مرحبا بالنحات العالمي أحمد العربي في دوت كوم

انور محمد الحسن كتب:: كنت متاكد انو عندو علاقه بناس حي العمده فقط

ياحبة انت ناس حى العمدة ديل مالك شايلها معاهم ؟؟؟؟؟؟
الزول دا جا عن طريق الاخ صداح وهو مقيم كما هو مثبت معاهو فى الامارات .... ماعندها علاقة بالحى ...

ابداً يا راشد لكن انا ما بعرفوا !!!!!!!!! ولا الزامي انا اعرفوا
ولا سمعت عنه ولا من الحصاحيصا اسال عشان اعرف ولا ده عيب عندكم
بعدين انت ما تضايق شايفك اتوترته اكتر من الازم وقلت كلام بزعل وعن علاقتي بحي العمده
انا معظم اصدقايي من حي العمده وانت لو ما عارف اسال الاخ الصديق عاطف الجاك وصداح مع انو اصغر
مننا لكن يعلم زلك ولي فيها زكريات جميله مع الاخوان ,,
من زمن ناس محمد علي كلاي وناجي محمد نور وعماد منصور والترقلي و الصادق السماني وكحيل وتلودي ومبارك حسن عبد الحفيظ والتيمان وبوتوا وايهاب عبدالرحيم ....
واخرون انت الايام ديك كنت صغير جداً اسال الكبار

راشد محمد الجاك كتب:: ودعثمان كيفنك ياحبيب ... وتشكرات على اللوحة الجميلة ..
لدى سؤال بعد مداخلة الاخ صداح ..
هل الفن التشكيلى وكما هذه اللوحة يجب ان يكون له دلالات معينة ام تكون على فهم وادراك المستقبل لها بما قد يراه هو انعكاسا لدواخله .... ام يحتاج الواحد منا الى فك رموز وشرح للوحة كما نرى فى المعارض ؟

الصباح البخيت

دي التسميه اللقيته اقرب لوصف هذا البهاء من شوفتكم
وعمق التواصل اها يا الحبيب باين إنك ذاكرت اكتر مننا لكن قولي ليك في العمل (التجريدي)اسرح وامرح فيه على حسب ثقافتك ومعرفتك وانا عارفك صاحب درايه وعرفه وآصله ولو ما مصدقني اسأل مكتبة مجاهد
اها في كلامك عايز نمشي شويه في التفاصيل
اولا كلمة تشكيلي كلمه جامعه واصلها( شكَل) يعني الطباخ تشكيلي والحداد تشكيلي والموسيقي تشكيلي كلٌ يشكل خامة معينه ليخرج لنا عمل مدهش وكلٌ بداخله روح إبداع إذاً الكل مبدع في مجاله . أما التسميه السائده (تشكيل) لمثل هذا العمل محور النقاش تأتي في الصياغ اعلاه . ولكن تصنيفه في الاعمال الفنيه يأتي في باب العمل التجريدي والعمل التجريدي هو من الطبيعه ويأتي بإضافة أو حزف للشكل الطبيعي وهذا يغيَر في الشكل العام وقد يتحول لشكل مختلف تماما عن الواقع .
ونجد أن الفنان حين يرسم أو يقوم بتنفيذ العمل تتحرك بداخله شخصيه مكونه من مخزونه الثقافي بحركه تلقائه لإراد العرفه البصريه كما عند الشاعر في إيراد الصور الجماليه لتراكيب الجمل وفي نفس الوقت تكون الشخصيه الواعيه بالابعاد وتراكيب اللون موجوده لخلق التوازن في العمل الفني حتى لا يكون هنالك نشاذ او عدم إتزان في العمل المنتج وهذه الشخصيه مكونه من الدراسه الاكاديميه والعرفه المنهجيه .
وحين الإنتهاء من العمل تنفصل الشخصيتين وتكون حاضره الشخصيه الدارسه وكما اسلفت في الرد على صداح وراق يكون الفنان في حالة تعامل مع المنتج كأي شخص آخر
لذا مطالبة الفنان بشرح العمل غير سليمه وكل من يتجراء على هذا الفعل تكون قرأته منفصله عن لحظة تكوون العمل ونتاجه وقد يكتشف الفنان نفسه اشياء تكون جديده عليه تماما
وعميق ودي

اهلا ومرحب بالتشكيليين وكل المبدعين اضافه نوعيه وطله ليها سعتها

ويانور وراشدمالكم الحصاحيصا دى ماورثه فيها محسن وفيها وهاد وفيها اسراء بابكر والتعريف مهم عشان التواصل لقدام

ودمتم

مرحب ست الفهم الاخت فائزه السيد .....
ده فهمي انا وراشد فهم خطا ورده بسرعه... ودي ما من شيم الحصاحيصا العداءت والتفرقه

شكـــــــــــــــــــــــــراً اختـــــــــــــــــــــــــــــــي فائـــــــــــــــــــــــزه .......
انا ما غلطان لكن برضوا بعتزر لنه انا الكبير العفوا لله والرسول اخي راشد عشان الحصاحيصا ما بتشبه التوتر وسوء الفهم والتسرع .........
ََََ
اكرر برضوا الاسم الصحيح يا شباب للتعارف والمحبه والاخاء

