ترقد يابا في غرفة وتكون مفروشة بالصُرفة " المابقول آمين ما يخش هنا ..دا لبع قروش دعم الوحدة "

الخبر أوردو الصحفي المحترم حيدر المكاشفي في الصحافة بتاريخ اليوم
وقال اوردتو جريدة الاخبار الصادرة بالامس حسب كلامو في "بشفافية"
وفعلاً والله حاجة تمخول الناس تقابض بي ذبد البحر عشان يكفوا البلد شرور التقسيم
كونوا اللجان والهيئات والمنظمات والجان الفرعية والمنبثقة لهذا الهدف
المكرفونات والتلفزيونات أئمة المساجد الشعراء الفنانين ما فضل زول
دا كلو عشان يفوتوا الفرصة على الجنوبيين ويخلوهم لافين معاكم معاكم
أها أصحاب النفوس الضعيفة أمام أموال الدولة السائبة كان عندهم رأياً كُتُر
خصوصاً الناس مشغولين بعواسة وزير المالية وظهور الانقلابية بدرية
الانقلابية ظهرت وبتنور في الناس عن إكتساب الجنسية حال الانفصالية وفق القوانين الدولية
لكن الحمد لله والشكر له نيابة أمن الدولة لهم بالمرصاد نائمة وعيونا زي الريال ابو عشرة
من ما سمعت بالاختلاسات بتاعة ميزانية الدولة لدعم هيئات دعم الوحدة
إتأثروا شديد عشان الوحدة أصِلا مستوحدة كيف يستفردوا بيها وبدل يدعموها يلغفوها
طوالي شكلو فريق عمل لدعم لجان التحقيق عشان يتحروا مع أعضاء هيئه لغف الوحدة
المفقود من أموال دعم الدولة للهيئة الشعبية لدعم الوحدة 400 مليون جنيه
نيابة أمن الدولة إتحركت سريع سريع عشان دعم الوحدة ما يقيف
لأنو دعم الوحدة لو وقف فالوحدويون حا يحبطوا ويشمت فيهم الانفصاليون
الانفصاليين شمتانين شمتنانين لأنو ما في حاجة إتبلعت قبال دا مرقت تاني
وهدا المراجع العام اول البارح دي قال في واحد خمش ليهو 1.7 مليار من الجمارك كمان
ومن سنة 2003 ولحدي اليوم ما في زول كمشوا ولا قالوا ليهو تلت التلاتة كم
سبعة سنين مارجعوا ليهم مليم واحد يجوا في شهرين يرجعوا 400 مليون
أسي عليكم النبي الانفصاليين بسكتوا باقي ليكم ولا ناس الوحدة بنضموا تاني
واحد من الانفصاليين من ما سمع بالخبر طوالي اتصل بالاذاعة برنامج ما يطلبه المستمعون
وطلب أغنية :
والله وحدوا بينا اللغفونا وراحوا
شالوا من ماضينا بـهجتوا وافراحوا
والقبيل ياحليهم يا حليل الراحوا
حيدر المكاشفي ما قصر وقال عشان يواسي الوحدويين المنهوبين جاب ليهو قصيدة
القصيدة عملا شايقي سرقوا ملاياتو الجهزا بالعافية إستعداداً للعرس
مسكين يضاير فيها من حتة لي حتة في إنتظار يوم الفرح
تعال يالحرامي شيل الملايات ومحل غطست لي يوم الليلة ما إتعرفت

