الشاعرة...اسماء الجنيد (سوما) اهلا بك

سلام يا احبة

الاخ العزيز وليد العشى
سلام واحترام
وشكرا بحجم الوطن لطلتك البهية
اشكرك عزيز على الترحيب الحار.. وايضا نحن فى قمة الفرح
شكرا غنوات
***
صفوان فاروق يا مراحب وشكرا للتحية
شكرا نيلين
***
العزيز ابراهيم ديسكو
ويا حلات الاطفال الحلوين ما شاء الله وعينى بارده
ربنا يحفظهم ليكم
وشكرا مارقة من الجوف للترحيب الذى اسعدنى ايما سعاده
شكرا يا ابن النيل ..
***
الحبيبة فايزه السيد
تسلمى يا حبيبة البى لكى الاشواق من القليب للقليب ..
عطرتى الساحه بطلتك الندية
شكرا ليك انتى يا نوارة
***
يا مراحب يا مغارب
اسم جميل يوحى بالابداع والسكينة والهدوء
شكرا للترحيب الذى عبأ دواخلى فرح وسرور
شكرا قعدة عصر
***
اخى وصديقى العزيز عبد المنعم سيد احمد
تشكر على الحفاوة والكرم .. ما غريبه منك يا ود الاكارم
شكرا بعمق النيل

يا مراحب بك اسماء الجنيد
بين أهلك وفى دارك وكلنا فى انتظار مداد يراعك
ليكتب على صفحات مدينتنا حروف ود وحب أخوى يحمل فكرا وثقافة
ويرسم الوان طيف تمطر أفئدة مليئة بالتفاؤل والاحترام والرأى السديد
وشكرا صديقى عبدالمنعم وأنت تدثرنا بشفافية عشق لكلمة مموسقة
ولا ذلت فى انتظار زمن أتى الى لقية حتى نكمل ما بدأ من
حوار بيننا واهلا اسماء فى سماء مدينى حمامة سلام
.......................هنداوى

الف مرحب بيك فى دارك وبين اهلك
وفى انتظار كل ابداعاتك
ايضا لك الشكر العزيز عبد المنعم

ضياء عدوى

مبروك لنا الدره سوما ,,,,,,,,,,
شكراً اخي منعم علي الهديه الغاليه
فعلاً الاخت سوما مكسب ويامنعم
الصفقه دي اغلي من صفقة الوالي
مـــــــــــــــــــع { وارغوا }
وامسكوا الخشب سوما جااااااااااااااااااتكم

مبارك عثمان كتب:

الاخ مبارك عثمان
سلام وتقدير كبير لطلتك الجميلة يا ود ملوك النيل
.............
يا اخت الظباء
مين لى علاك
يميل
فى البدو والحضور
لك تحايا كل الاصدقاء فى دبى

صديقى الجميل
الاستاذ مبارك محمد عثمان
الاستاذة سوما جارة لكم يا اهل الخليج
مابين مسقط ودبى..هذا كمشوار لنا ..داخل مدينة واحدة فى بلادنا الثلجية
نتمنى ان تكونوا التقيتم بها ..لتقرا لكم من سامق الحرف وعذبه
لكم سعدت بمعرفتها عبر هذه الدروب الاسفيرية...نتمنى ان نلتقيها وهى تبدع شعرا
(لايف)
شكرا لهذا الحرف الطيب اخى وعزيزى
والتحايا للاسرة

اسماء
تخرج لنا من روائعها وجمال حروفها درر تصيب اذن اى سامع
مرحب بك فى اسماء ملحقة فى الحصاحيصا دوت كوم

عبد المنعم سيد احمد كتب:

حسن وراق حسن كتب:

المبدعة اسماء الجنيد!!
الترحيب بك يحتاج لاجازة من الدولة ومن المدام ومن الخرطوم
نرحب بالندي والطل ورائحة الدعاش
مرحب بالقرنفل والياسمين
في الحصاحيصا دوت كوم
مرحب بيك يا سوما

نتمنى اقامة ليلة شعرية للاستاذة سوما بمدينة الحصاحيصا
وحسن وراق فى التوثيق الحى..حلم نراه قريبا
شكرا الزعيم حسن
فأنت دائم الحضور..والترحيب بالقادمين الى رحاب الجمال
فسوما..ستسهم وباقتدار فى رفد المنتدى..بروائع الاشعار
والمداخلات الثرة العميقة
مرحبا بالمبدعة

