و مرقت من قلبك مشيت "فيديو"

و مرقت من قلبك مشيت
طفت الشوارع و المدن
لفّيت حواري الدنيا جيت
فتشت في عيون الزمن..
لي سكتك
و كم من مشيت
لا لقيتك انتي
و لا بقيت ..ألقي المواعيد يصدقن
لا بعدك الأيام صفن
لا قدرت أعرف وجهتك
و سرحت في خاطري و سهيت..
في ذكرتك..
سفرك ..
مشواري ..
و تباريح سكتك..
خرز السبح ممدودة في جيد الأماني المستحيل
شهقة حروف اللقيا في غفلة أسي الزمن البخيل
رنّة خطاك سايقاني للحلم القبيل..
نتلاقي لا نعرف مدي
يتجاوز النغم الصدي
و يتسابق العمر الجميل
و أصحي .. و معاي يصحي الشجن
و يفيق أساي .. و أساك يجن
و ألقاك يغلبني الكلام
و يشرقني بالأسف الحزن
و يفيق خيال.. في غمرة الأسي و المحال
ألقاك شقي العمر اللي فات
و ألقاك فرح في غفلة مات
بلقاني فيك..
مسدار يغنيلك أساي..
دوبيت يجر نمك علي حرقة حشاي..
قمرا طلع في غيم سماي..
بقّ و خبأ ..
و حاريهو في الزمن اللي جاي.

» الحلة حرقت والريحة مرقت
» الناس عيدت مرقت علي اصحابا
» والي الجزيرة .. كان مشيت فاشل وكان قعدتا فاشلين !!
» فيديو الزلزلة : والي الخرطوم بعد ما كشف حال البنت فإنه يحذر من جعل صورة النظام أكثر ظلاما "فيديو"ً
» كعب "الزول" العالي .. إن شِلتو في يدك مشيت حفيان يعتر ليك خلي تنجخ بيهو جنس الإنجخاخة دي !!