دخول لتحية كل من حيانى

هويدا مالك كتب:

سلامات ود وراق بركة الظهرت الاربعين دى هبشتك حقك علينا بس عشان انا الاكبر بطلب وجبة من كافتريا شيكان . لكن ناس الهند ديل سعرانين لحمة الله استر ود خالتى ما ياكل ود السر بس انت برضوا كنت مختفى ما تكون الرطوبة تعباك دكتورة روئ ماتسمعنى حا تقول مافى حاجة اسم رطوبة او بت عدوى قالت خليهم الخرف دخل .بعدين انا ما عندى خشم للاسكريم بعمل لى التهاب

محمد كمال سجل اعتراااااااااااااااااااااااااااااف بالكبر دا ما بحصل كتير

صداح فاروق وراق كتب:

ويابت مالك :

حرم لو عايزة بكرة دي من شيكان ما نأخر ليك طلب .

كدي خلونا من بكره نحن في هسي نتعشي شنو وبكره العزومه عن هويدا زي عزومة ناس حسن وراق والعشي وبت عمسيب انا من شفت الصور ديك لهسي جعان

صداح .. دليفري شنو و ايسكريم شنو ؟؟ عاوزين حاجات سودانية و لا شنو يا ود كمال

يابت مالك والله لو عايزة من شيكان أنا ممكن أتصل عليهم بكرة الصباح وأخليهم يوصلو الطلب لبيتك .

تحياتنا ود الحسين البركة البقيت كويس يا اخوى دا ما باليد انا زاتى رحلت اصلوا بت عدوى جابت 999 والله استر لكن نمت او صحيت لقيت نفسى هنا كل مسكن يا اخوى بس بركة الظهرت صداح قال الاربعين ما هبشتوا خليت ليك فى دى

رؤى الليلة اقعدى انتى و ايناس رايقيين .. كفاية امس العملتوها ..

يا بت مالك صداح الاربعين هبشتوا و لطشتوا .. بس هو ليو 15 سنة عمرو واقف في 35 سنة .. !!

العزومة و السهرة متين ؟ الليلة و لا بكرة؟

اخير الاعترفت براك شطتي ما نافعة اصلا انتو ما لقيتوشي تاكلوها بيهو بس غلبكم تقولو دايرنها لي

يا عثمان لو عايز حاجة سودانية في العشاء نشغل ليك عائشة الفلاتية سي دي

رؤى شعيب جبريل كتب:

اخير الاعترفت براك شطتي ما نافعة اصلا انتو ما لقيتوشي تاكلوها بيهو بس غلبكم تقولو دايرنها لي

...........

هويدا .. بكرة بنلقاك في توثيق رموز الحصاحيصا ..

عثمان الحسين كتب:

هويدا .. بكرة بنلقاك في توثيق رموز الحصاحيصا ..

صداح .. لمن نجيك في دبي اطلب لينا دليفري .. و يا ايناس باسكن روبنز دا الليلة دندرمة بس ..

والله يا ود الحسين البنيات ديل خليهن شوية براهن بنومن او حلاتن ماليات الصالون فرح او مرح اوجوز الهند داك خليه الجوع كاتل ليك على يا ود السر عزومة كاربة بس كيفن تجى او ياود وراق والله ناس واجب ما بتقصر بس ربنا اجيبكم بالسلامة او بنرد بعدين يا محمد كمال اخلس الحساب من بت عمسيب او وليد انتوا بت عمسيب وين ما شايفاها ولا البيان بالعمل

يلا انا بمشي .. و يا بت مالك مبروك البيت الجديد .. بس اعملي نسخة من المفتاح لكل واحد مرات بنجي بنلقى الصالون مقفول .. و تصبحوا على خير

يا ود وراق او ود الحسين دحين ود سركيس وين او بينى او بينك التوثيق وجب ولا نبقى زى الجماعة واياهم

وانتم بالف خير ملحوظة توجد نسخة مفتاح لكل منكم بطرف سريره

هويدا مالك كتب:

وانتم بالف خير ملحوظة توجد نسخة مفتاح لكل منكم بطرف سريره

عمو عثمان تصبح على خير
بت الخالة تصبحي على خير
ايناس يحيا الشباب

هويدا ... طالبنك عزومة
رؤى ... الفي شطتك اتعرفت
ايناس ... القلق و السهر حق الكبار
ود كمال ... نحن الصغار نمشي ننوم
صداح ... انتظرنا البيتزا و لم تحضر شكلها بيتزا مراكبية !!