حوار بين الأمين ووالده

القصة دي يا جماعة انا اصلا ما عارفة الكتبها منو
المهم انو انا يوم الجمعة كنت قاعدة مع ناس البيت وبنتناقش في موضوع القراية والتعليم قامت أمي الله يديها الصحة والعافية قالت الكلام ده ..طوالي جبت ورقة وقلم وقلت ليها يا أمي قولي لي الكلام ده تاني وقعدت جمبها لما خلصت وقريته ليها تاني سألتها انتي يا أمي الكلام ده جبتيه من وين قالت لي يا هنوية يا بتي الكلام ده انا حافظاها من صغري ...
القصة هي أصلا حوار بين والد وولده عايز يتعلم وأبوه رافض التعليم

الأمين (الولد )

بقيت بين البينين يا ربي كيف الحيلة
منو العاش بالجهل قدر الحمالة يشيلا
كان فارقت أبوي ما بتكون لي فضيلة
بسمع رأي أبوي وبتلقي الدروس كل ليلة

الوالد
ابوك ما شاف العلم من ما قام ومكجن الدروس وتبري الأقلام
ما تقع العلم السيدو قلبه نعام وما تدخل البلد حافل وحيلته كلام
شوف الولد وشوف كيف نضمة وفي فن العلم كيفن بعوج خشمة
مالـــــــــــــــك يا الأميـــــــــــــن داير بنــــــــــانا تهدمـــــــــه

الأمين
بناك ان بي ببقي طويل وما تخلينا بين الناس نروح بالميل

الوالد
مادام طلبت رضاي ما ببخل عليك بالعلم يا عشاي
يبقي تبـــــــــــــــــــــــقي شمسا في السماء ضواي
ركازة الضعيف شانت معاشــــــــــــــــا جنــــــاي

يا ولدي ليك الشكر وبعد الشكر الاف
وعودتك للبلد ثواب واوصــــــــــاف
استودعتك المولي وعليك ما بخااااااف

تسلم اخ خضر الجندي علي المرور

اسعدني مرورك

لك التحية

خضر الجندى كتب:

وهل يستوى الذين يعلمون والذين لا يعلمون

اؤكد على راي استاذ خضر وتسلمى على الاختيار الجميل

حوار جميل بين الأبن ووالده... أختيار موفق .