للمناضلين في المنتدي خيرها في غيرها !!!

مبارك عثمان كتب:

ياعطف
امين حسن عمر كان معه فى جولة التسوق الشهيرة تلك ... احد الذين ( انبطحو) بابخس الاثمان , وظيفة ملحق ثقافي فى قنصليتنا بدبي ( جابت راسو)

يا مبارك .. للاسف انه الشاعرمحمد محمد خير،
لقد بهدلته الانقاذ باحالته للصالح العام من الاذاعة ،
فهاجر الي كندا وبعد عودته عمل بالصحافة ، وفي دوامة
الانقاذ الاستقطابية عينته ملحقاً ثقافياً عندكم ، فقلب
ظهر المجن لكل الشرفاء ، وصار بوقاً اشتر للانقاذ
ومغرداً خارج سراب الجمال والابداع ..
لكن فاتورة شرائه دي أسال منها الابن حافظ !!

المحبوب أحمد الأمين اليوم في 9:07 pm


حافظ كونك بتعتقد بأنني أبو القوانين ،،

فهذا إعتقاد في غير محله لسببين قد يوجد لـهما ثالث ،،

أولاً نحن هنا بناقش في عبارة أطلقتـها أخي حافظ ،،

بحق بعض الذين تناولوا موضوع تقطيع الأوصال،،

ثانياً دخلت لهذا الموقع بحكم إنتمائي للمنطقة مش بسبب مهنتي ،،

استاذ المحبوب نفسك ماله حاااار
ابو القوانين دي وردت هنا لالمامك التام بالقانون
وذلك حسب ردك لي فى العبارة التي اطلقتها انا
دخولك للموقع هو شرف لنا جميعا بان تكون انت احد ابناء هذة المنطقة
ولك العتبي حتي ترضي اذا فهمت ما غير اقصده

المحبوب أحمد الأمين كتب:

وارتن كانو جيهو تسوقن

حايمين في محل الشرابات والملابس ال....قطنية

يا المحبوب .. ديل بجيهوا الفاتورة !! لان ما في
مراجع عام لمراجعة نثريات وفود الانقاذيين !!

يا حافظ ..مساء الخير ،منتظر ردك علي المداخلة ادناه
لكي اواصل معك الحوار .

عاطف اسماعيل كتب:

حافظ أحمد كتب:

عاطف اسماعيل كتب:

يا حافظ .. الهدوم البشتروا فيها دي تبع فاتورة قطر
و لا تبع فاتورة الشعب السوداني !!!!

استاذي الجليل
انا اتحدث عن اناس تحسبهم جميعا و قلوبهم شتي
لذلك عيب علينا ان نكيل الاتهام في مقتل طالب لجهة معينة
لكي نصطاد في الماء العكر
و اللبيب بالاشارة يفهم

يا حافظ ...ان اللبيب من لا ينظر الي نصف الكوب الفاضي من
الراهن السياسي السوداني ،بل يدقق ويحلل التفاصيل السياسية
بذهن مفتوح وبعد نظر شامل واستقراء لتاتكيكات السياسية ومآلاتها
الآنية والمستقبلية ،لذلك عندما ادنت اغتيال -ليس مقتل- الشهيد محمد
موسي ، فليس غرضي الصيد او التكسب من وراء سواءات الانقاذ
الغاشمة ، بل ادانة لازهاق ارواح الابرياء ، وان لا كبير علي
القانون ، ويجب ان يمثُل اي احد امام القضاء علي ما ارتكبته يداه ،
وان لا يفر المجرمون بالحصانات التي وفرت لهم الانقاذ في قانون
الامن العام للهروب من العدالة ، والامثلة علي استعمال الحصانة
في مسيرة الانقاذ تذخر بها اضابير المحاكم الجنائية ، ومازال اولياء
دم من اغتالتهم الانقاذ ظلماً ، ينشدون عدالة الدنيا قبل عدالة الآخرة ،
لكي تُغل ايدي القتلة الي لابد ، وأن لا يتجرأ مجرم لتفكير في ازهاق
اروح طاهرة ، لان العقاب شاخصاً لكل المجرمين .
فالعيب ان نتجاهل دموع الرجال والامهات الثكلي التي تفطر قلب كل
من فارقه عزيزاً بالغدر والخيانة . والعيب التعاطي في الشان السياسي
بذهنية تزجية الوقت بالمماحكة السياسية .

