بصراحة بصراحة

يا جماعة الولد الاسمو عاصم البناء دا بعمل لي انتكاريا يعتمد علي وسامة متكلفة ولا يجيد الغناء و زمنو مشلف اصبح الجملة النتشاز في اغاني و اغاني

طيب وشريف يكون شنو ؟؟

عزيزنا دوما ورقه ؟

متحاااامل على ود البناء ماااالك . عليك الله شفت جنس الابتسامه السرمديه الغلى خدودو ( سرمديه دى حقتك اوع تحاسبنى عليها )

بعدين مفعول السفر الدائم كل يوم لدول الامارات . والكريمات الماعرفنا هى شنو ومن وين .. عليك الله ماتنجهو خلينى اعرف اول

النضاره دى موقعها وييييين الغونى دا خليهو اقلب القناة بس . احتراااااااامى وشوقى

يا محمد جعفر سلامات وين مع رمضان
اظنك متابع كويس لاغاني و اغاني انا متاكد انو شريف الفحيل دا ما عندو علاقة بالطرب ويعتبر واحد من مساوي اغاني و اغاني

وين يا كوثر تيكو
مختفية ف ظروف غامضة
بقيتي من ناس الشرق خلاص؟
لو دايرا خلطة ود البناء دي ما تكلمي زول تعالي بدري نوصفا ليك

و يعني الشطافة بتاعة طه سليمان دي ما شايفنها

ايه رايكم في مكارم بشير واداءها للغناء الصعب بدأت بغيرة لسيد خليفة و امبارح بالغت عدييل وهي تؤدي اصعب اغنية لرمضان حسن (دقات قلبي) وآهات حبي لسمير الروح ببعث آهات

مكارم تجنن
اللهم إني صايم
بس تجنن تجنن عديل كده

يا جماعة والله مكارم بشير دي عندها تطريب عالي لكن الصوت الجميل بتاع البت الاسمها ،منو نسيتا كان قشر بيها وقدما الملحن احمد المك اسمهاااااا منو ياربي ساعدوني الزهايمر كبس

إنت عارف يا ورقة ود البنا ده جايبنو لأغاني الحقيبة التي سيكون ليها كم حلقة جاية ومعاه حسين الصادق.. أما الفحيل المفروص يلحق فرفرة بي قطر نجيب.

افراح الشعب
ديكور البرنامج في فترته الاولى

يا سفيان اسمها افراح السر قدور

ههههههههههه
حلوه افرح السر قدور

يا جماعة الله ما تمنسكو مني ودالبناء دا رفع لي السكري وعمل لي هبوط ف الدورة الدموية وانكماش في البنكرياس وبندوليا في البسادير كمان الليلة التقول قاصدني ةما مخليني مقدم الحلقة .. بالله الفرحان دا رسلوا ليهو في حساب الواتس او الفيس قول ليهو ماعند حاجة احسن ليهو يعمل شخيط ويقيف بعيد ويخلي الغنا والحديث للبنات

خلاص كلمتو هسي
كان في اتصال بينا وفهم قصدي بدون زعل
ووعد تاني مايزعلك

قررت افتح بلاغ في هذا الدعي عاصم البناء الذي شوه الغناء الاصيل
شفتوهو عمل شنو في اغنية الكاشف يوم الزيارة
منو القاليو انت فنان مطرب
حدي يشاركني في فتح البلاغ

» ضحكات مليئة بالخبث (شاهدوا الصورة ) وقولوا رايكم بصراحة
» بصراحة .... الشمعة الرابعة
» نحن مع "يوم المرأة العالمي" لكن بصراحة في واحدات جابنو "أفرش وتخين" والمكضبنا يشوف الصور دي
» بصراحة اتحداك تقولها لمديرك
» بالصور !! بصراحة لو ما "إنتو" كنا "ترسنا" بالخلاء !! "كسر خيلكن"