تسمعن يتكلموا تقول "وحاتن"
بحبوا المكرفونات تقول فنانين
أي كلام من غير مكرفون ولا بخسروا فيهو خشومن
والعجب لمن يلقوا ليهن فرصة في قناة فضائية
"ونحن حقيقة .. وإنتو رقيقة .. "
في ناس بترقوا في العمل لكن ديل نوابق "بس كدا"
تاح تراح مسئول كبير المكرفونات قدامو زي كبابي الشُب
لا وبعدين النظارة "نازلة" لي تحت عشان الاهمية تشوفو تقول ناس نوبل التعميهن وتعيشن
الاتنين الاوائل كلمة دكتور شايفنها صغيرة وإن ما قلت البروفسسسسيير يمين يكفروك
التلاتة جلودن ممسحة بي قطران والاضنين دي بي طينة ودي بي عجينة
إن شكرتهن وان نبزتهن "واحد"
والغريبة محظوظين جنس حظ
أي وزارة هن لحمتا وسداها
مافي لجنة تتكون إلا يكونوا من ضمن عازفيـها
إن قعدوا ناس يلعبوا سيجة قدام القصر تلقاهن متحكرين
أنا براي قلت والله لو ما مهمين ما كانوا بلقوا جنس الأضواء دي
تفتح الجزيرة تلقاهن مشنطين يبلعوا في ريقن من كترة الرغي
البروفسسيير الاصم تخصص إنتخابات
جنو وجن الناس القالوا تتأجل
طوالي تلقاهو يكلم في الناس عن الجاهزية
ما شاء الله عليهو جهز حاجات الانتخابات كلـها بي حبر الأصابع جهزو
ومن أسي صبغ شعرو وإتحكحك عشان يظهر لينا في مؤتمر إعلان النتائج والفوز الكاسح
غايتو البشير دا كان حصلت ليهو حاجة قبل 2015 الاصم إلا يفرش النتائج دي جنب عابدين فون
موضوع: بالصور !! بصراحة لو ما "إنتو" كنا "ترسنا" بالخلاء !! "كسر خيلكن" 
الأحد 9 نوفمبر 2014 - 11:22