يعيقك الله يا مجرم
وكيف اسع تصدقني
وتسرقك بطنك ان شاءالله وتخليك ديمة متألم
حضير إن شاءالله يبراكا وفلساً للجيوب يخرم
والعطش اليحرق الجوف يخلي الفقرا قايمي وقاعدي ليك تعزم
تعيقني أنا..؟.
يعيقك الله يا مجرم وبي مدفع كلاشنكوف يواليك في المسيمع عاد
يخليك لا سمع لا شوف
يجيك عميل من السوفيت مرسلو ليك قورباتشوف
شايل حقنة حارقة معاه يحرق ليك قلبك وكبدك وحتى المعدة والشرشوف
تعيقني أنا ..؟
يمين بالله لو سألوك نان عميان من الاسواق..
تسوق الوتّي في ساقي تورها يقطع الخنّاق
تسوق ليك داف تدقشو ترلة في عقبة يخليك لا ضهر لا ساق
نان بالله لو سألوك ماتعرف القروش بي وين..
ناس بانية عمارات وناس راحات وناس تخزين
حكمت تجيني أنا المسكين البلقط بي قرش وقرشين
تقرشك عقرباً تلقاك فوق الريق يكون جسمك مرطب تب..
تقرشك سموم الصيف تخلي وشيك قايم حب
وِقرْشاً يبلعك يسرِع يلف بى جدة والصومال ويجيبك لينا تانى هنا
يرميك فى الرصيف بي جاى يسلب لحمك الفوقك يخليك بس عضام و عصب
تعيقني أنا ..؟
تطرشق لي برنامجاً أخطط فيهو ليّا سنين
يطرشق فيك كمبرسون يخليك انت بس ساردين
ويطرشق فيك بوتجازاً يكون جنبك صفيح بنزين
وترقد ما نشوفلنا زولاً يقولنا ماشي في تحسين
تعيقني انا …؟
كمان تسرق ملاياتي المن كيسها ما انفكت
ولا عارف نقوشن كيف
يفكك مننا الله اليوم قبل باكر
يخليك لافّي صيف وخريف
يفك ضلعك تفارق عقلك تسك الماشي فوق عدلك
زي جملاً عشاه الزيف
تعيقني انا …؟
نفسك فااااااتحة ترقد فوق ملاياتي ؟؟
ترقد يابا في عنبر نصيحو يشابي كايس سيدو
ترقد يابا في قبراً اعوذ ربي من هولو وعذاب سيدو
ترقد يابا في غرفة وتكون مفروشة بالصُرفة ونملها يخمو بالقفة
لا تشوف جنّة بي عينك ولا في العتبة تتعتب
عشان عملك تملّي كعب
تسرق الجيب تسوي العيب
انت حرامي ود الكلب
انت حرامي ود الكلب
انت حرامي ود الكلب

تعالوا شوفوا لبع قروش دمع السودانيين " الوحدويين والانفصاليين"
يخونا مافي واحد بعرف الشايقي دا يوريهو الإعاقة البصح بالصح دي

(( البرلمان: مياده صلاح :كشف تقرير المراجع العام عن تزايد حالات الاعتداء على المال العام لـ (16،6) مليون جنيه للعام (2009_2010) مقارنة بـ (5،1) مليون في العام (2008_2009) بنسبة (9,0%) من إجمالي إيرادات الدولة الفعلية البالغة (19،2) مليار جنيه،في ذات الأثناء التي بلغ فيها صافي جرائم المال العام بالولايات الشمالية (3،042) ألف جنيه مقارنة بـ (5.417) ألف للعام السابق وأقر التقرير بعدم اتساق المخصصات الممنوحة للدستوريين بتلك الولايات مع القوانين الاتحادية، فيما بلغ حجم المال المسترد (14،مليون جنيه لذات الفترة.
وكشف المراجع العام الطاهر عبد القيوم في تقريره حول الأداء المالي للدولة للعام(2009) بالبرلمان أمس عن رفض وحدتين تقديم حساباتها للديوان و(48) وحدة لم تقدم حساباتها بجانب (66) تحت المراجعة .
في السياق كشف التقريرعن مديونية مرحلة لم يتم تحصيلها للإدارة العامة للجمارك وضعت باسم رجل أعمال ولم يتخذ الإجراء اللازم بشأنها فيما بلغت مديونيات الوحدات الحكومية (10،2) مليون جنيه، وقال التقرير إن معالجتها تتم خارج السجلات المحاسبية، في غضون ذلك أفصح التقرير عن استمرار المخالفات لهيئة المخزون الاستراتيجي وعجز بلغ(1،7) مليون جنيه بجانب مديونيات متعثرة السداد ، وأشار التقرير للبت في تهمة واحدة من (65) تهمة، تسع منها بالمحاكم و(7) أمام النيابات و(22) لا زالت أمام رؤساء الوحدات، في ذات الوقت أقر بجملة تجاوزات لشرطة الجمارك بحكومة الجنوب بإصدار إعفاءات من الرسوم بلغت خلال العامين(2008_2009) (108) ملايين جنيه (50%) منها لمنظمات عاملة بالجنوب لم تقدم تفاصيلها وقال بأن المقابل المحلي للإيرادات المحصلة بالعملة الأجنبية لم يدرج ضمن الإيرادات.
وأقر التقرير بتجاوزات بمشروع العربات الحكومية وإدارة الأموال خارج الموازنة بجانب المخالفات في الجمع بين وظيفتين والجمع بين السكن المجان وبدل السكن.)).

http://www.alsudani.net/local-news/24290--166-.html

ياخي خليهو اللدعيهم إمكن تصدف

على فكرة الارقام بالجنيه الجديد يعني المبلغ الملبوع 16.6 مليار ولا شنو "دايرا بتاع حساب"

آمييييييييييييييييييييييييييييييييييييييييييييييييييييييييييييييييييييييييييييييييييييييييييييييين