الحصاحيصا خبر عاجل ...Breaking Newes(توجد صور)

اكتشاف اكبر حقل بترول بمحلية الحصاحيصا!!
كبري رفاعة الحصاحيصا سيصبح كبري البشير!!
افتتاح الكبري في منتصف ابريل!!
في احتفال اليوم الاثنين بمناسبة تكريم ادارة تحصين المحلية لااحرازهم المرتبة الاولي علي نطاق السودان وبدء الحملة القومية لاستئصال شلل الاطفال تحدث السيد والي الجزيرة عبدالرحمن سرالختم مخاطبا الحفل وصرح سيادته بان موعد افتتاح كبري الحصاحيصا رفاعة او رفاعة الحصاحيصا والذي اقترح ان يسمي كبري البشير سوف يفتتح في منتصف ابريل القادم وكشف سيادته عن اكتمال التجهيزات في منطقة الكبري لتشييد اكبر محطة مياه لمدينتي الحصاحيصا ورفاعة من النيل الازرق.وفي اثناء حديثة كشف عن سر لاول مرة عن اكتشاف حقل كبير للبترول في محلية الحصاحيصا سوف يتم الاعلان عنه عند زيارة السيد رئيس الجمهورية بمناسبة افتتاح الكبري

قلت حقل بترول يعني حيكون في تمرد والناس تخش الغابةاحسن لينا من غيرو

و أنا اقول ليك يا شيخ حسن وين الفيزا بتاعت ولدنا!

ونحن نجى راجعين تانى ... بس بتدونا فرصه معاكم

ياعم حسن انا معاكم صح ...

تخريمه (عقالك علي وديسار كمان )

.. بس عليكم الله خلو لينا الدوام واحد .. ضهرنا انقصا

الحقل دى فى منطقة المحيريبا
معسكرات العاملين فى مجال التنقيب تقابلك فى الطريق اذا كنت داخل وانت خارج من المحيريبااذا كنت قادم او ذاهب الى ابوعشر

صلى على النبى يا حسن يا اخى
وزيدوا صلاة ....قلت لى الوالى قال ؟
ياسيدى ..حقل البترول دا بكون انشفط ليهو زمن
وعلى الحرام الحرق رق ذاتو بكون اتلحس
وحكاية الافتتاح دى "تصبيرة" مكنة ساكت
الفاتحة ..
عودوا الى عراريقكم وطواقيكم وسنفجاتكم ..يرحمكم الله