الشباب بين الواسطة والباسطة !

الشباب بين الواسطة والباسطة !
قديما غنت مغنية:نحنا منتظرين يا شباب اليوممن سنة سبعين يا شباب اليوموربما كانت تعبّر عن التعاطف مع حالة (شباب سنة سبعين)، والذي كان (في رجاء التعيين) يعاني من العطالة وقلة فرص التوظيف، ويعيش حالة الانتظار لجنين في رحم غيب لجان اختيار الخدمة المدنية، عشما في أن (تنحل) عطالتهم (بسلامة) وظيفة تكافىء تعب سنين التحصيل الدراسي، وتعد بغد مشرق تتحقق فيه الأمنيات ثلاثية (العينات) .. (عروسة) و(عربية) و(عشة صغيرة) ان شاء الله بيت ايجار.المفارقة الغريبة أنه منذ (سنة سبعين)، ما زال (الحال ياهو نفس الحال) وما زال (شباب سنة الفين وعشرة) مصلوبين على رصيف انتظار (بكرة أحلى)، عسى أن يأتيهم بوظيفة يأخذونها عنوة بـ (ضراع) الكفاءة والاستحقاق، دون حوجة لـ باسطة الواسطة وبروتوكولات (ماشي-أكوس–المدير) وبنود اتفاقية (عيّن لي وأنا أعيّن ليك)، والتي ابتكرها (المدراء) اختشاءا من عين الرقيب وحتى لا يتهموا بالمحسوبية وموالاة ذوي القربى بتعينهم في نفس مؤسساتهم، فعالجوها باتفاقيات تبادل المنافع بين المديرين، المشروطة بـ أعين ليك قريبك عندي مقابل أن تعين لي قريبي عندك .. ويا مؤسسة ما دخلك شر الغريب ! في السبعينات، كانت لافتة (مكوجي السعادة - بكالريوس ذراعة) المعلقة فوق رأس خريج كلية الذراعة، تعبيرا عن تفضيل ذلك الخريج لأن (يغسل) أحزانه و(يكوي) جراح العطالة، عندما اجبرته الظروف وقتها للاختيار بين ناريين .. نار العطالة أو نار المهن الهامشية، في بلد كان العشم فيه – زمآآن - أن يكون سلعة غذاء العالم، ولكن سرعان ما امتدت نار العطالة - وقتها - لتشمل كافة الخريجيين بمختلف تخصصاتهم، فلم يجدوا منها مهربا سوى بالتداعي لـ (يللا وتعال يللا نهاجر في بلاد الله) ..أما حال شباب اليوم وبعد انطفاء بريق الأغتراب وانكماش فوائد السفر السبع المرجوة منه، حتى كادت أن تنحصر في ضمان العيش الكريم وتعليم الابناء مع توفير كسوة الشتاء والصيف للأهل في السودان، فقد صار البديل لديهم هو السعي للاغتراب الداخلي عن طريق العمل في المنظمات الطوعية العالمية والأممية ولو ضمن طاقم (السكيورتي) أو في شركات البترول، وان عزّ وصال الاثنتين ففي تجارة البالة (دبي الخرطوم)، التي حلت محل تجارة الشنطة بين مصر والسودان بعد حذفها خير معين، وأن عزّت هي الأخرى ففي سواقة الامجادات والرواقش خير سلوى للوجدان .. أبلغتني احدى حاملات الشهادات العليا من معارفنا خبر خطبتها لـ سائق أمجاد، وعندما أشفقت علي من ملامح الحيرة التي كست وجهي، أضافت بأن الخطيب يحمل ماجستير في ادارة الاعمال ويعمل على أمجاد الاسرة التي اشتراها شقيقة المغترب لمصاريف البيت، حتى يحل أوان الفرج بوظيفة لا يحتاج فيها لواسطة وضهر ..معاناة الشباب من قلة فرص التوظيف، وان وجدت فهي من نصيب أولي قربى العاملين عليها، سبب كافي لاحباطهم وعزوفهم عن دخول المعاينات لوظائف معلوم سلفا صاحب النصيب فيها قبل أن يعلن عنها في الصحف .. غايتو، البركة في الركشات وكتر خير الامجادات فلولاها لهُدمت (بيوت وقطاطي ورواكيب) ولـ مات كل الخرييجين جوعا، وعلى السنتهم رجاء (سيف الجامعة) للجان الاختيار: يا النسوني .. ويا النسوني كفا أعرفوني
منى سلمان جريدة حكايات

