سيد البلد الكرار هيثم الاسد

هيثم مصطفي كرار

ليس وحدك ولكنك تقود أقمار تدور في فلك الهلال الجميل
لست وحدك يا قبطان سفينة فيها من كل جمال الهلال زوجان .. قمري وقمرية .. علي وعلوية .. بعض عربية وبعض زنجية .. الله يا خلاسية هلالية
فأنت سيدها وسيد جديدها وسيد رهيدا وسيد قصيدة وسيد فنونا وسيد جنونا وسيد بليدا

تجمع حولك بعض فاقدي الحنان الكروي وشتموك وناسنا الحنان بالجمال العادي راحوا يشبهوك وما أنصفوك .. فيك عظمة الهلال وطبع الملوك
فأنت هيثم الهلال ومصطفاه وكراره البتار .. وسيم المحيا .. حبيب الغواني .. وأنشودة الصغار .. ومانشيت يزيد توزيع صحف النهار
إنك أمرؤ فيك من منزول وسامته وأمارته .. فيك من جكسا كرمه الكروي الذي لا يبخل به علي أحد فكم مرر جكسا للمهاجم وهو والقون وكم مرر هيثم مصطفي كرار للمهاجم هاك جيب قون وفيك من الدحيش بعض غروره وعزة نفسه وباصاته ذات الوصفة السحرية
الهلال نبيل لا يضم إلا النبلاء.. وفي حضرة من أهوي عصفت بي الأشواق .. حولك عقد مطرز بالبدور وأنت واسطته قمر 14 .. وقم يا طرير الشباب من هدأة المرقد .. حدث الأعراب عن روعة المشهد والأعراب ديل يا هيثم مصطفي كرار هم الأجلاف الذين رجموك بساقط القول فتساقط منك ثمر الإبداع حلواً نديا. ورطباً جنيا تذوقناه مع قهوة الصباح
نزار قباني قال أجمل الألوان اللون الأزرق فهو لون الإلهام والهدوء والسحر والمتعة .. وأنت يا سمو الأمير في أمارة الهلال الفيحاء حق لك أن تسمو .. ويا سعادة السفير للنوايا الحسنة ببياض لون الهلال وأنت يا الأبيض ضميرك صافي زي قلب الرضيع.
سفر إنجازاتك يزداد كل يوم سطور .. وما أعظم أن تسطر مجد الهلال وأنت مع ربعك تصعدون به لعتبة في سلم البطولة المتدللة المتمنعة علي الهلال وقد حان أوان قطافها رغماً عن ورغماً ورغماً عن ...
هيثم مصطفي كرار يا جميلاً في كل لحظة .. ولو لحظة من وسني تحمل عني حزني تحملني إلي عيون وطني يا وطني .. ويا الفي الجنوب حي الشمال ... ويا الفي الغروب هاك لحني قال قال قال .. ويا الفي شروق ليك شوقنا طال طال طال .. ويا الفي القلوب عاش الهلال هلال هلال. هلال

استغفر الله العظيم بعد شويه حاتقول *** صلي الله عليه وسلم ***

امجدالشيخ كتب:: استغفر الله العظيم بعد شويه حاتقول *** صلي الله عليه وسلم ***

ياخى انت الجابك بجاى شنو ... الواحد كان مستمتع بحلو الكلام .. يعنى ماتشوفو ليكم موية زرقاء صافية الا تعكروها ؟؟؟

بحب الهلالاب !!!!!!

[quote="امجدالشيخ"]استغفر الله العظيم بعد شويه حاتقول *** صلي الله عليه وسلم ***[/quote]

تحياتي امجد
تعرف اخي ان هيثم الكرار شبية بؤلئك الذين سبقونا الي الاشياء السمحة
وهو من جيل العمالقة الذين يؤلدون كل قرن من الزمان
فهذا اللاعب يستحق ان تنصب له الخيام ليتبرك فيه اهل الكرة والسوادن لان البركة التي فيه
لا تحدها حدود
ويا شيخي هيثم تلحقني وتفزعني
ههههههههههههههههههههههههههه
وتسلم يا بتاع جردل الزنك

[quote="راشد محمد الجاك"
ياخى انت الجابك بجاى شنو ... الواحد كان مستمتع بحلو الكلام .. يعنى ماتشوفو ليكم موية زرقاء صافية الا تعكروها ؟؟؟[/quote]

الاخ راشد
اها شوف زي دة بس يقولو ليهو شنو
تعرف ناس الهلال قالو لمن يعتزل البرنس الكورة بيعملو ليهو قبة زي حقت المهدي
عشان المريخاب يقلدونا ويعملو للعجب برضو
بس البرنس عندو حوار والعجب عندو .............
وتحياتي

هيثم رضي الله عنه وأرضاه بالجنة .. رضي أمجد أو أبى فهو الهيثم الذي لا يشق له غبار وأسأل مازدا المريخابي يا ود الشيخ.

الهلال منذ القدم وفي كل مرة يفرز لنا عمالقة من الاعبين لعباً وأخلاقاً وانا اتفق معكم علي أن هيثم لاعب كويس ولكن ليس فلته مقارنة بقاقرين ووالي الدين وغيرهم Sad

.......

عادي اعملو قبه أو ضريح ولكنه لايستحقه فهو عادي ولكن لعدم وجود لعيبه كويسه خلاهو بقي هو احسن الكعبين Laughing

مازدا شنو البسأله هو عارف اللاعيبه لما أساله ؟ ما الأدارة أو الاتحاد العام هو البيختو ليهو التشكيله وهو بيكون ديكور مدرب وبس ... حتى التغيير بيجيهو في ورقة صغيرة من المقصورة سوي للمريخ أو المنتخب ........

» إختزال البلد .. وإعتزال كابتن سيد البلد .. والطماطم في كبد .. والمطر لبد "ياجماعة البلد دي هول منو ؟؟"
» هيثم جاااااااااااااكم دي المناظر !!!!!!!!
» نعم خسر سيد البلد ومازال سيد البلد
» بشار الاسد والغرب والمحكمة الدولية
» هيثم سيدك يا برير..