يوم للتلاقى على الحصاحيصا دت كم

سلام يا الحصاحيصا دت كم..
عندى اقتراح نحدد يوم فى الاسبوع.. كل اسبوعين..كل شهر..كما يتفق.. عشان نتلاقى كلنا على الحصاحيصا دت كم مباشرة ودة يكون يوم للونسة والتعارف كما يمكن ان يكون لطرح الافكار..ادارة حوار..يعنى اهو تلاقى والسلام..
بكرى

حسن وراق حسن كتب:

موافق وعلي مشتركينا في دوت كوم مراعاة فروق الوقت جاهزين ..جاهزين مش لي ديك؟؟
تحياتي

Thanks Bakri,
bass enshalla alshabaka tetsatir ma3ana I mean people like me Darfur, wa kida

Salam
Ghada

العافية درجات ..منو الكان بتخيل زول فى امريكا يتلاقى بى زول فى الامارات مع واحد فى زالنجى واخر فى حمرة الوز!!!
كونى بخير دوما..كان الشبكه ما كانت بخير احيانا..
بكرى

يابكرى موافقون
الموافقون يجيبون بنعم
نعم
اذا نعم اغلبية
( اها لقيتنى كيف)

اقتراح جميل للغاية وممكن نتواصل عبر الإيميل خلال ذلك الوقت يعني التواصل عبر المنتدى والإيميل وممكن نطرح فكرة أو موضوع لتناقش حوله ... موافق في أي زمان ...

الجميل والمشجع فى الموضوع اهو الناس متداخله وبتعرف بعض على الاقل بالاسامى..
وذى ما قلت يا جاهورى.. ممكن الناس تتبادل الاميل على البريد الداخلى بغرض التنسيق..
كونوا بخير
بكرى

بكرى عثمان حمد كتب:

الجميل والمشجع فى الموضوع اهو الناس متداخله وبتعرف بعض على الاقل بالاسامى..
وذى ما قلت يا جاهورى.. ممكن الناس تتبادل الاميل على البريد الداخلى بغرض التنسيق..
كونوا بخير
بكرى

موافقين وباصمين بالعشرة حدد اليوم والساعة

.. طيب ما تكون اللقيا احلى مع محاولة اضافة شات .. وتكون الونسة لامة وتجمع البعيد .. واذا ما امكن حاليا نوافق على الفكرة المطروحة ...

الرائع بكرى:-
موافقون موافقون
وقلناها نعم قلناها نعم
بس زى ماقال الاستاذ وراق على مشاهدينا مراعه فروق الوقت
اها ياربو ((لقيتنى كيف))
خالص ودى

سعاده بكرى عثمان حمد
اهديتنا دوت كوم واهديناك الحب
سوف تهدينا التلاقى وسوف نهديك محبه ابديه
عمار تلودى

والله يااخوي بكري يديك الف عافية ونبصم على الاقتراح بالعشرة
لكم تمنيت التعرف اليكم جميعا عن قرب وانا بانتظار الموعد المحدد
ياريت يا روعة تجيبي معاك الجبنة

عبداللطيف الدامر كتب:

الرائع بكرى:-
موافقون موافقون
وقلناها نعم قلناها نعم
بس زى ماقال الاستاذ وراق على مشاهدينا مراعه فروق الوقت
اها ياربو ((لقيتنى كيف))
خالص ودى

.............
والله لقيتك 100% ياعبد اللطيف ( نقشتها ) ولا شنو

[color:f688=blue]حضور اولا
ومن ثما موافقون بالاجماع ويا ريت تحددو لينا يوم يكون عطلة
زي الجمعة والسبت
وانا ابصم واوقع علي ذلك
وتحياتي للجميع

الاعزاء المتداخلين..سلام
لا ازال فى حالة رصد لاوقات دخولكم للموقع..وافتكر السبت او الاحد ممكن يكون مناسب...ولا شنو...
مفروض يكون فى اتفاق على ثلاثة اربعة مواضيع عشان الناس تتنقل بينهما...ولا شنو ..
انا شخصيا افضل التلاقى هنا عشان يكون فى توثيق وتتابع ورصد للمواضيع.. الشات لا يخدم هذا الغرض..ولا شنو..
مع الود...بكرى

طبعاً موافقين ومافي اي مانع
لكن مافي اي واحد لحد الان
اقترح تاريخ معين ؟؟
او يوم معين ؟؟؟
او ساعة معينة؟؟؟؟
عشان نشوف اليوم والساعة المناسبة للجميع
ولا رايكم شنوووووووو ؟؟؟؟؟؟؟؟

والله يا مبارك انا كررتها مخصوص عشانك...ولا شنو..
رايكم نجرب السبت والاحد القادم..بين الساعه الرابعه والسادسه بتوقيت السودان...
ونشوف...ولا شنو يا مبارك..
بكرى

التحية لكل الاخوة والاخوات
وانا بايد الفكرة واقترح الجمعة او السبت لاننا موظفين وايام العطلة دى فرصتنا

كدى نشوف السبت قرب.. ولاشنو يا مبارك
لكن بدرو شويه ناس وراق ديل السهر ما بنفع معاهم..
فى اى اقتراحات لرؤس مواضيع..
بكرى..

نتمنى يا بكرى عثمان ان نلتقى جهرا فى رحاب سودان ينعم بالاستقرار والنماء بعدما نلتقى ضمنا عبر الحروف فى المنتدى
لك خالص الود والتقدير

غدا سنكون فى الموعد تماما
اقترح ..موضوع المستشفى..لاهميته القصوى
وسفلتة الطرق الداخلية..وعديد من الواضيع التى تهم المدينة
وياحبذا..لو كان هناك تعريف من صاحب الموضوع
اقله مكان اقامته الحالية
ولكم الشكر والتقديروغدا لناظره قريب

سلام منعم والجميع..
منعم.. الطرق الداخلية دة موضوع باقى نحن بنقدر نسوى فيه حاجه!!!! خلى ناس وراق يشيلوا قلمهم وكاميراتهم ويجروا خلف المعتمد والوالى...
لكن المستشفى.. اقتراح جميل وممكن نكون رابطه اصدقاء المستشفى من منتدى الحصاحيصا دت كم وتاخد موافقه المستشفى وبعد داك نشوف البحصل شنو..
انا الحقيقه عندى موضوعين.
.1 ...التوثيق وكيفيه مساعدة الاخ وراق فى انجاز هذه المهمه الشاقه و المكلفه وقتا وجهدا و مالا..
عايزين نمد الاخ حسن بجهاز تسجيل حديث.. وكاميرا...وفى مرحله لاحقه جهاز لاب توب!!!
2.. موضوع تخصيص احد الدكاكين الموجوده فى معهد عائده سابقا ليكون مكتب للحصاحيصا دت كم ويزود بكمبيوتر وانترنت خدمه مجانيه لاعضاء المنتدى..
سلام والى الغد
بكرى