العيد من غير معيدين

كل عام والجميع بالف خير ناس المنتدي والاهل في الحصاحيصا ودي احساس بسيظ في الغربه عيد من غير مغيدين هل تصدقوا ان هذا جاء بخاطري وانا من الصباح الباكر حاره الله لا اشوفكم ليها في عيد خارج السودان

العم مهدي كل سنه وانت طيب وربننا يحقق امانيك وانشاالله السنه الجايه معيد في الحي الشرقي
العيد بره السودان خلي ساي لا لون لا حس لاطعم ولا حتي مجرد احساس بالعيد مافي انت احسن حالا مني انت اكيد في صلاة العيد لاقيت سودانين انا المسجد بعيد مني لما وصلت لقيت الصلاه انتهت وما لاقيت غير تلاته سودانين بس وبعض الاخوه العرب الناس كلها نايمه وفي ناس في الكليات عادي وصاحبي شغال امتحان مشيت البيت اتصلت بي ناس السودان ورقدت عشان انوم ماف نوم ولا حايجي في وضع زي دى انا هسي قاعد في النت لي 3 ساعات وحا اصلي الظهر واجي اقعد تاني لا اكل لا شراب لا نوم

بس ربك يهون
][url][URL="http://www.sm3na.com/song27146.htm[/url]

الغالي محمد
كل سنة وانت بالف خير وربنا يعلي مراتبك ويجعلك من عتقاء الشهر الفضيل
السبب الحماني العيد هناك احضرو
انت مجاهد في طلب العلم ولا تحزن ودا السبب الخلاك العيد هناك ما تحضرو
اسال الله العلي القدير ان يرد غربتك ويوفقك في ما انت متغرب لاجله
قول آمين
وهكذا هي الحياة جمالها والقها في وحشتها
وما تشيل هم
ويا ريت ترسل رقمك عشان نتواصل معاك ولو نستطيع نخفف عنك
كل الامنيات بالعيد السعيد
عمك ,,,وخالك

الله اعينك الاخ محمد الدكتور المرتغب وربنا اوفق واديك العافيه واخلي ليك اسرتك الكريمه الحاجه احسان و مناهل وبقيةالاهل

الاخ العزيز مهدي تحيه طيبه وعيد مبارك عليك وكل سنه وانت طيب
انت يامهدي صدقني اخير حالا مننا علي الاقل في غربه ومعروف لكن الدور والباقي علينا نحن ونحن متغربين في بلدنا وتبعدنا من خالتو اسمه ساعتين وبرضو مالقيناها
اما بالنسبه للغربه الحقيقيه هي فراق ناس امي وابوي وهنويه علي فكره نحن قمنا من الصباح انا وموده نبكي
لمن بنعمل في الفطور اتزكرنا ان امي بتعمل الفطور في الحصاحيصا بدرري والبجو اعيدو علينا منكم او من اولاد الشين بتحبسهم يفطرو معانا
وانا وموده قعدنا نبكي زياده
بعد شويه اقول ليها ريحت ملاح التقليه مع ريحه الطعميه زكرتني ريحه مضبخ صفيه مع انو ماف علاقه بين طبيخنا وطبيخها وانا موده بس نبكي وقدوره داك خليه ساي (طالع ليك يامهدي حنيييييييييييييييين شديد)
وانا بكتب ليك وبعد شويه ماشه المستشفي ديوتي حامشي اعيش حياتي العمليه عادي كان انا في يوم عادي
قول لناس امي وابوي
والله وحودوبينا البرحونا راحو شالو من وادينا بهجتو وافراحو والقليل يحليلو ياحليل الراحو

الغالي ابن الغالين
محمد انت شفت حالنا نحن برضو بالنسبه للحصاحيصا جنبك ومشتهيك ياعيوني
فلاتحزن اخي الصغير
قال رسول الله صلي الله عليه وسلم :من سلك طريقا يلتمس فيه علما سهل الله له طريقا الي الجنه
فمابال طريقك انت (الوعر ده )اكيد طريقك الي جنه سالك صغيري
انت بس قوي علاقتك بربنا واحسن في دراستك وواصل اهلك والمنتدا (ذي ماقبل كده قلت ليك ) تلك هي السلوي لك وهي الزاد في الغربه
وصدقني انت في النهايه الكسبان
انا امال اختي الله اديها العافيه كانت دايما تقول لي : لن تنالو البر حتي تنفقو مماتحبون
كانت بتقول لي لكي تنالي النجاح وتتميزي وتكوني ناجحه تخلي عن احب الاشيا الي قلبك وضحي من اجل العلم والتفوق برجع ليك خير في النهايه
اظن بعد الخطبه دي اتخيلت روحك حضرت صلاة العيد في الجامع الكبير وبتكفيك كمان جمعتين جايات
الحنان والدفئ الموجود في المنتدا بناسو الطيبين دول اكفيك بعد الجمعتين حقاتي شهر ونص وكده اكون عيد الضحيه جا وانت تكون جيت
وذي ماقلت ليك واصل وثابر يابطل المنتدا ده اسمك الجديد

بنت الخاله الله معاك ومعانا السعوديه غربه والخرطوم غربتين وانشاء الله مهنتك هذه هي العيد هي العيد الاصلي للمرضي الذين هم احوج الناس ليك ربنا اوفقك والعزيز انور رسلت ليك جوالي في ايملك وكل سنه وانت طيب والاسره الكريمه عليك الله اسال ديسكو قوليه اسم مهدي بكش مالاقاق دايرين سلام الله بمناسبة العيد

الاخ مهدي تحيه طيبه وكل عام وانت بخير
رد الله غربتكم
المؤسف انو عندنا في مدني العيد بقي نهايتو الصلاه
يعني كاننا في غربه زيكم

شكرا الاخ احمد بليه وكل سنه وانت طيب والاهل والعايله تكون بكل خير شكل الدنيا بقي ذي الغربه ممكن قريب اجي زمن الناس تتفابل بالنت فقط حتي مع اخوك الله اعينا علي الغربه و الغربه قسايه ودموعنا بكايه واجمعنا ياربي ونحفف الغايه حليلهم ناس الحصاحيصا مابنريد غيرهم

يا ابو مصطفي

كل سنة وانت طيب وإنشاء الله السنة الجاية معيد مع الاهل في السودان .

يا مهدي ما جابرنا على المر الإ الامر منه

نسال الله يرد غربتنا جميعا

وكل عام وانتم بخير

( بعدين يا معلم السماية وين لبدت بيها براك ولا شنو )