المحبوب أحمد الأمين
 |  موضوع: علي عثمان طه .. عين "سحت" قال عين "رضا"!! إلا يكون "رضا فهلوي"  الجمعة 28 يوليو 2017 - 15:31 | |
|
(( ......باهى نائب رئيس الجمهورية السابق، القيادي في المؤتمر الوطني علي عثمان محمد طه، بتجربة الانقاذ في الحكم، ورفض الاعتذار عن انقلابهم على الديمقراطية الثالثة، مؤكداً أن "الانقاذ جاءت فى ليلة مباركة نظر فيها الله لأهل السودان بعين الرضا والرحمة". وقال علي عثمان في لقاء مع مجموعة السائحين الوطنيون؛ وكتيبة القوات الخاصة بالدفاع الشعبي؛ بمنزله بضاحية سوبا جنوبي الخرطوم؛ "لن نعتذر عن انقلابنا فى ليلة 30 يونيو 89 .. بل نفرح بتلك الليلة المباركة و نتخذها يوم شكر لله رب العالمين؛ الذى أنعم على أهل السودان بحكم اسلامى قوى وأمين غير مسبوق منذ دخول الاسلام السودان".......)).
علي عثمان يا موهوم
لو قلت يوم الانقلاب الله نظر للسودان بعين الرضا
ونعم بالله
أها ما وريتنا بعداك الحصل شنو ؟؟
تمانية وعشرين سنة
السكن بقى في الضواحي وطرف الجناين
المساحات بالجدعات يا جدعان
لا وكمان من شدة الوساع لمن منجلة تحلف تقول ملاعب جولف
وزعيم الجماعة لمن اتهمه طه بال 9 مليون دولار وفيلا بحري
قال دي اخطاء في التطبيق وربنا يغفر ليهو
تطبيق شنو ياخي دا خمش مطابق
وبصراحة استحقيتو عين "السُحت" بجدارة
وبرا نضارة
وحدنا هنا عشان الكتاحة وكدا
| |
|
المحبوب أحمد الأمين
| | موضوع: رد: علي عثمان طه .. عين "سحت" قال عين "رضا"!! إلا يكون "رضا فهلوي" الجمعة 28 يوليو 2017 - 15:44 | |
|
 بالمناسبة دي صورة ايام العز والكنكشة محمد "رضا" بهلوي عليه الرحمة والغفران | |
|
المحبوب أحمد الأمين
| | موضوع: رد: علي عثمان طه .. عين "سحت" قال عين "رضا"!! إلا يكون "رضا فهلوي" الجمعة 28 يوليو 2017 - 17:47 | |
|
وعاين دا كمان
يعني زول يسالو مافي
بس نقعد ننتظر صلاتو
لو خسفت الارض بمن فيها يكون هو بري
ولو كمان مافي حاجة حصلت لزول
على الاقل من الناس البتكلمو عن فسادو
هو يواصل يحكم ويلغف ويصلي
الحساب في الدنيا كلو كلو ما دايرنو
كأنهم اتخذوا عند الرحمن عهدا
يحيدوا آليات الحساب والقانون والمحاكم
ويفعلو الغيب والماعاجبو يحلق حواجبو
أو يكفروا زي الترتيب
نفى آدم الفكي محمد الطيب، والي جنوب دارفور، وجود حالات فساد في المال العام بالولاية، وقال إن ما أثير لا يستند إلى حقائق، مهدداً بملاحقة الجهات التي روجت قضائياً، لكنه أضاف: “أنا كل يوم أصلي وأدعو الله أن يأخذ لنا حقنا من كل من يقذفنا بالباطل”، وتعهد الفكي بنشر تقرير المراجع العام بشأن قضية بيت المال في الصحف، حال خروجه خلال أيام. وقال الفكي في حوار مع (اليوم التالي) ينشر لاحقاً، إن الولاة لا يعملون لإرضاء رئيس الجمهورية ولكن لتنفيذ برنامج الدولة. وأضاف: “نحن ما شغالين عشان نرضي الرئيس في شخصه، نحن شغالين شغل دولة بقدرما نرضي البرنامج العام المطروح”، وأكد أن زيارة رئيس الجمهورية إلى الولاية في أغسطس المقبل تمثل مراجعة لبرنامج الرئيس الانتخابي والوقوف على مدى تنفيذ توجيهاته في آخر زيارة له إبان الاستفتاء.
| |
|
