مــــدرسة المشاغبين

اثنى على ترشيح محمد كمال لمنصب الرئيس

بانسبه للبرنامج الانتخابي واضح وبسيط نصرة الطالب ظالما او مظلوما

والبنسبه للاصوات والعمليه الانتخابيه اتوقع بل اضمن الفوز بالاغلبيه الساحقه حيث اضمان اصوات ايمان وهنادي بندي نسابتي واصوات ايمو وهنويه وقدوره اولاد خالتي ومحمد علي جبريل انا وهو ساكنين سوا اكيد صوتو لي وكمان حايضمن لي صوت رؤئ ايناس عدوي مابتقصر وصفوان حبيبنا ودسكو خالي حايدير الحمله الانتخابيه وحايجيب معاو حافظ عمار تلودي ممكن يديني صوتو اذا المنافس ماكان هلالابي واذا لزم الامر نجيب محمد بدر الدين وود الاهليه نسجلم في المدرسه ونضمن الاصوات

اتوقع منافسه خفيفه لاتزكر من الزعيم لاكن مقدور عليه

ايناس مصطفى عدوى كتب:

اثنى على ترشيح محمد كمال لمنصب الرئيس

مشكوره مابتقصري وماخيبتي ظني ابدا

اوافق وبشدة
والزعيم ده خليه حافظ بقدر عليه

نصرة المظلوم شنو انت واقف ليك قدام جامع اذا الناس كلها حتصوت ليك طيب نعمل انتخابات لي شنو وكت القصة محسومة!!لسه قوانين ولوائح الانتخابات مانزلتها ليك عشان تشوفها وهي البتحدد سير العملية اصبر اصبر,,,

يا صفوان انت سيادة الوكيل وين
ما مر علينا في المدرسة الحاصل شنو
بعدين نتو اديتو الطلبة إجازة ولاشنو

الظاهر انو الناس دي بتجي بالمساء
وشكلو كده في ناس مسجلين من منازلهم
نحنا حانعمل اتنتس الصباح كل يوم
علشان الناس دي تبطل الفوضي وتداوم كل يوم الصباح لازم الصباح

hanoya khalafalla كتب:

اوافق وبشدة
والزعيم ده خليه حافظ بقدر عليه

الله اكبر

(قوانين انتخابات اتحاد الطلبة:
-صوت (الطالبة) يعادل صوت (طالبين)
-من يفشل في الحصول على الاغلبية الساحقة لايعتبر فائز بالمنصب وفي هذه الحالة تعاد الانتخابات
- الفائز بالاغلبية يكون هو الرئيس ومن يليه في الترتيب يصبح الامين العام ومن ثم امين الخزينة
-الاتحاد كتنظيم لاتعتبر سلطته فوق سلطة الادارة بل هو تنظيم تابع للمدرسة وعليه الالتزام بقرارات الادارة
-من يحق لهم التصويت من المعلمين هم(المدير,الوكيل الاول, الوكيلة الثانية) فقط باعتبارهم الهيئة العليا والجهة المسئولة في المدرسة وقد راعينا في ذلك ان الاتحاد كتنظيم يخص الطلبة ولايخص المعلمين بالاضافة الى ان متابعة الاتحاد وتنظيمه يعتبر من المسائل الادارية الخاصة بالهيئة العليا كما انه لابد من ان تكون المنافسة بين الطلبة بصورة عادلة دون ان يتم تغليب كفة منافس على كفة اخر بفضل تصويت المعلمين
-غير مسموح بممارسة نشاطات الاتحاد بصورة تضر مستوى التحصيل الاكاديمي وهذا يعني ان هناك يومين في الاسبوع لنشاط الاتحاد(السبت,الثلاثاء) وهذه النقطة سنعرض اليها بالتفصيل لاحقا فيمايخص القوانين الداخلية للاتحاد
ادارة المدرسة.

hanoya khalafalla كتب:

يا صفوان انت سيادة الوكيل وين
ما مر علينا في المدرسة الحاصل شنو
بعدين نتو اديتو الطلبة إجازة ولاشنو

