نــص :- أمنية :- لحسن كيشوا

والحرقة الساكنة ،،
في الجوف هبّاشة ،،
وناس بي دين ،،
دقن ،، تجّار إستثمار ،،
والناس الراكبة المقشاشة ،،
والبحموا ضباع الليل ،،
شفّع تخريج فتّاشة ،،
شفّع ماهم بالحيل ،،
ديل شفّع شماشة ،،
الأموا ( حرامي ) ،،
وأبوه ( حرامية ) ،،
جايباه النطفة الغشاشة ،،
ساوين البلدة عصابية ،،
بدوهم راتبم أوباشا ،،
بامسيكا بترسم في شنوا ،،
يا دالي اللوحة دي غشاشة ،،
والمالية البطن الجوه ،،
لاوياهوا اللواية الحشاشة ،،
ما الجوع الكاتل أول ،،
والكاتل تاني الدياشة ،،
دياشة تهش الطير ،،
دياشة بتكتل حواشة ،،
تعليمن كل الويل ،،
والمنجل ما فيوا حيل ،،
الدنيا ملاها الفرّاشة ،،
ساكنين ضلام الليل ،،
وباكر يصحوا عطاشا ،،
يبيعوا الأحلام بالكاس ،،
من دنيا ويمحوا غُباشا ،،
يا ريت الفات يعود ،،
يا ريت البلدة تجود ،،
ويرجع تاني دُعاشا ،،

ركـــــــابي :-
وقـ المغارب ـت :-

أمين الركابي كتب:: والحرقة الساكنة ،،
في الجوف هبّاشة ،،
وناس بي دين ،،
دقن ،، تجّار إستثمار ،،
والناس الراكبة المقشاشة ،،
والبحموا ضباع الليل ،،
شفّع تخريج فتّاشة ،،
شفّع ماهم بالحيل ،،
ديل شفّع شماشة ،،
الأموا ( حرامي ) ،،
وأبوه ( حرامية ) ،،
جايباه النطفة الغشاشة ،،
ساوين البلدة عصابية ،،
بدوهم راتبم أوباشا ،،
بامسيكا بترسم في شنوا ،،
يا دالي اللوحة دي غشاشة ،،
والمالية البطن الجوه ،،
لاوياهوا اللواية الحشاشة ،،
ما الجوع الكاتل أول ،،
والكاتل تاني الدياشة ،،
دياشة تهش الطير ،،
دياشة بتكتل حواشة ،،
تعليمن كل الويل ،،
والمنجل ما فيوا حيل ،،
الدنيا ملاها الفرّاشة ،،
ساكنين ضلام الليل ،،
وباكر يصحوا عطاشا ،،
يبيعوا الأحلام بالكاس ،،
من دنيا ويمحوا غُباشا ،،
يا ريت الفات يعود ،،
يا ريت البلدة تجود ،،
ويرجع تاني دُعاشا ،،

ركـــــــابي :-
وقـ المغارب ـت :-

يا ريت ،،

ركــــــــــــــابي :-
وقـ المغارب ـت :-

حارجع تانى دعاشه

وييييييييييييييييييييييييييييييييييييييييين ياامين انت تلفونك مغلق ولاتوجد بالموقع

اين انت وقت المغيب ؟

(يا ريت الفات يعود ،،
يا ريت البلدة تجود ،،
ويرجع تاني دُعاشا ،،)

فكرك ياركابي بعود .... الله أعلم

صدقنى برجع تانى دعاشا ......... لما ناسا تفيق من ده سادومبا وداك كباكا

(هبه) بت الحصاحيصا كتب:: (يا ريت الفات يعود ،،
يا ريت البلدة تجود ،،
ويرجع تاني دُعاشا ،،)

فكرك ياركابي بعود .... الله أعلم

ربما ،، يا هبة ،،

يبقي أن تتنتظري هناك ،،

عند حدود المغارب ،،

علّه يأتيك ،،

بالخبر اليقين ،،

أو ،،

جزوة فجر ،،

بها تصبحون ،،

علي دنيا مسالمة ،،

في حدود ،، الاّيس ،، كريم ،،

وإن ذاب ،، قبل وصوله ،، للبلع ،،

إنما ،، نحن ،، مرتقبون ،،

ركــــــــــــابي :-
وقـ المغارب ـت :-

Badr Abbas كتب:: صدقنى برجع تانى دعاشا ......... لما ناسا تفيق من ده سادومبا وداك كباكا