تحياتي استاذ الرشيد الزمن دا الحياة لا تنفع بدون فيتامين (و) في اي قطر من اقطار العالم

(و)الواسطة

رؤى شعيب جبريل كتب:

تحياتي استاذ الرشيد الزمن دا الحياة لا تنفع بدون فيتامين (و) في اي قطر من اقطار العالم

(و)الواسطة

(و ) براها مابتنفع ...
دايرا ليها
( م )
وزمان كان بسموها
( ك )
عرفتوهم ؟؟؟؟؟

لالالالالالالالالا
الميم والكاف ديل جداد علي
ورينا ليهم

رؤى شعيب جبريل كتب:

لالالالالالالالالا
الميم والكاف ديل جداد علي
ورينا ليهم

حااااضر
( م ) مؤتمر وطنى
( ك ) كووووووووووووووووز

هههههههههههههههههههههههههههههها
دي هنا يا استاذ راشد
لكن الفيتامين دا عالمي لابد منه

حافظ أحمد كتب:

و هاك دي يا ود الجاك

هنا عندنا الواو فوق القاف

والقاف دي طبعا المقصود بيها القانون

لالالا للدرجة دي

.... واكتر بى كتيييييييييييييييييير .....

اللهم صبرنا جميعااااااااااا
وصبر كل زول واسطته رب العالميييييييييييييييييييين

الاخ راشد البنت دى خليها ترجع بالسلامة
وبعدين فههمها المصطلحات دى
ما يقوموا يطيروها لينا حتة ما نعرف ليها طريق

رؤى شعيب جبريل كتب:

اللهم صبرنا جميعااااااااااا
وصبر كل زول واسطته رب العالميييييييييييييييييييين

اميييييييييييييييييييييييييييييييييييييييين ياااااااااااااااااااااااارب

عفراء مصطفى كتب:

الاخ راشد البنت دى خليها ترجع بالسلامة
وبعدين فههمها المصطلحات دى
ما يقوموا يطيروها لينا حتة ما نعرف ليها طريق

مش ياعفراء كلميو انا صغيرة اروح في داهية وانا وحيدة امي وابوي

ايمان بندي كتب:

رؤى شعيب جبريل كتب:

اللهم صبرنا جميعااااااااااا
وصبر كل زول واسطته رب العالميييييييييييييييييييين

اميييييييييييييييييييييييييييييييييييييييين ياااااااااااااااااااااااارب

امين يا ايمان وشكرا" على المرور

راشد محمد الجاك كتب:

رؤى شعيب جبريل كتب:

لالالالالالالالالا
الميم والكاف ديل جداد علي
ورينا ليهم

حااااضر
( م ) مؤتمر وطنى
( ك ) كووووووووووووووووز

دي الحقيقة ولا شنو السودان كلو عارف المصطلح دا ياروي

محمد علي جبريل كتب:

راشد محمد الجاك كتب:

رؤى شعيب جبريل كتب:

لالالالالالالالالا
الميم والكاف ديل جداد علي
ورينا ليهم

حااااضر
( م ) مؤتمر وطنى
( ك ) كووووووووووووووووز

دي الحقيقة ولا شنو السودان كلو عارف المصطلح دا ياروي

والله بنتعلم في المصطلحات يا محمد

لالالالالالالالالا
الميم والكاف ديل جداد علي
ورينا ليهم :

حااااضر
( م ) مؤتمر وطنى
( ك ) كووووووووووووووووز

دي الحقيقة ولا شنو السودان كلو عارف المصطلح دا ياروي
والله بنتعلم في المصطلحات يا محمد

انتي ياستي مامريتي بالموضوع ده ولاشنو