عبد المنعم ،،
حاضرين ،،
والقصايد ،، حاضرة ،

بس بنخش السجن ،،

خلينا نعيّد الضحية ،،

مع أهلنا ياخي ،،

مغااااااااااارب :-

اهلى السمحين
ناس الجروف والطين
الشوق قمر دورين
***
العزيز عبد الوهاب هنداوى مرحبتين حبابك
زينت صباحى بوشاح مطرز بدرر حروفك الفريدة
استقبالك يا ابن البلد باين فى ملامح اهلنا وطيبتهم وحسن كرمهم
ما غريبه عليك كلام طاااااعم يروى الظمأ ويرد الروح
يعلم الله رويتنى محنة ومليتنى عافية بى كلامك الزين
شكرا مرتين .. فرحة امات .. وقلدة حبوبات
***
العزيز ضياء عدوى
اضاء الله لك كل دروبك بالسعاده يا ضياء
وملاك فرح قدر فرحى بى طلتك يا كريم
اسعدتنى طلتك وكلماتك الندية
شكرا قعدة عصرية
***
العزيز حسن وراق
والدريب ساساق
بساسق عليك بى شوق الغربه الطول
يا الشايل من ملامح اهلى وبلدى وعزتهم
وملفح بى غباشهم وهيبتهم
وموكر طيبة بى بياض نيتهم
قدرتنى .. وقدرتنى .. وقدرتنى ..
ونزلت دمعتى فرحه بيكم يا قبلتى وفرح بلدى
شكرا مارقة من الجوف .. وملونه بى خضرة الجروف
للسمح الجانى من تالاك يا الحنين ود وراق
شكرا أردب محنة
***

مغارب والنيل والحديث كما يحلو لنا
هدهدت الصغار بى نسيمك العليل
حجيتنا ودندنت الغنا وقت الاصيل
نهلنا ونهلنا .. ثم طمعنا
فهل من مزيد ؟
مغارب طلتك مميزة فلا تحرمنا ايها النغم الحنون
شكرا من نضمك البشبهك
...
***
سلام يا انور سلام وسلام
عارف يا انور متل كلامك ده بوقف شيطان النضم الف احمر
مالك داير تطرينى الكتابه الشترا ديـــــــــك ...
لو تعرف الشوق يوم يحلق فوق
شكرا لى الثقه الكبيرة دى اخى انور
سلمت يا ود ملوك النيل...

***
العزيز مبارك عثمان
حبابك يا عشا الضيفان
حبابك انت والمعاك فى دبى وفى كل مكان
الشوق حا يفضل يحلق ويحلق ويا ريت يرك بينا فى قيف الحصاحيصا
اهو بين الاهل ما فى مساحات فراغ ..كلها ملانه ريد ومحنة
تسلم يابا ...
***
الحبيبة اسراء بابكر
حبابك يا بنيه من بطن الاهل
الشوق يباركى فى كل محل
تسلمى انتى وتسلم طلتك الرويانه محنة
***
العزيز الصديق شاعرنا عبد المنعم
لو كانت ليلة شعريه يجب ان تزدان بوجودك وكلماتك المعبرة
ويجب ان تزدان بحضورك الباهى وحسك الوطنى
وليك على اكون اول الحضور
ومن الان بعلنها لكم يا ابناء اهلى فى الحصاحيصا
لمتكم احتاجها اكتر من استماعكم لى اختكم الغبشه المنكم وفيكم
اسال الله ان يجمعنى بكم قريبا ونجتمع فى ديارنا العامره حنية بكم

*** متاوقة
حباب المغارب من تانى ..
عارف يا الاصيل وقت الاصيل
السجن فى العيد اكتر حريه من جدعتنا فى البعيد
نسجن مرفوعى الراس بين 4 حيطان بين اهلنا وخلانا..
و لكن ..كلماتنا تزلزل الدنيا بره الجدران بكبرياء وشموخ
وهنيئا لنا بكلمة حق فى المهمشين والغلابه ووجع البلد
شكرا يا مغارب واعتبرنى فى الصفوف الاماميه بينكم

التحية لكم يا ابناء البلد الواحد
والشكر بحجم الوطن الام