ولا يهمكن والبطمم بطنكن شنو ؟؟ بالله ركزوا لينا على الكاسات الافريقية

الكلام دا موجه للسادة في مجلس إدارة الهلال
بواسطة فاطنة شاش الناطق الرسمي لمجلس الإدارة
عندنا طلب "سغير" بعد معركة التلاتة طلقات الدخلن قلبي لامن باص الراكوبة فات
بصراحة الفريق دا قوي جداً وممكن يغلب أتلككو منريد بالراحة
بس في ظروف أحسن من دي
أولاً أرضية الملعب ما صالحة خالص عشان مُنقلا خلي كورة قدم
التحكيم ما بشبه الحكام الأجانب البنشوفن في الدوريات الاوربية
والجمهور كان الحسنة الوحيدة في الملعب
عشان كدا ما تحزنو ولا بطنكن تطم مالو المافي شنو ؟؟
ركزوا على البطولات الافريقية حارسكن تمام ودفاعكن تمام وهجومكن كاسح
وفي البطولات الافريقية ركزوا على غرب افريقيا بس أعملوا حساب الايبولا

مش جمال الوادي خلوهو يشتري أي واحد من التمانية
ودا حالتو دي غالب وبفكر ياخد تلاتة من التمانية المبشرين بالفك
غايتو لو أخد بشة وبويا وبكري يكون تم الناقصة
معز وأثير ومهند وعمر بخيت وجينارو أدو كل واحد مليار النشوف الوالي بسو شنو ؟؟

الحكم احتسب ضربة جزاء مع انو اللاعب دا محترف واسمو سيدي بيه
كيف يا حكم تتهم محترف جايبنو بخمة قروش بانو شال الكورة بيدو ؟؟
ما هي دي ذاتا الطممت بطن اللاعبين وخلتن يفقدوا تركيزن
وبعد ما كان الفريق متقدم تاخر بالتلاتة
المهم يا كاردنال ولا تهتم ظروف بتعدي وكلمناك تنسحب قلت لا
كلمناك تختا لينا سيكافا وكاس السودان والدوري الممتاز
البطولات الافريقية بتاعة الفرق الكبيرة ما كفاية في داعي لي جنس البهدلة دي يا كاردينال ؟؟

» ياورقة فسر لينا الفات واشرح لينا القاعد هسى
» "أرضو كان" خلاص جيب لينا "مهند ونور" بدل سواكن !! وشيل جزيرة الفيل مدني وجيب لينا "العشق الممنوع"
» استحلفك بالله ثم بالله ان تقراء وبتمعن لا تمر مرور الكرام
» الهلال يعبر المالي ويقترب من الحلم الغالي
» قالو عنها نكتة حيرت الملاين ركزوا ‏