ملعون ابوك يا دنيا يا بت الكلب
مسكين انا وحيران انا لامن فترت من التعب
تودي جاي وتجيبي جاي جنك لعب
شلتي من عيني الحبيب الكان قريب من القلب
مسختي ايامي العسل الحلوه زي طعم العنب
ودرتي عقلي خلاص وراك لامن بقيت قاعد كنب
فتشت ليك انا من زمان لا خليت قرايه ولا كتب
اوعك تجيني براك تاني وتقولي كان بيناتنا حب
حباك جن حباك ورل ان شاء الله قولي حباك ضب
رفسك حمار دفرك جمل جراك تور عضاك كلب
مايهمني امرك كتير يالوشك الشبه الرُكب
شوف الخليقه تقول قرد عاد الملامح مره تب
زمان ماكنت شايفك وكنت ودران ومغبي من الشُرب ْ
شاحد الكريم ربي العظيم زايل المِحن وفارج الكُرب
يضربك قطر بالقليل حيطه واقعه فيك بُرْدُلُبْ
يِودِّر زراق عينيك عديل ماتعرفي الشرق من الغرب
ملعون ابوي وملعون ابوك لو تاني فيك واحد رغب
أستغفر الله العظيم ياربي اغفر لي الذنب
تغفر ذنوب عبداً ضعيف سموهوا بي عاشق الطرب
موضوع: ملعون ابوك 
الجمعة 2 أكتوبر 2009 - 14:06
