السياسه عندنا اتقسمت لي قسمين

(هبه) بت الحصاحيصا كتب:

السياسه عندنا هنا في المنتدى مقسومه لي قسمين
سياسه داخليه وسياسه خارجيه
طبعا السياسه الخارجيه ياها السياسه البتكلم فيها كل الشعب السوداني
بس السياسه الداخليه خاصه بي سياسة المنتدى هنا
يعني ناس كتيره معترضه على سياسة المنتدى
ناس مع وناس ضد ... وناس تؤيد وناس تعترض
والله نحن بقينا مافاهمين أي حاجه
والمنتدى كلو بقى مشاكل في مشاكل
ياجماعه نحن نقول تتحل مشاكل السياسه الخارجيه
تقوم تظهر لينا مشاكل السياسه الداخليه
أها اسي يحلو شنو ولا شنو ؟؟؟؟؟

[b]

الاخت / هبة بت الحصايحصا

طبعا الاخت هبة عاملة بوست كامل شرط الوحيد عدم الحديث فى السياسة... هنا تتحدث عن السياسة الاخت هبة بت الحصاحيصا عاملة زى الجماعة الدخلوا الناس الجامع و خشوا هم السوق

شكلوا مع ديلك

رايك ياهبه شنو تبدي بالسياسه الداخليه ا............ولا رأيك شنو نعمل اتفاقية سلام

(هبه) بت الحصاحيصا كتب:

الزعيم كتب:

رايك ياهبه شنو تبدي بالسياسه الداخليه ا............ولا رأيك شنو نعمل اتفاقية سلام

أساساً يازعيم لو ما اتحلت السياسه الداخليه ما بتتحل السياسه الخارجيه
بس يحلوها كييييييييييييييييييييييييييييييييييييييييف؟؟؟

والله كلامك صاح نحل الداخلية وبعدين نتوج للعالمية

محمدكمال السر كتب:

الزعيم انت حركات اولاد الجنوب للان ماخليتها الناس اطورت فعلا لكن مرمي الله مابترفع

ياودكمال سلم اول مشتاقين خليك من الشوق واطلع من البوست لانو
شكلك ح تودينا في داهيه

(هبه) بت الحصاحيصا كتب:

الزعيم كتب:

رايك ياهبه شنو تبدي بالسياسه الداخليه ا............ولا رأيك شنو نعمل اتفاقية سلام

أساساً يازعيم لو ما اتحلت السياسه الداخليه ما بتتحل السياسه الخارجيه
بس يحلوها كييييييييييييييييييييييييييييييييييييييييف؟؟؟

خلاص مادام فيها اساسا نبدا بالسياسه الداخليه


يجب عمل نظام متقدم وليس عمل نظام يشابه نظام آخر، فهناك انظمه قد نعمل بها ولكن ياتي وقت لتعديلها وإخضاعها لاستفتاءات من أجل تعديل بعض البيانات فيها.

بتعرفي يا هبة ،،
العجبني في الحكومة دي ،،
إنها عملت ( أدبخانات ) جوة المساجد وبالقروش ،،
ومشغلين فيها القراّن ،،
والعجيب إنها كتبت في إحداهن ،،
( توجد أماكن للنساء ) ،، سياسة ،، معليش ،،

،،
غايتوا ما فاهمين ،،
،،
والله حكومة بالجد بالجد ،،
عايزة الناس يرتاحوا ،،
طيب مالوا ،،
المهم أنا مع معتصم جعفر ،،
إن شاء الله تقوم القيامة ،،

سياسة :-


ركــــــابي :-

الله اكون في عونك الحكايه جاطت

دائما اختى هبة لمن الموضوع يكون كتابة كتابة بتحصل المشاكل الصحية دى والله الذى لا اله الا هو انا متاكد انو الاخوان ما بتاعين مشاكل ولا بتاعين شغب لانو الواحد لو ما بتعرفو هو شخصيا اكيد بتكون بتعرف واحد من ناس بيتهم بعدين انا متاكد انو الناس هنا وقت الجد بكونوا على قلب رجل واحد

(هبه) بت الحصاحيصا كتب:

الطيب تلودي كتب:

الاخت/ الحصـ(هبه)ــاحيصـ(بت)ــا

اتفق معكي فيما ذهبتي اليه فانتي تسعين لخق بيئه صحيه داخل المنتدي وهذا يظهر جمال البوست، واقتبس هنا(بس نحن لازم نشوف الإرهاب دا وين عشان نقدر نزيلو) وايضا نحو ذلك فهو المطلوب حتي نرتقي بهذا المنتدي ونبحث عن هذا الارهاب.. ولكن مايدور في هذا المنتدي هو خلق للمشاكل من باب شخصنة المواضيع والردود كلنا نخطي وهذا ليس عيب بالعيب ان نتمادي في الاخطاء.. فالنحاسب انفسنا قبل ان نحاسب..هذا من باب معالجة الامور(احسن نحن نعالج المشكله ولا نزيدها؟؟؟؟؟).. عزيزتي لا يوجد ملتقي عام بدون اختلاف وإختلاف الراي لايفسد الود وهو المطلوب ايضا بعيدا عن المهاترات والتلاعب باللفاظ وإشراك الاعضاء في الصراعات فهنالك الكثير من الاماكن يمكن ان يدار فيها الصراع وليس علي حساب المنتدي والاعضاء وهذا ما لا نقبله..
( المشاكل الصحيه الإنت ذكرتها دي ما عايزنها تكون موجوده عايزين لما نخش المنتدى نلقى الأمور كلها تمام) نتمني ذلك ولكن هذا صحي حتي تعم الفائده بين الاعضاء ويتم نقل الاراء والافاهم حتي نرتقي جميعا في رحاب دوت كوم

شكرا علي هذه المساحه ودائما متفرده في طرحك
وتقبلي مروري

تحياتي لك أخ الطيب تلودي
وصراحه مفروض كل الأعضاء يسعو لي إنو تكون البيئه صحيه
والناس تكون حلوه مع بعض
تدخل تتونس وتهظر وتضحك وتعالج المشاكل الخاصه بالمدينه
يعني الناس مفروض يكون همها أكبر من كده
لأنو المنتدى دا منبر من خلاله الناس بتشوف مشاكل المدينه وين عشان تقدر تعالجها
وتسعى لي تطوير مدينة الحصاحيصا
لأنو دا منتدى الحصاحيصا .. يعني خاص بي همومها ومشاكلها هي وبـــــس

ومشكور كتير أخ الطيب على المداخله

اشارككم في الراي اعزائي فلابد من القيم الثقافية الإنسانية الجديدة التي تنطلق منها كيف التعامل..... وعدم خلق امور تودي الي بعض التلامس بين الاخرين........ونحن دايما نسعي لتطوير مدينه الحصاحيصا بشكل فايق علي حسب طاقتنا الذاتيه
ونرجو من الاخوه الكرام تزويدنا بمالديهم

طاب يومكم

رؤى شعيب جبريل كتب:

الزعيم عودا" حميدا"
هبوية ياعسل والله كلامك صاح جد زهجنا وفترنا من النقة والمشاكلوياريت الناس تتصافى وبلاش منها المشاكل دي ماف زول كامل ولابغلط المهم النفوس تتصافى و لا للمشاكل
غايتو ياهبة لو عملتي ليك مظاهرة للموضوع دا انا اول وحدة معاك بطلع

الله يديك العافيه يارؤئ

ياهبويه احسبي بقينا اربعه ابدي المظاهره ونحن معاك