يا حافظ النفس الحار الله لا جابو
بطل النطيط وخلينا في الموضوع

انت قلت داير رسالة في جيب قميص المرحوم وجبنا ليك رسالتين تهبش جيب اي سوداني تقريبا تجدهما
رايك شنو

الاساتذة المناضلين /قال الله عز وجل فى محكم تنزيله :بسم الله الرحمن الرحيم
انك لن تهدى من احببت ولكن الله بهدى من يشاء
وبلغة اغانى البنات :ليبيا واليمن ضياع زمن

حافظ أحمد كتب:

استاذ المحبوب
هل تصريح مدير عام الشرطة وصلاح قوش تعتبر بينه كي تدين المؤتمر الوطني في قضية الطالب المقطع الاوصال ؟؟؟
اذا كانت اجابتك بنعم فهولاء اغبي مجرمين علي وجه الارض

كدي رد علي سؤالي دا وبعدين ح تعرف انا مؤتمر ولا شعبي

انا ما ادنت
انا بتهم

حافظ أحمد كتب:

المحبوب أحمد الأمين كتب:

انا ما ادنت
انا بتهم

المحبوب يا اخوي يعني الجوطه الحاصلة ديك كلها كانت اتهام ساكت
و رايك شنو في المقوله بتاعت كل متهم بريئ حتي تثبت ادانته
يعني ناس الحكومة ديل لحدي اللحظة دي هم ما عندهم علاقة بكل الحصل للطالب المقتول ومقطع الاوصال
ولا انا غلطان

يا المحبوب ... رايك شنو في اضافة رسالة ثالثة ؟
من تقرير عن شهداء الحركة الطلابية من 4/12/1989
وحتي 10/2/2010.




الاربعاء ١٠ فبراير ٢٠١٠ م قامت قوات
من النظام الفاشي في الساعة ٥ مساء
ومن أمام كلية التربية جامعة الخرطوم
بأم درمان باختطاف الطالب محمد موسى
عبد الله بحر الدين بعربيتين هايلوكس
(بوكس). وفى اليوم التالي الخميس
١١ فبراير ٢٠١٠ م، وصل الخبر عن طريق
تلفون مجهول لزملاء الشهيد، ثم أبلغت
شرطة الحتانة بوجود جثة شخص قتيل
بأم درمان حي مدينة النيل قرب كلية
التربية التي يدرس بها الشهيد. الحادث
يُعتبر خير لتدشين حملة انتخابات المؤتمر
الوطني فهذا هو برنامجهم الانتخابي
الذي كان في خضم العقدين السابقين
فالدمار الذي لحق بالدولة السودانية
والتشريد والقتل الذي أصاب مواطنه في
كل البقاع ظاهرا عيانا لا يحتاج لجهد في
أن يستنتج الشخص عن حقيقة المؤتمر
الوطني وبرامجه التي يتوعد بها جماهير
شعبنا.
أن كل المتابعين لملف هذه القضايا و كل
المنادين بالعدالة و السلام الاجتماعي لا
يملكون غير أن يتوجهوا مرة أخرى إلى
الجهات العدلية والي ضمائر الجالسين
على سدات مكاتبها بالسؤال عن الذي
حدث في ملف هذه القضايا، فاغتيال هؤلاء
الطلاب له وقائعه المتوفرة والغموض الذي
يحيك بستره حول القضايا هو ضباب
كاذب خداع يحاول أن يستتر به من تدفعه
دوافع أخرى ليس من بينها العدالة ولا
إحقاق الحق.
*هذا غيض من فيض تجاه التوثيق
للانتهاكات والاعتقالات والاغتيالات
فأرض بلادنا إعتادت على أن لا ترتوي إلا
من دماء شرفائها من الأبناء، وستظل على
ذلك الحال المُشرِّف إلى أن نُسقط معاً هذا
النظام الديكتاتوري؛ فشعارات التحوُّل
الديمقراطي والإنفتاح السياسي ستبقى
رهينة بالثأر لحق كل من قُتل وعُذِّب وشُرِّد.
من جماهير الحركة الطلابية وشعبنا.
بيننا والنظام قصاص وعدالة باقية، فنحن
في جذور هذه الأرض لن نُقتلع بمجرَّد
الإغتيال، أيادينا وجهودنا متراصة مع
الطلاب وبهم ولأجلهم ومُوجَّهة صوب كل
من إعتدى.
اﻟﻤﺠد والخلود لشهدائنا الأبرار، والخزي
والعار للأجهزة الأمنية القمعية، مع عاجل
الشفاء للجرحى والمصابين ومزيداً من
الصمود للمعتقلين...ودامت الأرض لافتة
لنا ولأعداء العصافير كفن. والتحية لكل
الشهداء من أبناء وبنات الشعب السوداني
،خصوصا الأبرياء من طالئر العلم...
قتلوك وكان قاصدين في ذاتك ناس تانين...
قتلوك الناس القصر الساسة المأجورين...
وماشين في السكة نمد ...