بدر ،،

وين إنتا ،،

أديني منديل ورق ،،

فقط ،، لأن دموعي ،،

حارقة ،، بالملح ،،

بشتاق ليك ،،

ركــــــــابي :-
وقـ المغارب ـت :-

فايزه السيد كتب:: حارجع تانى دعاشه

وييييييييييييييييييييييييييييييييييييييييين ياامين انت تلفونك مغلق ولاتوجد بالموقع

اين انت وقت المغيب ؟

يا سيدتي ،، فايزة ،،

تلفوني مغلق ،،

ولكن قلبي ،،

بطول الشوارع ،،

أنا مريض بشيء إسمه ،،

الإرتباط بالمكان ،،

الدروب ،، الفجاج ،، الجخانين ،،

( من جخنون ) ،،

فبأي اّلا المشي ،، ( تكزّبون ) ،،

الاّن علمت ،،

أن هناك شيء ،،

إسمه ،، الإرتباط بالإنسان ،،

والسُكّان ،،

علي هذا البلد المرضان ،،

وتسلمي من المصايب ،،

سيدتي ،، أختي ،، أمي ،،

فايزة السيّد ،،

أوصيك ،، إن غبت أنا ،،

لا تنسي ،، شقيقي ،، عمر محمد عثمان ،،

إن مت أنا ،، توصي به خيراً ،،

هو ،، توءم ،، روحي ،،

ركـــــــــــــابي :-
وقـ المغارب ـت :-

مشتاقين والله مشتاقين ليك عندنا كوب من الماء البارد يجاوره فنجان من بن محوج على تنكة مذهبة فشرفنا بالحضور والونسة زكريات قدبمة فيها الهندى والقرعى ورحمة جرادل وحيكومة والطرادة المنسية . موقع الدعوة قلب البلد الانقبض خلف البرتش كاونصل وجوار صحيفة ان ما تاكل الذئاب من الغنم القاصية والتلفون فى حالة التوهان 0912353080 تجئ ولا نجى نحنا سلام وامان

Badr Abbas كتب:: مشتاقين والله مشتاقين ليك عندنا كوب من الماء البارد يجاوره فنجان من بن محوج على تنكة مذهبة فشرفنا بالحضور والونسة زكريات قدبمة فيها الهندى والقرعى ورحمة جرادل وحيكومة والطرادة المنسية . موقع الدعوة قلب البلد الانقبض خلف البرتش كاونصل وجوار صحيفة ان ما تاكل الذئاب من الغنم القاصية والتلفون فى حالة التوهان 0912353080 تجئ ولا نجى نحنا سلام وامان

خالي الحبيب ،، بــــــدر :-

أنا لي حق الإحترام والطاعة ،، ليك ،،

الرمز في كتاباتك ،، لذيذ ،،

ومفهوم ،،

أنا سعيد بيــــــك ،،

وعايــــــــــز أسلم عليك ،،

بي كل الحنـــــــــــان ،،

وحياة تربة صليحة الركابية أمي ،،

مشتاااااااااق ،، ليك ،، جداً ،،

أرجوك ،، لا تبتعد يا خال ،،

خليك ،، قريب ،،

الماء البارد والبن ،،

وصلوا ،،

التانية خليها علي ولد أختـــك ،،

يا زول عميــــــق ،،

ركـــــــــــــــــابي :-
وقــ المغارب ـ ت :-

من زمن ،،

والخطوة بتناقش درب ،،

بتقول ،، إنت الصادق ،،

في زمن الكضب ،،

إنتا بس ،، يا درب ،،

إنتا الأمان ،،

والدنيا في ساعة حرب ،،

ركــــــابي :-
وقـ المغارب ـت :-

» المهـــــزلة ،، نــص بالنون ،، فكاهي ،،
» عتقتك لوجه الله ،، نــص ،،
» شقيقي عضو الدوت كوم ،، عمر محمد عثمان ،، نــص :-
» ما عارف دة نــص ،، أم جنـــــون ،، المـــــهم ،، يا مُـبارك قدورة ،،
» واي كاما ،، نــص مهداة لبابكر عبد الرازق بخيت ،،