طرائف الجمعة

طرائف الجمعة
أولاد حاج الماحي إثناء طوافهم على المدن لإحياء ليالي المديح نزلوا بديار أهلنا الربا طاب وبعد انتهاء الليلة اصطحبهم احد أعيان البلد لقضاء الليل معه واحضر لهم العشاء مكون من كسرة دقيق فتريته مع اللبن وسأله احد أولاد حاج الماحي اللبن دا ما عندكم له فطيرة قمح كان يكون أحسن فرد عليه صاحب المنزل والله كان عندنا قمح لكن خلص فقال ود حاج الماحي والله نحن عندنا القمح يلاقى البطلع السنة الجديدة فرد عليه صاحب البيت لكن انتو يا شيخنا قاعد ليهو السنة كلها متجولين هنا وهناك


شايقى تزوج رباطابية وإثناء جلوسه مع العروس ما وجد اى موضوع بتونس به معها وهى أخر دبرسة منه وفجأة ظهر ضب يمشى على الحيطة فسألها الضب دا حقكم فردت الرباطابية بسرعة لا ولكن جاء مع السيرة بتاعتكم

والله لي زمن ما ضحكته قدر ده بالذات لأني شايقيه

تسلمي يا ام وائل والله فاقدين الضحكه مع ضغوط الحياه لكن الشايقي غلطان لمن يهاظر يهاظر مع رباطبيه

هاك دى يا ام وائل واحده شايقية متزوجها رباطابى بتسولب معاه قالت ليه لو متا بحصل ليك شنو؟ قال ليها حا اجن قالت ليه يعنى مابتعرس رد عليها المجنون بحاسبو على افعالو

هههههههههههههههههههههههههههههههههها تسلمي اختي