الاخوة خريجي حنتوب الثانوية(دعوة وتوثيق)

الي كل الاخوة الخريجي المدرسة حنتوب الثانوية تعالوا لنلتقي ثانيا في رحاب الشبكة العنكبوتية ونوثق معا تلكم الام الرؤؤمه التي اخرجت الافذاذ والعباقرة وكثير من قيادات العربية والافريقية وحتي الاسيوية منها.حنتوب التي نشرت طلابها قي كل ارجاء المعمورة كما تنشر الشمس شعاعها اينما اشرقت واصبحوا اعلاما يهتدي بهم ويشار اليهم بالبنان. ولكم الشكر.

الاخ العزيز سليمان احمد ...
بالمناسبة كان معانا هنا استاذ الطيب على .. جغرافيا..
وعملنا انا والاخ صديق عبدالهادى بوست ضخم عن خريجى حنتوب فى سودانيز اون لاين.. يمكنك الرجوع اليه..
لكن عموما الفكرة كويسه و خلينا نشوف خريجى حنتوب من منطقة الحصاحيصا.. وبالمرة ياريت يكون فى بوست عن خريجى الحصاحيصا الثانوية ودى تكون بداية للتوثيق للخريجين من الثانويات.
قول اثنين انا من ناس حنتوب برضو..
دم بالف خير
بكرى

والله يا د| بكري كلامك جميل وعديل ولكن ماشايف البوست بخصوص حنتوب في المنبر العام في السودانيز اون لاين اختقي خالص والاخوة الحنتوبيين والاعضاء في المنبر ماشيفين شغلهم ولا ما عارف الحاصل شنو؟وقدر ما حاولت اشان اتفقد علي الشباب اواقرا اي توثيق عن حنتوب ما في طريقه,وقلنا نفتح لينا بوست مع ناس الحصاحيصا لانهم انا متاكد هم اكثر ارتباطا وحنية بحنتوب,وانا حقيقة حنتوب دي اصبح جزء من كياني ومشتاق اشوف او اسمع بواحد حنتوبي او اقرا كتابة من واحد حنتوبي عن حنتوب. ومرحب باستاذ الجليل|الطيب علي ود|الهادي الصديق ويرجي منهما الكثيرعن حنتوب والحصاحيصا لاثراء البوست.
د|بكري ارجوا ان تتولي هذا الامر وتحاول تجميع الاخوة الحنتوبييب والخريجي الحصاحيصا وتوثيق هذه المدارس الهامة ودورهن في النهضة السودان عامة والجزيرة خاصة وذلك مساهمة لرد جزء من الجميل والعرفان. وشكرا عاي المعلومه والاقتراح الجميل.

الاخوة الاعضاء و خريجين حنتوب في هذا منبر وكل الاخوة القراء والذين لهم شرف العضوية في منبر السودانيز ان لاين, اذا تكرمتم عايزين نعرف حاجة عن بوست بخصوص خريجي حنتوب الثانوية,
ارجوكم ارفعوا لينا .


ولكم منا جزيل الشكر...

ولنتواصل من جديد,, سليمان احمد
البريد الاكتروني todi-25@hotmail.com