يادابك اتلفتي لي!!! انا من قبيل بكورك ليك شايفك متلفحة توبك الكرب الابيض وجادعا بالشمال كمان وداخلة على الفصول,,, مااديناهم اجازة انا بس كنت مشغول وكلمت الوكيل وقايلكم حتابعو النظام,,,

hanoya khalafalla كتب:

اوافق وبشدة
والزعيم ده خليه حافظ بقدر عليه

ودسكو بيقدر علي حافظ وكدا حانكون ضمنا حافظ والزعيم الاتنين وكدا باقي لي زول واحد وافوز بالاجماع

القوانين ورقم بعض الاهات والشؤائب الا انها جميعا في صالحي وتضمن لي مقعد الريس

محمد كمال امشي اقرا القوانين بتاعت الانتخابات انا كتبتها فوق,,,

من ثغره بسيطه في القانون العجيب ضمن الراسه وفي حالت العدم هناك طعن جاهز ارجح به الكفه لصالحي

محمد كمال السر كتب:

ضمن الراسه

قاعد بالشهور في المدرسة وعايز تبقى رئيس اتحاد وماقادر تكتب عربي يوحد ربنا !!! ده شنو ده اشرح لي الكلمات العجيبة دي مافهمتها

ارجع لي الفحات الوراء بتلاقاني قلت ماعندي كيبورد عربي وبكتب بي قوقل يعني الغلط مامني من الكيبور د وعلي العموم انا قاصد ضمنت الرئاسه

الطعون لاتقدم الا من جهة ذات كيان معترف به امام سلطة قضائية او ماشابه واحنا لازلنا في مرحلة انتخابات يعني لسه ماقام الاتحاد,, انت من الان بديت بلهجة متمردة على الادارة وانت ناسي انو اصلا لولا قرار من الادارة لما كان للاتحاد وجود والادارة لاتخضع لسلطة الاتحاد لكن العكس هو الصحيح يعني استعمالك للغة قانونية تحذيرية بالطريقة دي مابشرى كويسة لانو حتى لو مسكت الرئاسة حتعمل بلبلة والادارة اذا حست انو الاتحاد او اي طالب مسبب مشاكل في المدرسة حتستعمل سلطاتها التي لايعلو عليها اي طالب ايا كان ويعزل الطالب من منصبه وماحينفعك القانون اللي شهرتو سلاح في وجه الادارة لانو دي قضية تخص سياسة المدرسة ومن يعترض على ذلك بمثل هذه الصورة فان الادارة لن تتهاون في ردعه,,,الادارة غير ملزمة دائما بتحقيق رغبات الاتحاد او الطلبة بل العكس,,,

محمد كمال السر كتب:

ارجع لي الفحات الوراء بتلاقاني قلت ماعندي كيبورد عربي وبكتب بي قوقل يعني الغلط مامني من الكيبور د وعلي العموم انا قاصد ضمنت الرئاسه

حتى لو بي قوقل الكي بورد انت البتكتب بيهو بكتب براهو!! بعدين انت مضايق ليه افرض انا ماقريت كلامك يعني تقيلة عليك توريني السبب!!

(لعدم مواظبة جميع طلاب المدرسة وبالتالي فان النصاب القانوني للانتخابات لن يكتمل بحضور جميع الطلاب وهم المعنيين بالاتحاد قررنا الاتي:
تعيين كل من :
الطالب محمد كمال رئيس لاتحاد طلبة مدرسة المشاغبين
الطالب دفع الله امين عام للاتحاد
الطالبة ايمان بندي امينة الخزينة
يرجى من هؤلاء الطلبة الاجتماع بادارة المدرسة لمناقشة سياسة الاتحاد وكافة المسائل التنظيمية الخاصة به)
ادارة المدرسة.

(الادارة تنذر المعلمين الذين لم يبدأوا في التدريس حتى هذه اللحظة وتدعو الى عقد اجتماع طاريء قبل اتخاذ اية اجراءات في هذا الشأن)
ادارة المدرسة.

طيب ماكان من الاول بس في اعتراض بسيط ايمو المدرسه اتفتحت عشانه هي يعني مفروض يكون عندها مقعد في الاتحاد

نرجو من الاداره تحديد موعد الاجتماع والاجنده