مــــدرسة المشاغبين

صفوان فاروق وراق كتب:

(تعلن ادارة مدرسة المشاغبين عن تاجيل الدراسة لمدة شهرين تستغل في الطرب الاصيل بمناسبة اعياد راس السنة اعادها الله على الجميع بالخير والمسرات)
ادارة المدرسة.

مسكين البدا يامل واملو يغلبو تحقيقو

السنبلاية - محجوب شريف -محمد وردي

لّما عرفتك اخترتك سعيد البال ..
وختّ شبابى متيقن
عليك آمال
لا جيتك قبيله ..
ولا رجيتك مال
ولا مسحور
ويوم ما كنت في عينىّ ..
أجمل من بنات الحور
جيتك عاشق اتعّلم
من الأيام
ومن سأم الليالى البور
ومن أسر الوِلِف كتّال
لقيتك فى طشاشى دليل ..
وفى حرّ الهجيره مقيل
ركزت على ضاكِ عصاى
لقيتك فى حياتى جذور
بنيّه اتلفّحت بالنور
مهجّنه من غنا الأطفال ..
ومن سعف النخيل والنيل
ومن وهج الشمس موّال
وان اخترتينى إنساناً ..
عزيزَ النفس بتمنّى ..
وبسيط الحال
علىَّ حرَّمت زرعاً
ما سقيتو حلال
ومافصّد حصادو قفاى
وبينى وبينك الضحكه ..
ورحيق الشاى
وطعم الخبز والسُتْره ..
ومساء النور
وعمق الإلفه..
بين النهر
والنخله
وغنا الطمبور
وصدق العُشْره بين الأرضِ ..
والإنسان
وبيني وبينك الفكره ..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل ..
ما بين الصعب والسهل
عزّ الليل ..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن

وتزعلى يوم ..
وازعل
وننفعل مرات
تقبّلى منّى ..
واتوسّد ضُراعى سكات
وفينا حنينه
تتشابك موده ..
تشابك الغابات
ونحن اذا اختلفنا سوا ..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
وتتكى سنبلايه على ضراعى ..
واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل

اشكيه لمين القدر
واشكي المقادير ليمنو
شوفوها خلت حالي
كيف تحزن عدوي وتحننو
حالي العلي حال السواد
بكاني عادي احكيه كيف
بقت الدموع اقرب صديق لحالي لقلبي الرهيف
الباقي ماحافظاهو تموها مويه

[quote="emoo"]

محمد كمال السر كتب:

لي زمن بكتب صاح
بعدين المدير ده خلاص فكه دربي بقي مابنبزني lol:

يايمو احنا قلنا مرمي الله خلي ماترفعوا عشان كده نخليك بعد ماتطلعي من الحجر الصحي عشان ماتعادينا وزيي ماشايفة خيراتك ظهرت في محمد كمال واحنا خايفين على الباقين وماعاوزين نسالك عشان ماتملي لينا المدرسة طوفاش

emoo كتب:

اشكيه لمين القدر
واشكي المقادير ليمنو
شوفوها خلت حالي
كيف تحزن عدوي وتحننو
حالي العلي حال السواد
بكاني عادي احكيه كيف
بقت الدموع اقرب صديق لحالي لقلبي الرهيف
الباقي ماحافظاهو تموها مويه

سواد ودموع ونتمو موية,, قلنا ليك راس سنة ماكرعين لابسة سفنجة
,,,غايتو نشكيك لمنو,,,, فرح بهجججججججججججججججة

[quote="صفوان فاروق وراق"]

emoo كتب:

محمد كمال السر كتب:

لي زمن بكتب صاح
بعدين المدير ده خلاص فكه دربي بقي مابنبزني lol:

يايمو احنا قلنا مرمي الله خلي ماترفعوا عشان كده نخليك بعد ماتطلعي من الحجر الصحي عشان ماتعادينا وزيي ماشايفة خيراتك ظهرت في محمد كمال واحنا خايفين على الباقين وماعاوزين نسالك عشان ماتملي لينا المدرسة طوفاش

انت مابتقري انا كتبت اليوم داك قلت ليكم ابوي قال تاني مااجي المدرسه وقعدني في البيت قال اشوف لي عريس وليدات عمي كلهم خلو الحله من الزمن داك طشو كل واحد خايف ارموني فيه انا لمن شفت الناس طاشه مني قلت اطش منهم اجي المدرسه يعني ياصفوان مابراك القنعت مني البلد كلها قنعت مني المهم انا جيييييييييييييييييييييييييييييييت ترضو بي بحالي دي وله امشي محو الاميه