http://www.midan.net/nm/private/almidan/m2186/m2186.pdf

صباح الفل والخيرات ،،

معليش إنشغلت عليكم ،،

وياعاطف والله تشكر كتير جداً لرفدك لـهذا البوست ،،

ومتابعنك توثيقك للأحداث الجسام ،،

عليك الله يا عاطف ،،

كنت متخيل نجي في القرن الواحد وعشرين ،،

نتكلم ونلاوي في سلامة الناس وحماية أرواحـهم ،،

الناس يتكلموا في رفاهية شعوبـهم ونحن مقبقبننا من رقابنا ،،

لمن بقينا في العزيزة ،،

العزيزة دي الروح ياحافظ ،،

ونجي لما أثاره أخونا حافظ ،،



الأخ حافظ قال :

((...يا اخوي يعني الجوطه الحاصلة ديك كلها كانت اتـهام ساكت .....

ورايك شنو في المقوله بتاعت كل متهم بريئ حتي تثبت ادانته .........

يعني ناس الحكومة ديل لحدي اللحظة دي هم ما عندهم علاقة بكل الحصل للطالب المقتول ومقطع الاوصال ولا انا غلطان......)).



دا إياهو كلامك ياحافظ ولا ما ياهو ،،

طيب يالعزيز ،،

طالب في الجامعة في المرحلة التالتة يعني على أعتاب التخرج ،،

خلينا نحن ترا جايطين ساي زي ما قلت ،،

برضو ناس ياسر عرمان برضهن جايطين ساي ،،

أها أبوه القعد يبكي البكا البقطع القلوب دا برضو جايط يا حافظ ،،

أقربائه البتكتحوا بالتراب وينبحوا نبيح الجن ديل برضو جايطين ،،

الناس الشفتـها في المقابر دي كلـها ما عندها شغلة ،،

إنت يا حافظ كنت دايرن يدفنوه ويمشو إقوجو ليهم صيوان وخلاص ،،

دا موت إستثنائي ،،

ماهو حادث حركة في طريق مدني الخرطوم ،،

ولو كان كذلك لجطنا في الوزير المسئول عن الطرق ،،

وجطنا في إدارات المرور والتراخيص ،،



طالب أهلو منتظرنو في كبكابية ،،

عشان يرجع ليهم متوشح بروب التخرج زيو وزي الوليدات ،،

ولمن ثارو وتضامن معاهم أصحاب الضماير الحية ،،

"وأنا لست منـهم " عشان ما تختني في بالك ،،

إنت قلت عليـهم جايطين ،،

بالله عليك أسي الجايط منو ؟؟



نجي بعد دا لمقولة المتـهم بريء حتى تثبت إدانته ،،

فـهذا مبدأ قانوني أو قاعدة قانونية ينص عليـها عادة في وثائق الحقوق لقدسيتـها ،،

ففي دستور السودان الانتقالي لسنة 2005 ،،

في باب المحاكمة العادلة فقد نصت ....

المادة 34 (1) على أن المتهم برئ حتى تثبت إدانته وفقاً للقانون.

