بكرى سلام

عزيزى بكرى -- تحية طيبة
كنت قد سجلت باسم مبارك محمد عثمان وحاولت الدخول بهذا الاسم كثيرا ولم اتمكن , فسجلت مرة اخرى باسم مبارك قدوره , رغبة منى فى التواصل , المشكلة هو ان لى عدد مقدر من الساهمات باسم مبارك محمد عثمان , فهلا وجدتم حل لى لاتمكن من الدخول باسم مبارك محمد عثمان , ولك ودى

يا مبارك، نيابة عن بكري اقول لك... خد دي واحدة واحدة. لما دخلت باسمك الكامل سجلت الإيميل و الباسوورد. الآن إذا كنت لا تتذكر معلومات الدخول الاول، أفعل الآتي - علي بيان الدخول انقر علي نسيت كلمة المرور و اكتب اسم الدخول الاول الكامل. ستصلك رسالة في بريدك الذي استخدمته للدخول اول مرة. راجع الإيميل داك و انقر علي رابط التوكيد بعدين لما تصل هنا قم بإدخال اسمك الكامل داك مع كلمة المرور الجديدة التي ستكون في ذلك الإيميل. اعمل ليها كوبي و بيست في المكان المخصص لها و بذلك ستستعيد حسابك الاول باسمك الكامل و كل بوستاتك.

التنجليزي دا مالو غريب كدا لما يتكتب بالعربي؟! يللا، نحن طالعين دلوقت علي عاصمة الدانمارك القديمة في الوييك إند. لا لا لا ما تفكر في ديسكوهات و كدا. بس في نبق كتير جدا، بس دا عاوز أنور.

اتخيل يا مبارك دى كانت فايتة على..
من هسع انا ح احسب باسم مبارك محمد عثمان ومبارك قدوره واعيد الاحصائيات من اول وجديد..
ناس عمار بعد دة ما عندهم طريقة يحصلونا...
خش يمين وشمال..ولا يهمك..
بكرى

أنت يا زول نسيت أخوك "techie" و طبعاً كنت بحاول اعلمك كيف تستعيد حساب منسي. و الله الكلمة التنجليزية دي بتشبه تكي و ذكرتني واحد من ناس سيد فضل الله. و الا ما كان لقبو كدا؟

رجعنا تاني لكلام عبد اللطيف الدامر يا مبارك. موش قاليك انا شايف العرس متحمدك متحمدك؟

جدي الله يرحمه و يحسن إليه و يسكنه فسيح جناته. كنت أحبه جداً و كان يحبني جداً و كان يدعوني دائما الي مائدة إفطاره مع حبوبتنا حليمة ربنا يرحمها و يسكنها فسيح جناته. كان له قلب شاب طيلة عمره.

يا خالد الراجل اسمو ( تقى) وكان عندو دكان جنب ناس بكرى النوش وهو فعلا قريب ناس عم سيد فضل الله , هنا فى راشد الجاك ابوشمه من يورينا شوية لانو قريبم برضو ... بمناسبة كلام عبد اللطيف ... هو العرس ده فى زول بياباهو مثنى وثلاث ورباع .... اخوك فى الموضوع ده انصار سنه ... والمؤمن حلوى ههههههه

لا يا مبارك كان في شاب طيّب شغال في دكان سيد فضل الله كان لقبه تكي و الا ما كدا يا راشد؟

ايوه صاح اتذكرت .... وبالمناسبه فضل الله سيد فضل الله عضو معانا فى هذا المنتدى
( بس عضو كسلان) وهو صديقنا ياخالد .... ياريت يورينا اخبار تكى

صاح، لكن عليك الله بتتذكر لما فضل الله كان طفل صغير؟ ما بيشبه نفسو اسع. الله يديهو العافية.

سلام ... الظاهر راشد الجاك فى بياتشتوى ... عموما هو إسمه ( تِكى ) وهو توفى الآن ( رحمه الله ) لكن والله إنتو ما صغار

الله يرحمه و يغفر له و يسكنه فسيح جناته... آمين.

يا رحمه ما تقرقي، مين قال ليك. و الله لو شفتيني تقعي من طولك نحن الوقت داك كنا حتي الروضة ما دخلناها.

رحمهG.T كتب:

سلام ... الظاهر راشد الجاك فى بياتشتوى ... عموما هو إسمه ( تِكى ) وهو توفى الآن ( رحمه الله ) لكن والله إنتو ما صغار

..........
رحمة الله عليه ...... يارحمه دى جيره وعشرة طويله وهى ما بتفرق بين صغار وكبار