جميلة ومستحيلة - محجوب شريف

يا جميله .. ومستحيله
انت دايما زى سحابه
الريح تعجّل بى رحيلها
عيونى فى الدمعات وحيله
اسمحيلا تشوف عيونك..
اسمحيلا
أنا لا الصبر قادر عليّ..
ولا عندى حيله
يامراسى الشوق تعالى
لا اليالى تمر بدونك هى الليالى
من ضواحى الدنيا جيت..
وعليْ رحالى
لمداين فوق عيونك يا محالى
ريّحينى..
أسُتْرى حالى
فرحينى
عيونى فى الدمعات وحيله
أنا لا الصبر قادر عَلَىْ..
ولا عندى حيله
حدّثت عنك نجمة جارة
وزرعت اسمك..
حارة حارة
فى مناديل العذارى
فى مشاوير الحيارى
فى لحى الأشجار كتبتو..
نحتو فى صم الحجارة
وبحت للشمس البتقدل..
فى مدارها
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر عَلَىْ
ولا عندى حيلة
وانتِ منك لا بداية..
عرفت لسّه ولا نهاية
مرة أسرح..
ومرة أفرح..
ومرة تغلبنى القراية
ولّمن أكتبلك وداعاً..
قلبى ينزف فى الدواية
يا صبيّة..
الريح ورايا
خلي من حضنك ضرايا
عيونى فى الدمعات وحيله
اسمحيلا تشوف عيونك
اسمحيلا
أنا لا الصبر قادر علىْ..
ولا عندى حيلة

والمدرسة دي قالوك الوكر المهجور حق المطوفشين!!! احنا الحق علينا الدايرنكم تهججوا, ارقصي كان مالاقية ترقصي مع العرسان الطفشتيهم اخير ليك شقي المقابر اكان مابتموتي

يللا يامحمد علي صاني مالك افتح المسجل ده .,,

الله عليك ياحمادة ... خلي من حضنك ضرايا ترم ترم ترم تش تش تتش..,,,

الحنينة السكرة - اسحاق الحلنقي


نورت و في الحفلة جات
يلا غنن يا بنات
للفرح للامسيات
السعادة الليلة جات
الحلاة الما بنقدرة
الحنينة السكرة
سمحة والله و مقدرة
جينا ليها نذكرا
السهرة لازم تحضرا
بشبابا تنورا

رسلت من بعيد
نظرة لي فنان بيريد
الفرح ما رد ايد
ابقه كيف على قلبي سيد
والليالي مدورة

الليلة كم تم المنا
وجب الحلوة الهنا
رقصة واحدة تلمنا
واخطف الشبان انا
وبالسعدة ابشرا

فايته يعني خلاص كدة
ريدنا يعني ياداب ما بدا
الزهور شالت ندى
والعيون تعبت ندا
انت فينا مخيرا

والله يابا يابا حرام
وريني اه زنبي
عشان انت تقسى علي تضعني في قلبي
من غير قصيد ياابوي
تقتل كمان حبي اه من حقي صدقني اه راح يسالك ربي
انا يابا لي قليب مرهف رقيق حساس
انا عندي اغلا حبيب بهواه بااخلاص
اخترتو يابا براي من بين جميع الناس
كيف ارضي ليك ياابوي اه حبي النبيل ينداس
كان حقو تسالني يايابا في امري
تعرف كمان راي في شريك عمري
مش حيه تدفني في بيت اكون قبري
والله يابا حرام يبقي الزواج جبري
يايابا خليني اختار شريكي براي
شاورنيمن قبال يايابا تدي الراياي
شاورني تسعدني يايابا في دنياي
واكون صحيح ياابوي بتدورولي هنااااااااااي حراااااااااااااااااااااااااااااااام حرام

انا تخصص وردي يامدير

ياايمو (بتدور ليا هناي ) دي من الاغنية وللا قاطعاها من راسك
تجيب لينا في اغاني الناس القطعو قلبم واتبشتنو


(يللا غنن يابنات )اتخيلت المنظر والله حفلة رهيبة البتجي فيها دي

الليل الهادى
يذكرنى حبيبى الغايب
من بدرى
خلانى وحيد
نصيبى نحيب
سهدى وبعدك جننى
متين ياربى القاه
ويسعد لى قلبى بلقياه
لو فاتنى يومين تبقى
لى سنين
سهدى وبعدك جننى
وحشتنى عيونك يا حبيبى
وهمسك ولمسك يا طبيبى
انته هناك ... وروحى معاك
سهدى وبعدك جننى

لو تعرف الشوق

لو تعرف الشوق
انت يا المريود
كنت مابتروح وتنسانى
شلت ليك الشوق الشوق
لو بى اييدك كانت الاحلام
مابنسيبها حرام
نهجر الريدة ياحبيبى
تعال ليه بتنسانى
دى اصلها الريده
فى القلوب بتروق
تفعل الجميل
قالو اهل الريد
اصلها الريدة فى القلوب بدوب

ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى

-------

http://www.alhasahisa.com/viewtopic.forum?t=3564