أي زول ما عندو علاقه بالسياسه يخش هنا

يا هبة بخيتين وسعيدين عليك
وان شاء الله يبقوك سكرتير عام الامم المتحدة
يعني انا من الصباح واقف في شمس الله الحارة دي
وزول ساي يقول الله يجيرك مافي؟؟
انا امبارح ما حرست ليك البوست للصباح
والناس كانت دايرة توديهو الكنار
اسي ايجو ناس ابورائد يشربوا في الكركدي
وانا التكتح ما تتقدم لي ؟؟
تاني اكان اخش ليك بوست ابقى زي اب مرزوق
ووداعا

رشا عبدالفتاح كتب:

سلامى للجميع والله يا جماعه انا حزينه جد الليله
واسونى وما تسالونى السبب شنو

وسلامنا ليك يارشا وانا وشخصيا عارفه انت مالك,,
وعموما البوست بعد اذن هبوي للمواساه ومالي الاسئله وما للسياسه
اتفضلي وان شاءالله بتفك.

يا هبة انشاء الله اديتيهو على راسو
اسالي رحاب امبارح كانت حاضرة لمن قال داير يودي البوست الكنار
بعدين ياهبة انت علاقتك شنو بي ناس الطيب ودالامين (( جد جد ))

يا بركة مسكوك بالنجيضة
يا هبة ما قريت كلامك
انا داير يقبضو ناس الشرطة ويفرجو فيهو امة لا اله الا الله
شحت ربي عليهو

خلاص يا خوانا قدرنا نقضي على المارقين ابقو داخلين وبعدا يارحاب ان شاء الله تكوني امنت بانو الزول قاشر بينا ساكت
والله قبضوه متلبس وكمان فيها حرامات
اها بعدا بوشك ما تقيف ميجر ابوعشر ما يعتر ليك

(( جد جد ))
ونا من امبارح اقول البوست دا فيه ريحة الرجابة
لكن لمن سالت تاكدت
اقول ليك نحن اهل تب
وتحياتي لكل اهلك خصوصا
ابن عمنا الفاضل الامين الطيب
وياسر
وسعاد ونور

يا صديق الرضي بتاوق مالك ماتجي داخل والله المنتدى بقى حقنا
والزارعنا غير الله يجي يقلعنا

سجمي خشمي بركه مقبوض ومتلبس
المحبوب الكنت راجيا من زماااااااااااااااان لقى بت اهلو
وين اقبل انا ...!!!

يا رحاب نحن مالنا مشينا وين
ودا كلام تقوليهو
نحن اهلك ونص وخمسة
بس بركة دا ما يجي حايم بي جاي

المحبوب أحمد الأمين كتب:

يا رحاب نحن مالنا مشينا وين
ودا كلام تقوليهو
نحن اهلك ونص وخمسة
بس بركة دا ما يجي حايم بي جاي

ابشر بالخير وياها المحريه فيك..
بس بركه بتاع مشوره كنار ... وجابت ليها في الاخر المانيا..
يكون في المانيا ياربي..

يابركة ياحبيب ان جبتهم الاتنين ( العرضى والعجب ) هسه ماعندك طريقة !!!
المحبوب دا تانى مابنقلع من هنا !!!
ارح انا غايتو بتبرع امشى معاك الكنار .... وكان عايز تغشى غشوة صغيرة مافى مانع .....
حدو ميجر ابوعشر !!!!!

ياهبة بعد اذنك انتى والحبوب طبعا ....
عايزين نخلى ضل الضحى يكون عامر ونناقش فيهو حاجات تهمنا كلنا طبعا مع الونسة والفرفشة ...
اخونا الطيب تلودى كتب كلام عن اليوم الصحى وعايز انزلو هنا عشان نكون معاهم فى الصورة ...
وكان انا غلطان قولوا لى عشان اشيل كلامى دا وامرق بيهوا ...

(((بعد الحلم الذي تحقق في اليوم الصحي الاول لمنتداكم العامر الحصاحيصا دوت كوم

تعلن اللجنه العليا لـ أحتفالات دوت كوم بالشمعه الاولي لكل الاعضاء والساده زوار المنتدي

عن انطلاقة اليوم الصحي الثاني يوم الجمعه 19/2/2010 في مركز صحي الضقاله (الجديد)

علي ان يشمل المركز الاحياء التاليه:الضقالة، المنصوره، أم دغينه ))))

سلام عليكم كح كح كح شنو يا اخوانا ما نقعد معاكم ولا شنو يا الناس البتدخن يل ما يطلعو بره وكت يدخنو عشان الناس التانيه تقعد بي سلام وبعدين وين الخدمات لا جبنه ولا شاي بعدين انا جيعان ما بشرب شاي على الريق ..
يا هوي من المسعول هنا ما تفطمونا طق طق طق صفقنا وكوركنا والله نفوت وبره نعمل ليكم سمعه كعبه عن خدماتكم وعدم ترحيبكم بضيوفكم ..

الجماعه تحت تحت...
داخل مسخن صح ، تلقي المره شاداو في البيت وجاي يفكها فينا اسكتو سااااكت خلو بس ..

كلام طيب ياراشد ويا الطيب تلودي بس لو الناس فكرت تعمل ندوات تثقيف صحي لبعض امراض العصر اللامه في الناس بي سبب وبدون سبب وتعريفم بيها وكيف تتم الوقاية منها مثل الايدز مثل الحرص من الحلاق وموس الحلاقه وسرطان الثدي وكيف امكانية اكتشافه مبكرا وامكانية العلاج منه وكده يعني ولا رايكم شنو ..
وين الفطور يا اهلنا الضهر قرب يأذن شنو حكايتكم..