الإناره و ما ادراك ما الإناره

إخوتي الإعزاء

لدي سؤال واتوجه به لبورداب الداخل ما هو حال الإناره الداخليه لإحياء مدينتي الجميله ؟؟؟

اطرح تساؤلي هذا وفي البال ذكري قدومي في العام 2005م عندما وصلت في الساعة الثامنة مساءً
واول ما وصلت ليقت كل البلد مضلمه افتكرت ان الكهرباء قاطعة كالعادة ؟؟

وبعد ما دخلته البيت وسلمته علي الوالده اندهشته من انه في كهرباء وسالتهم علي الفور الحاصل شنو يا جماعة انتو بقيتو من ناس البيلي ولا شنو ليه مولعين النور والبلد كلها طااافيه ؟؟؟

قالو لي انت وين دي ما الجمره الخبيثة؟؟؟

أي جمره؟؟؟ وأي خبيثة؟؟؟!!!

اتمني من ابناء المدينه الاعزاء يختو في بالهم بعد تحسين الطرق الداخلية موضوع الاناره الداخلية

عشان المساله تبقي ميه الميه

واناشد اخونا محمد بشير لاحظو معاي اخونا وليس معتمدنا لازم يلقي لينا حل لمسألة الاناره للاحياء

ودمتم ,,,

كــــــــــــــــــــــــــــــــل الــــــــــــــــــــــــــــــــــــــــود
وكــــــــــــــــــــــــــــــــــــلنا حصــــــــــــــــــــــــــــــــاحيصــــــــــــــــــــــــــــا

فى رمضان الماضى زرت الحصاحيصا ليوم واحد من اجل حضور افطار رابطة الاعلامين بالحصاحيصا والذى كان بمنزل مزمل يعقوب بعد الافطار جلسنا انا وصديقى مزمل والحبيب العشى امام منزل العمدة مزمل وعلقت مباشرة على الظلام الدامس فى الفسحة التى تقع بين حى الموظفين وبدايه الحله الجديدة
واشار لى مزمل ان واحد من اصدقائة كان ينوى زياته ولكن الظلام منعه من الحضور واتصل علية هاتفيا واخبرة بذلك
قررنا بعد نقاش مستقيض انا نذهب للمعتمد كى نخبرة وفعلا ذهبنا ووجدنا اخونا محمد ببشير ووعد بالتنفيذ وفعلا عملا معالجة لعدد من اللمبات لكنها لم تكن بالصورة الفنية الجيدة
وعاد الظلام مرة اخرى بعدفترة ليست طويله
بالامس القريب سالت مزمل ياخى ما تشوف ناس الكهرباء يجو بعملو ا ليك حاجة قال لى امس لقيت واحد فيهم قال انهم عندهم توجيهات من ادارة الكهرباء انو اى لمبة مولعه فى اى شارع يطفوها طوالى ويعطلوها من انها تنير مرة اخرى
بالله شوف

مواصلة لحديث الاخ عمار
هنالك مجهودات من شباب الاحياء لانارة الشوارع
وبدا الاخوة فى حى العمدة هذا المشروع
فقط المنشدة المستمرة تجبر الاخوة فى الكهرباء على التعاون الكامل
وفق الله الجميع