فضيحة التامين الصحي بالحصاحيصا

[ندعوك للتسجيل في المنتدى أو التعريف بنفسك لمعاينة هذه الصورة]
hgw,v ,p]ih j;td l]d hgtsh] hg`d ,wgj hgdi hglrh,bj hgp]dem t5d hgs,]hk
مبني التأمين الصحي بالحصحيصا والذي سوف يفتتحه السيد رئيس الجمهورية مع الكبري بدات عليه آثار التصدع رغم المحاولات لصيانته كما قامت كاميرا دوت كوم وقبضت دفن الليل ابو كراعا برا

شئ مؤسف حقيقة ....لا تعليق

شقيق الحيط ساهل ...الله يستر على الكبرى من الشقيق!!!
انت ما سمعت بى..تلغفون...على وزن تهتدون..
وخلى الكاميرا مسلطه على مثل هذه الاعمال...
بكرى

وراق ... صباح الخير
الشقوق كبيرة ماقدرت عليها الكاميرا , اعمل ليها زوووم ياخى , لزوم نشوف الصوره

اقول ليك ياحسن ... هم لو عندهم شجاعة يخلو كده متصدع لحدى مايجى يفتتحو وبعدين يجى يفتتحو يلقاهو متصدع ... نشوف بعد داك .فهمو شنو , وهم فهمن شنو

.. اخوى مبارك ماكلهم فهمون واااااحد ... ليس ليس يطلع كويس

مدة التنفيز 60 يومآ

شئ مؤسف واتوني انو مايتسكت عليه

راشد محمد الجاك كتب:

.. اخوى مبارك ماكلهم فهمون واااااحد ... ليس ليس يطلع كويس

..............
اخوى راشد تصور ... ليس ليس دى يادوب فهمتها ... بس بينى بينك نحنا نليس وين ولا وين هههههههههه .. وان شاء الله يطلع كويس

ده مشلخنو مطارق مخصوص يعنى ما........

ماتت أو قتلت ثورة الشباب بفعل فاعل فلا عاد شباب ولا عادت ثورة وكفى.

الاخ ابو على
واللة دى من مهازل اخر الزمان
قبل ما يفتحوة طيب دا بعد سنتين او ثلالة يعمل شنو
يقع على رؤس الناس وتتقيد القضية او الفضيحة ضد مجهوووووووووووووووووووول

سمعنا انو الناس بتسرق نص وتسوى بالنص التانى لكن ناسنا بسرقوه كلو ماضرورى يسو شى

ابو على السلام
الله يخليك للمدينه ويحفظك من الناس التماسيح البرمائه .لانك بصور مناطق ممنوع الاقتراب والتصووووووير
مناطق تماسيح كبار الله يستر عليناوعليك ومذيد من الصور والجيات كتاروكبار ذى الجماعه ...ابوعبيده

الظاهر الشاب في المهجر مفتونين بيك وبيصدقو القيل والقال هو في زول في الحصاحيصا دي ما عندو شق في بيتم.
نرجو من الاخ حسن وراق ان يصلط عدسته على اولا على الايجابيات وكيف كان هذا المبني اصلا قبل التامين الصحي وفائدته وبعد استلام التامين الصحي له وتأهيله بالصورة التي نشرت بها الصور قبل انتهاء العمل بمراحل ولماذا لم ينشر المبنى بعد انتهاء العمل به وافتتاحه والفائدة التي قدمها لمواطن الحصاحيصا في اعز ما يملك .
وهل تعلمون ان هذا الجهد لم يأتي من فراغ (بناء المركز الصحي من الصفر) بالاضافة إلي تنازل سكك حديد السودان عن حرمها غرب المركز لعدد عشر امتار .
وهل تعلمون بأن التأمين الصحي هو ما خرج به المواطن السوداني في ظل الغلا والظروف التي لا تخفى على الاخوة المغتربين .
وهل تعلمون أن هذا المركز الذي تم بناءوه هو اكبر مركز للتأمين الصحي في السودان مقارنة بكل مراكز التأمين الصحي في السودان.
من لا يشكر الناس لا يشكر الله بغض النظر عن العندو علاقة بي الله والما عندو
ولكن نحن كشباب من الحصاحيصا ونتشرف بالانتماء إليها يجب أن نتقدم ما ينفع البلد ونقف مع من يقدم (ابرة)لمصلحة الحصاحيصا
وانا اومن بأن من يقدم أو يفعل أو يعطي فكرة لمصحلة المدينة إضافة وليس انتقاص
اخيراً المركز موجود ويعمل على خدمة مشتركي التأمين الصحي (الاكثرية منهم فقراء ومساكين)بالإضافة لمواطن المدينة ارجو ان تنشر صور له بعد افتتاحه وهو يقدم الخدمة للجيبم مقدود.
للجميع : ارجعوا خمسة سنة لي وراء وتحسس هل تم بناء صرح خدمي بالمدينة شكل اضافة للمدينة بخلاف ما تم بالمستشفى

بتتوقع شنو يا ابو على .. يفتتحوا مركز صحى بمواصفات طيبة عالمية .. ياخى بالغت ويخلوا الخرمجة لمنو ؟؟؟؟؟؟؟؟؟

ياااااااااااااااااااااااااااااااااااااااااااااااااااااالها من فضيحة زى ما بقلو اهنا ده اسمو علوق الشده 000000000000 نعيب زماننا والعيب فينا وما لزماننا عيب سوانا

والله كلام يابلد
فعلا نعيب زماننا والعيب فينا ومالزماننا عيب سوانا
نحن مفترض نقيف علي مصالح ارضنا ذي مااسي وراق بعمل مع المعتمد
نحن المفترض نكون لجنه من دوت كوم

شكرآ اختى ايمان على الرد وبصراحة الوقع المعاش بيفرض على الانسان حاجات اكتر من كده من اجل اعادة الامور الى نصابها الطبيعى والذى يفطرد علينا على الاقل بعض الجرأه والمندأ با التغير والاصلاح -------------------- والله وللا التوفيق

ههههههه دى بتحصل كتير يقولو مشروع ب 50 مليون ويتعمل ب 30 مليون يقولو كبرى اتجاهين ويتعمل اتجاه واحد ... على العموم الحمد لله الذى قال اطيعوا اولياء الامر منكم