نرجع للموضوع ونفكفك كلامك الفوق داك ،،

فالقضية قضية طالب وجد مقتولاً اسمو محمد موسى ،،

وعلى جسده آثار تعذيب أفضى للموت ،،

ومع كل ذلك فأوصاله مقطعة إرباً ،،

زول ياحافظ ما هو كلب متابعني ،،

المتـهم منو ،،

أنا بعتقد بأن المتـهم هو الدولة بكل مؤسساتـها ،،

"ودا رأي بشاركني فيه الكثيرون " ،،

بما في ذلك حكومة السجم والرماد دي ،،

ولمن أقول الحكومة أو الدولة أو الحزب فأعني المؤتمر ،،

اللأصبح دولة وحكومة وحزب كيف ماعارفين ،،



طيب انت مندهش من توجيه الإتـهام للمؤتمر ،،

وزاد من دهشتك إدانة المؤتمر بـهذه الجريمة التي إهتزت لـها الفرايص ،،



نجي بعد دا لموضوع الحقوق وحق الحياة تحديداً ،،

وعلى من تقع مسئولية حماية المواطنين وسلامتـهم في الدولة أي دولة ،،

وبجيك صاد بالفضاوة ،،



ولو عندك رأي في الكلام دا نسمعو قبل ما نجي نواصل سمح .....

الأخوة الاكارم .................

نسال الله ان يكفينا شر الفتن ما ظهر منها وما بطن .................
ونسال الله أن يؤلف بين قلوبنا ... وان يرفع السودان .. وأن يولي علينا خيارنا ...

المحبوب أحمد الأمين كتب:

صباح الفل والخيرات ،،

معليش إنشغلت عليكم ،،

وياعاطف والله تشكر كتير جداً لرفدك لـهذا البوست ،،

ومتابعنك توثيقك للأحداث الجسام ،،

عليك الله يا عاطف ،،

كنت متخيل نجي في القرن الواحد وعشرين ،،

نتكلم ونلاوي في سلامة الناس وحماية أرواحـهم ،،

الناس يتكلموا في رفاهية شعوبـهم ونحن مقبقبننا من رقابنا ،،

لمن بقينا في العزيزة ،،

العزيزة دي الروح ياحافظ ،،

ونجي لما أثاره أخونا حافظ ،،



الأخ حافظ قال :

((...يا اخوي يعني الجوطه الحاصلة ديك كلها كانت اتـهام ساكت .....

ورايك شنو في المقوله بتاعت كل متهم بريئ حتي تثبت ادانته .........

يعني ناس الحكومة ديل لحدي اللحظة دي هم ما عندهم علاقة بكل الحصل للطالب المقتول ومقطع الاوصال ولا انا غلطان......)).



دا إياهو كلامك ياحافظ ولا ما ياهو ،،

طيب يالعزيز ،،

طالب في الجامعة في المرحلة التالتة يعني على أعتاب التخرج ،،

خلينا نحن ترا جايطين ساي زي ما قلت ،،

برضو ناس ياسر عرمان برضهن جايطين ساي ،،

أها أبوه القعد يبكي البكا البقطع القلوب دا برضو جايط يا حافظ ،،

أقربائه البتكتحوا بالتراب وينبحوا نبيح الجن ديل برضو جايطين ،،

الناس الشفتـها في المقابر دي كلـها ما عندها شغلة ،،

إنت يا حافظ كنت دايرن يدفنوه ويمشو إقوجو ليهم صيوان وخلاص ،،

دا موت إستثنائي ،،

ماهو حادث حركة في طريق مدني الخرطوم ،،

ولو كان كذلك لجطنا في الوزير المسئول عن الطرق ،،

وجطنا في إدارات المرور والتراخيص ،،



طالب أهلو منتظرنو في كبكابية ،،

عشان يرجع ليهم متوشح بروب التخرج زيو وزي الوليدات ،،

ولمن ثارو وتضامن معاهم أصحاب الضماير الحية ،،

"وأنا لست منـهم " عشان ما تختني في بالك ،،

إنت قلت عليـهم جايطين ،،

بالله عليك أسي الجايط منو ؟؟



نجي بعد دا لمقولة المتـهم بريء حتى تثبت إدانته ،،

فـهذا مبدأ قانوني أو قاعدة قانونية ينص عليـها عادة في وثائق الحقوق لقدسيتـها ،،

ففي دستور السودان الانتقالي لسنة 2005 ،،

في باب المحاكمة العادلة فقد نصت ....

