الجقلبة نص الليل

يعني مسيرتكم دي ح تمشي البرلمان وتلقاهو مقفل

حكمة والله وحكاية

حكومة طول وعرض

تخاف من مظاهرة

وصحي الما بعرف بيقول عدس انتخابات شنو البعملوها الناس ديل

هم ديل مسيرة سلمية تطالب بابسط حقوقها منعوها

راجين منهم انتخابات وتحول ديمقراطي

اها الرمادة دي فى خشم الراجيها

يا والدة يا مريم
ماني الوليد العاق
لا خنت لا سراق
والعسكري الفراق
بين قلبك الساساق
وبيني هو البندم
والديرو ما بنتم
ياوالده يا مريم
ما بركب السرجين
وماني زول وشين
يا والده دينك كم
دين الوطن كمين
ما شفتي ود الزين
الكان وحيد أمو
ماليله كان العين
قالولو ناسك كم
ورينا ناسك ورين
ورينا شان تسلم
العودو خاتي الشق
ما قال وحاتك طق
تب ما وقف بين بين
لموتو إتقدم
وأنا ما بجيب الشين
أنا ما بخت الشين
أنا سقوني الدم