الغرير
يحتمي بطرف ثوبـها الأخضر المشرور على جسدها النحيل
يسيطر على جوانبه خوف غريزي
يدفعه دفعا لتشديد الخناق على طرف الثوب
ومن فضل الله عليه ان ما يواجههه ذفرات "حري"
ليس كأترابه "في مناطق أخرى" تلقى عليـهم حمم الإنتنوف
وقفت في صمت إلا من إجابات مقتضبة
على أسئلة ساذجة تتطاير كالشرر
إسمك
وجنسك
وعمرك
وقبيلتك
وديانتك
وأخيراً في الترتيب المرتبك الظليم "حالتك الإجتماعية"
وقفت والخوف لم يعرف طريقاً لعينيـها الغائرتين
وتبدي إهتماماً بإبنـها أكثر من إهتمامـها بإجابة الاسئلة
وفي أحشائـها يتقلب آخر في طور التكوين
وبصعوبة وجد المقعد المتحرك طريقاً لمساطب المأزومين
ومنهم من كان يردد
"نحن ونحن الشرف الشنو كدي ماعارف"
شرف التكسب والإستغلال البشع
فلم يشفع لـها كونـها إمراة من غمار نساء البلد المكلومات
قروأ عليـها لائحة الإتـهام
وصعقتـها الصدمة
وعقدت الدهشة لسان إعتقادها الحر
جالت بخاطرها في صور إبنيـها الحاضر والغائب فيـها
زوجـها الذي يرافقـها على كرسي متحرك
أنكرت التهمة وأصرت على انـها مسيحية
ولم تكن في يوم من الأيام مسلمة
ولسان حالـها يحكي في المسكوت عنه بصوت مسموع
قطع حبل تفكيرها صوت يتلو القرار
قرار زفـها لمنصة الاعدام
واجهته بفرح مكتوم بين ضلوعـها
وضمته بأسى بين ثنايا الإعتقاد
إنتقلنا بعدها لسجن أمدرمان
تطاردها أشباح الموت وتشد من أزرها غريز الحياة
سجن نسائي خمسة جنون
كان سجناً ومشفى للولادة في تمام الوقت
وذات يوم إشتد بـها الطلق
ولأول مرة إجتمع لديـها "طلقان"
طلق فناء وخروج الروح
وطلق مجي جنينـها لعالمـها الموؤود
فكر المهوسون في إستثمار السانحة
مشنقة بمشنقة والبادي أشتر
وجاء قرار الإستئناف بشطب التهمة الموجهة إليـها
ولم يتوجه كائن لتسديد الثمن
وتناقضت التصريحات
وجنى المخططون السراب
لملمت ما تبقى لـها وتوجهت صوب المطار
على امل ان يكون المشهد الأخير
تجمع المهوسون في المطار
وحسبتهم مودعون وهم كذلك
فقد ودعوا مصداقيتـهم المفقودة من عقود
وتكالبوا عليـها تكالب الاكلة على القصعة
ودبجوا لـها تـهم التزوير والاخلال بالقواعد القنصلية
وإقتادوها للقسم تحيط بـها أرتال العربات
وبعد يومين من المماحكة تم الافراج عنـها بكفالة
ومن القسم توجهت للسفارة
في معية زوجـها وإبنيـها
وفي السفارة لافتة مكتوبة بخط واضح
دعوة السفارة للافطار الجماعي
"الدعوة طامة"

كرنفال البرازيل الشهير

يا المحبوب ... رمضان كريم
وتصوم وتفطر وتشاهد على خير !!!

ياورقة البرازليين ديل الحالة كانوا لحدي الافتتاح حردانين
فجاة ومع ضربة البداية تناسوا همومهم وبقوو في شيتن آخر
أخي الفاضل كمال
كيفك يارجل ورمضان كريم وكل عام والناس كلها بخير
تحياتي لك وللزعيم اسماعيل وكل الناس المعاكم
ونتمنى ليكم مشاهدة طيبة
وإن شاء الله الجاية السودان على راس واحدة من المجموعات في كاس العالم

» جاكــات .. واحد "عشانكن" !! والتاني "عشاكن" رز فتة "جقاجق" والتالت حكاية !!!
» عاجل جدا .. معتمد الحصاحيصا هل يصبح في خبر كان ووقتها (سندبح) خروفين واحد (للضحية) والتاني (للجلاد) ...بلي وانجلي
» واحد في الكف واحد للسف واحد لللف واحد في الرف
» الآن تصفح الراكوبة وحريات وسودانيز اون لاين الآن !!
» وحدتنا .. ( الله واحد سودان واحد ) منظمة مجتمع مدني جديدة في الحصاحيصا ( يوجد دستور )