واخيرا عمار عرف نفسو قاعد وين,,مبروك

صاحبنا عرف مكانو في الصورة,,,,

يا صفوان والله بالغتا
داير تطلعنا كوامر ولا شنو
ياخى انا عامل للناس ديل انو انا اصغر واحد
لكن والله الحقيقة صورتك ديه اسعدتنى جدا واعاده الى زكريات لن تنمحى بفعل الزمن
اعادة لى يا ساده هذه الصورة زكريات الثانوى العام فى مدرسة الامام مالك المتوسطة واسرح الان بافق بعيد نحو
مجهودات الاستاذ عثمان مطر مدير المدرسة فى حفظ النظام والانضباط وهو ذلك المربى الذى يعمل له جميع الطلاب الف حساب وكان يلقب حينها (برامبو ) فطابور الصباح عنده هو عنوان اليوم الدراسى وتجده واقفا فى منتصفه يلوح بيديه (التى يحمل فيها عدة مفاتيح) عند سماع نشيد العلم ويصفق عند انتهائه
الامام مالك يا ساده قررت ان تكون اول مدرسة تقيم تجربه الفصول النموذجية وكنا نحنا اول هؤلاء الطلاب الذى بدأ بهم المشوار ففصل (عثمان ) جمع نوارس من الطلاب فى ذلك الزمن الجميل وكان كل واحد منا يجتهد فى الحصول على موقع مميز فى الترتيب داخل الفصل فكم زرفنا الدموع حينما لا نحقق المراد
فصل عثمان ياساده والذى تشاهدون صورته على هذا البوست كان كشكول من ابداع متفرد يعزفون مع بعضهم البعض سيفونية عنوانها المحبة والتاخى الابدى فى كل الاحوال
لا انسى قائد الفصل الاكاديمى دكتور اسامه عبد العظيم عمر ولا انشى مشاغب المجموعه الحبيب دكتور شوقى بشير خالد ولا ينمحى من زاكرتى الانيق الدكتور عبد الرحمن فزارى ولا المثقفاتى مصعب بانقا حاج الصديق ولا الحميم محمد الامين ابراهيم ولا المتالق دوما معاوية عبد الحميد الطيب ولا المتفرد محمد حسن محمود وكذلك وكيل النيابه الحالى صديق عكود والبانكر العريس امين عبد القادر والمهندس ضياء الحق عمر على
انهم يا ساده عطر يتنسم ريحه الان كل السودان
زكريات وقصص وحكاوى مع حصة التاريخ عند الرقيق الاستاذ عبد الرؤف عمر احمد ولغة انجليزية بالمؤشر مع صاحب القفشات الاستاذ كرم الله (رمز ينتمى )فى الرياضيات عند الحبيب الاستاذ خالد العشارى وعلم جغرافيا بطريقة ما زالت فى الذاكرة من فم الاستاذ ابوصباح يوسف
يا احباب لى عودات وعودات فى هذا البوست والذى اتمنى من الله ان يلم فصل طلاب فصل عثمان من جديد
لكن تصدق وتامن بالله يا صفوان انا ما عرفت نفسى وسط الناس ديل

وتقول لى صغير ياعمار والله طلعت هكر بينى وبينك دفعتين بس ومافضل ليك الا تقول لى ياخالة (يخلخل ضروسك ياخوى )...

عمار تلودى كتب:

لكن تصدق وتامن بالله يا صفوان انا ما عرفت نفسى وسط الناس ديل

ركز كويس في الصورة واول حاجة قبل ماتلقى نفسك() فتش عن:
أكسا
جالد
المجلد
لو لقيت التلاتة ديل معناها انك ركزت لانو ديل ظاهرييييييييين,,,,

ياعامر الزول ده ماعرف نفسو وانا هسي بقرب ليهو في الناس عشان يتذكر شكلو لانو اتغير كتير,,,

الاندياح ده كلو والزكريات والذى منو وماعارف روحو أكان كده اليلحق رقبتوا ويشوف ليهو توب يتلمى عليهو والا شنو ياصفوان وكان راسو مقطوع أبراهيم ديسكو مابقصر بقنع بتوا بى عمها عمار

كلامك صاح,,اصلا زمان زولنا ده كان شعرو كتير عشان كده هسي دايش ماقادر يطلع نفسو من بين الناس والغريب انو عرف فيهم كم نفر!!

رحمهG.T كتب:

وتقول لى صغير ياعمار والله طلعت هكر بينى وبينك دفعتين بس ومافضل ليك الا تقول لى ياخالة (يخلخل ضروسك ياخوى )...

ياخى دفعتين شنو
لا احسن تقولى دفعه
زمان ونحن صغار كنا بنشوفك لابسه لبس العالى الكحلى وماشه المدرسة

صفوان فاروق وراق كتب:

عمار تلودى كتب:

لكن تصدق وتامن بالله يا صفوان انا ما عرفت نفسى وسط الناس ديل

ركز كويس في الصورة واول حاجة قبل ماتلقى نفسك() فتش عن:
أكسا
جالد
المجلد
لو لقيت التلاتة ديل معناها انك ركزت لانو ديل ظاهرييييييييين,,,,

يا سلام يا كوتش
الاسماء الثلاثة ديه خلتنى اضحك لحالى زى المجنون لان هذه الالقاب لها فى الذاكرة قصص وطرائف
اولا اكسا) ده هو الداعية المعروف حاليا ياسر العاقب البشير ولقبو صفوان باللقب ده لانو كان فى مسلسل بتاع اطفال وبه قائد يسمى اكسا بالرغم من انو صاحب التسمية كان يحب الهدوء قليل الكلام
الزول التانى (جالد) احبه جدا فهو رجل كريم وصاحب مواقف ويمنح الجميع التقدير المطلوب ما ان تجده فى الحصاحيصا يطالب بالحضور الى منزله من اجل اعادة الزكريات
وقصة (جالد )ديه كان عندو ابوه عندو دكان فى السوق ويوم فى نهار رمضان مشينا انا وصفوان نشترى منو حاجة لقيناهو يشرب فى الشاى ,تانى يوم طوالى كشفنا حالوفى المدرسة وسميناهو (جالد)
الباشمهندس عبد القادر محمد عبد القادر مهندس مكانيكى يشرف على شركة المارسيدس رجل يعشق الشعر وله فى الادب حب واطلاع كان يقطن المنطقة السكنية والد يعمل بالمصنع لقبه بهذا اللقب (المجلد ) استاذنا كرم لانو مرة جلدو بالصوت وما يتاثر بالجلد فطوالى قال ليهو انت مجلد

عامر خالد كتب:

مارديت حتى الان على عنوان البوست عاوزين نعرف إنتا ياتو فى أولاد الناس ديل

يا راقى سلام
حاولت ان اقراءه قراءة مستقيمةوحقيقية لنافذة ذات عمق اعطتنى مكتسب فكرى عريض بعد سنوات كفاح واعتقد انا ذلك هو سمات اهل عثمان المبدعين ولذلك كان الاندياح

يعني لو لقيت التلاتة ديل ورينا مواقعم وين قاعدين واقفين؟؟؟

انا اقول ليك كلام تحت تحت
انا عرفت فضولى وين

عمار عرف انو قاعد التالت من على الشمال في صف القاعدين قدام واتعرف على بقية الفصل,,,,,,,,,,,,,,,,مبرووووووووووووووووك ياتلودي