طبعاً "لا" !! نعم شنو ؟؟ نعامة تزوزي بيكن قولو آمين آآلاسكتلنديين

أول أمبارح في واحدة من القنوات الفضائية
وفي خطابه في مدينة أبردين الاسكتلندية
تكلم ديفيد كاميرون رئيس الوزراء البريطاني
كلام كتير ينضم ويستريح
زعلان من الناس الحايقولوا نعم في استفتاء 18/سبتمبر/2014م
"الله يكفينا شر سبتمبر "
كاميرون ما خلا شي إقتصاد وسياسة وإجتماع وتاريخ
قال ليـهن بذمتكن قصرنا معاكن في شنو ؟؟
مالنا همشناكن ولا سولبناكن ولا جاهدنا في غاباتكن ؟؟
ما حفظنا حقوقكن في كل حاجة فرزناكن متين ؟؟
السبب شنو البخليكن تقوا دايرين تنفصلوا ؟؟
أسي الشمشارين يقولوا علينا شنو ؟؟
يقولوا إختلفوا بعد إتحاد ليـهو 300 سنة ؟؟
إنتو ما تعاينوا لي أنا وتعملوا حساب لي جيتي دي
بريطانيا العظمى بريطانيا العظمى بي منو حدثوني ؟!!
ما بيكن إنتو آآحبان قساي "وأخد ليـهو بكية"
تسمعوا لي كلام ناس اليكس سالموند ؟؟
بالله عليكن ديل الفرق بينن وبين ناس الجاز ونافع وغندور شنو ؟؟
أها كمان قال ليـهن أنا عارفكن ما بتحبوني
لكن أنا مني قاعد ليكن
لكن الانفصال الدايرن تكوجنوهو دا حا بقعد لي جنى جناكن

الوحدة الجاذبة

جنس زرة
الانجليز عمرن ما ضاقوها
لا 55.4%
نعم 44.6%
مبروك لكاميرون وللوحدويين البريطانيين

كاميرون تنفس الصعداء والليلة حا يصلي الجمعة في ادنبرا
واكد على كافة الالتزامات التي بذلـها في خطاباته خاصة المؤثر أعلاه
اليكس سالموند قال الاسكتلنديين قالوا ما دايرين يكونوا دولة مستقلة "أنا أعمل شنو ؟؟"

نعم للوحدة
نعم ل اسكوتش ويسكي

بالله الاسكتلنديين ديل ما ببالغوا ؟؟
والله "راسنا" عديل مع كاميرون
مالنا مجهجهين رقبتنا نباري ناس سالموند
والله كان فازوا كان الكوجو مورو يبقى في تلتلة
أمس في إستطلاع عن الأنشطة الاقتصادية نشروا جنس براميل
والله ناس النظام العام إتململوا في كراسيهن

يا ورقة الكلام الكاتالونيين هديلك متحربسين كانوا منتظرين الانفصال شغالين بنظام "المديدة حرقتني"
لكن الاسبان حالفين عليهن
والله قالوا يقدروا لمن يقولوا دايرين ينفصلوا تاني برشلونة إلا يلعب في سيكافا

» قولو لي قرقوشنا
» هل نسوانا مدخنات
» قولو مبروك ياجماعة لحسين
» حفل الحناء والزفاف للعريس أمين عباس عبدالقادر احيمر ( توجد صور )
» ترقد يابا في غرفة وتكون مفروشة بالصُرفة " المابقول آمين ما يخش هنا ..دا لبع قروش دعم الوحدة "