كل التقدم

مرحبا بالتشكيلى ..الاستاذ احمد العربى
وياهلا بيك..فى منتداك العامر..الحصاحيصا كوم
لمزيد من اثراء الموقع بجميل اعمالك..ونحن فى الانتظار
والتحبة عبرك..للصديق الجميل..التشكيلى احمد الشريف

انور محمد الحسن كتب:: مرحب ست الفهم الاخت فائزه السيد .....
ده فهمي انا وراشد فهم خطا ورده بسرعه... ودي ما من شيم الحصاحيصا العداءت والتفرقه

شكـــــــــــــــــــــــــراً اختـــــــــــــــــــــــــــــــي فائـــــــــــــــــــــــزه .......
انا ما غلطان لكن برضوا بعتزر لنه انا الكبير العفوا لله والرسول اخي راشد عشان الحصاحيصا ما بتشبه التوتر وسوء الفهم والتسرع .........
ََََ
اكرر برضوا الاسم الصحيح يا شباب للتعارف والمحبه والاخاء

كل التقدم

الحبيب دايما انور
لك التحية واعتذار بقدر مايملى جوانحك ان فهمت اننى تضايقت اوانفعلت ....
لا اريد ان ادلف بهذا الجمال بعيدا ولكن هى اشارة لك اردت ان توصل وهى تكرار الرسالة التى اوردتها الى وراق فى تصاوير العيد ....
لست بالذى يفرق بين هذا وذاك واعلم تمام العلم ارتباطك وعلاقاتك بحى العمدة ولكن انت من ذكر تفاصيل من هنا ومن هناك .....
تسلم مرة تانية وكلنا حصاحيصا .... وكلنا دوت كوم

يا راشد ويا انور
كلنا حصاحيصا وكلنا دوت كوم

عمار تلودى كتب:: يا راشد ويا انور
كلنا حصاحيصا وكلنا دوت كوم

اكيييييييييييييييييييييييييييييييييييييييييييييييييييييييييييييييد ونحى دوت كوم الدوحة ... النشاط والحيوية

زائر

عمار تلودى كتب:: يا راشد ويا انور
كلنا حصاحيصا وكلنا دوت كوم

يا تلــــــــــــــــــــــــــــــــــــــــــــودي

نطالب بحقوق النــــــــــشر

ولا امشي لي مدثر الجاهوري يعملي لي عريضه

كـــــــــــــــــــــــــــل الــــــــــــــــــــــــــود
وكــــــــــــــــــــــلنا حصـــــــــــــــــــــــــاحيصـــــــــــــــــــــــا

اهلا وسهلا بالتشكيلي والاخ شبال ازددنا شرفا بوجودك معناكما اتمني ان تكون اضافه حقيقه لاسرة دوت كوم

الاعزاء راشد وانور مالكم سحروكم ولاشنو علي حسب وجهة نظري كلام انور صاح في حتت التعريف الكامل عشان نتعرف عليه اكترواكتر وياراشد اخدت الموضوع بصوره حاده شويه ومابستحق لاكن حصل خير ويلا مع بعض كل الود كلنا حصحيصا

اخي محمد كمال السر .....

تحياتي واشواقي الغاليه لك ...
هذا هو المقصود ربنا اهون الامور ....

كل الود

انور وبقية الشباب المرحبين
لكم التحايا النواضر واسف على التأخير في الرد على مداخلاتكم بس مشغوليات الدنيا دي نسوي ليها شنو نجيها بي هنا تجيك من هنا .
تاني اسف للتأخير وجاييكم واحد واحد بس افضي من الزحمه الداهمتني دي عندي ترتيبات معارض والتزامات مفروض اخلصه وكمان دورات تدريبيه المهم مطره واتفتحت والخلاصه في الكلام لي جمالكم وخلافكم الجميل مع ود الجاك وطبعا ما افضلو عليكم ده زول متوسد القلب واكتر من اخا لم تلده امك وبخصوص الاسم بجيكم بالرواقه والفيهو الخير ليكم ولي شخصي الفتران من الدنيا دي ربنا يقدمو والاسم برضو ليهو رافع ولا شنو يا استاذنا انور
عموما لكم محبتي

مرحب بالاخ احمد عثمان احمد الطاهر {العربي } ليك مده ما بنتا اتمني ان تخلص من مشاقلك لنستمتع بما
لديك من ابداع وفقك الله ورعاك ............
طبعاً انا وراشد اصدقاء حتي في السعودية ودي مجرد خلافات لتجديد العلاقه
والود ولمعرفت كل واحد منا مقام الاخرلنفسه وتاكد زلك من خلال ما مضي
وما بيننا من حب وموده واخا ... لك الود اخي احمد عثمان الرجل الفنان واخي راشد ودالجاك الاخ العزيز .......

يلا يا شبال ورينا جديدك.

» يوم المرأة العالمى
» معرض التشكيلي أحمد العربي (شبَال) ببابا كوستا
» مرحبا بالباشمهندس عبدالخالق يوسف أحمد المصطفي في دوت كوم
» برافو ..برافو موقع الحصاحيصا دوت كوم يتقدم علي المواقع الالكترونيةفي المنطقة علي حسب التصنيف العالمي (انظر الترتيب العالمي في ذكري الشمعة الرابعة ) يوجد تحديث للترتيب )
» عمر حسن أحمد "حمدنا" بإعادة المشروع وبالعربات .. وحمدي حسن أحمد "إبن الصداقة المرشح لرئاسة الجمهورية" حمدو في بطنو !!