المادة 34 (1) على أن المتهم برئ حتى تثبت إدانته وفقاً للقانون.

نرجع للموضوع ونفكفك كلامك الفوق داك ،،

فالقضية قضية طالب وجد مقتولاً اسمو محمد موسى ،،

وعلى جسده آثار تعذيب أفضى للموت ،،

ومع كل ذلك فأوصاله مقطعة إرباً ،،

زول ياحافظ ما هو كلب متابعني ،،

المتـهم منو ،،

أنا بعتقد بأن المتـهم هو الدولة بكل مؤسساتـها ،،

"ودا رأي بشاركني فيه الكثيرون " ،،

بما في ذلك حكومة السجم والرماد دي ،،

ولمن أقول الحكومة أو الدولة أو الحزب فأعني المؤتمر ،،

اللأصبح دولة وحكومة وحزب كيف ماعارفين ،،



طيب انت مندهش من توجيه الإتـهام للمؤتمر ،،

وزاد من دهشتك إدانة المؤتمر بـهذه الجريمة التي إهتزت لـها الفرايص ،،



نجي بعد دا لموضوع الحقوق وحق الحياة تحديداً ،،

وعلى من تقع مسئولية حماية المواطنين وسلامتـهم في الدولة أي دولة ،،

وبجيك صاد بالفضاوة ،،



ولو عندك رأي في الكلام دا نسمعو قبل ما نجي نواصل سمح .....

المحبوب والله لقيتك نضاماً انا شلاقتي البتوقعني فى المحامين و الاساتذة شنو
يحلنا الحلا بله
كلامك دا كله برجعني تاني لمسألة انه المؤتمر الوطني ما زال متهم والمتهم برئ حتي تثبة ادانته
تاني حاجة من حق كل واحد يحزن بما فيهم ياسر عرمان لمقتل طالب لكن بعيدا عن المتاجرة الرخيصة واستخدام القضية لشأن سياسي
وبقول لياسر عرمان فاقد الشيئ لا يعطية
ويا محبوب حسب كلامك يعني الحكومة برضو مسؤلة عن مقتل الاخت سعاد الكان السبب في وفاتها زوجها مش المؤتمر الوطني !!!
يعني حكومة الجن دي مفروض تكون عندها شرطة قدر اعداد مواطننها عشان تحرس كل زول
المحبوب يا اخوي انا كلامي واااااضح الاتفتح من اجله البوست دا
انه العنده كلام فى الحكومة يقوله عديل بدون لولوا
وربنا يرحم الطالب محمد موسي ويرحم جميع المسلمين

نفترض بأن الدولة دينية كما يزعم الحاكمون بأمر الله ،،
ففي الدولة الاسلامية دي المسئول عن حماية المواطنين وسلامتـهم هي الدولة صاح ،،
أنا ماداير أخش في موضوع الحقوق الأساسية وكلام الدساتير ،،
لكن داير أشوف رايك شنو في قوله صلى الله عليه وسلم :
(( كُلُّكُمْ رَاعٍ ، وَمَسؤْولٌ عن رَعِيَّتِهِ ، فالإمامُ رَاعٍ ، ومَسْؤولٌ عَن رَعِيَّتِهِ والرجلُ رَاعٍ في أهله ، وهو مَسؤولٌ عن رَعِيَّتِهِ ، والمرأَةُ في بَيْتِ زَوجِها رَاعيةٌ ، وهي مَسؤولَةٌ عن رَعيَّتِها ......إلخ)) .
[ متفق عليه عن ابن عمر] .
كمان نشوف رايك في قول سيدنا عمر : " والله لو تعثرت بغلة في العراق لحاسبني الله عنها لِمَ لمْ تصلح لها الطريق يا عمر ؟".