دخول لتحية كل من حيانى

دا شنو يا الطيب .. دا صالون هويدا و لا صالون المريخ .. نحن نعترض على الديكور .. و يا بت عدوي الكلام دا شكلو وراه انتى .. من زمان تقولي نغير الديكور !!

مراحب باللون الأحمر لون الصالون ، وكذا لون .

مساء الخير على الكل واسفة لتاخير الترحيب مشوار لوداع روئ

مساءكم زين يا يا ناس الصالون وربنا يكتب سلامة رؤى يا هويدا

سلام ناس الصالون مساء الخير

يا هويدا مالك :

مساء الخير ، صراحة صالونك أنيق ، وفيهو sense عالي ، هارموني بتاع الوان ، الصلاة علي النبي

تحياتى ود وراق , ود الحسين, ود سركيس مشتاقين البركة فى اللمة .والصالون صالونكم اى شئ فيه من زوقكم بس ود الحسين زعلان يا ود وراق الظاهر عند دساتير مع اللون الاحمر

صداح ... الديكور دا لحدى امس ما كان كدة .. دا أمر تم تدبيره بليل !!

يا هويدا عثمان الحسين وين يهرب من اللون الأحمر وين :
الشاي أحمر
الدم أحمر
والبحر الأحمر
والعيون الحمراء
و الصالون أحمر

مرحب هويدا .. بالغتي لكن حتى السيرمس أحمر ؟

ود الحسين اللون الاحمر شايفاك عامل شعار مالك زعلان الديكور دا يا سيدى من اختيار جعفر قوليب او الطيب تلودى قالوا هدية ليكم.

اقتباس :

من طرف عثمان الحسين في الثلاثاء فبراير 23, 2010 9:43 pm

صداح ... الديكور دا لحدى امس ما كان كدة .. دا أمر تم تدبيره بليل !!

ده يا عثمان ذوق بتاع صباح باهي ومنور ، أنت ما سمعت مصطفي بيقول يالصباح الباهي لونك .

صداح ... وين سركيس ... و لا مع مراسيل الليل

اللون الاحمر لون كل الشياء التى ذكرتها بس ود الحسين بعد شوية حا اقول الحمره الباها المهدى

سركيس ده أمس رسلوه البحر يجيب سمك فريش ، أول أمس رسلوه البحر يجيب ملح فريش ، الليلة يكونو رَسلوه يجيب سفينة ولا شنو ؟

مالوا سركيس مشارك ولا شنو بسم الله

اقتباس :

من طرف هويدا مالك في الثلاثاء فبراير 23, 2010 9:49 pm

اللون الاحمر لون كل الشياء التى ذكرتها بس ود الحسين بعد شوية حا اقول الحمره الباها المهدى

يا هويدا المهدي زاتو لو لقي الذوق بتاع الصالون ده حيبقي مريخابي .

ياجماعة وين بت عدوى ؟ قاطعة خبر زعلانة قالت ما عبرتوها .واخبار جوز الهند شنو ساكتين لا خاص ولا عام كدى نعمل عزومة هسى بظهروا

تعرف ... سركيس مرة مشى البحر .. دبلته وقعت في الموية ... قالوا ليو لازم تلقاها .. من يوما زولك ما مرق من الموية

ياجماعة وين بت عدوى ؟ قاطعة خبر زعلانة قالت ما عبرتوها .واخبار جوز الهند شنو ساكتين لا خاص ولا عام كدى نعمل عزومة هسى بظهروا

محمد كمال جا سلم و مشى ..

اقتباس :

من طرف عثمان الحسين في الثلاثاء فبراير 23, 2010 9:53 pm

تعرف ... سركيس مرة مشى البحر .. دبلته وقعت في الموية ... قالوا ليو لازم تلقاها .. من يوما زولك ما مرق من الموية

عارف يا عثمان قصتك دي عايزة نهاية سعيدة وهي ( طَفت الدبلة علي سطح الماء ولازال سركيس يبحث عنها في الأعماق وهو يترنم بأغنية عبدالحليم حافظ أني أغرق )