عاااااااااااااااااااجل أريد أن أصبح رئيسا للولايات المتحدة الأمريكية

السلام عليكم أهل المنتدى.....................
اليوم وعلى غير العاذه لم يكن الدوام مكتظا بالعمل لذا فبعد الساعه الواحدة ظهرا كنت قد فرغت من جميع الأعمال فأخذت اتكاءة على كرسيي الوثير الذي اشتكى لطوب الأرض من ثقل حمل صاحبه (الذي هو أنا ) وأغمضت عيني وبدأت تراوديني أحلام اليقظة لكن حلم اليوم كان مختلفا ......
فقد رأيت فيما يرى الحلمان الوهمان انني بعد رجوعي للبيت وتناول وجبة الغذاء قمت بفتح الكمبيوتر والولوج كالعاده للشبكة وبعد ذلك قمت بفتح موقع اللوتري (اللوتري الواحد ده بتاع العم سام) وتعبئة الأستمارة وبعد عدة أشهر تصلني رساله مفادها انه قد تم قبولي لبرنامج الهجرةة للعام 20011 فأخذت ارقص طربا وبعد نصف ساعه كان الخبر قد وصل الى مسقط رأسي في العالياب بولاية نهر النيل أن محمد ودالحاج مسافر لأمريكا.
المهم انني سافرت الى أمريكا بعد معاندة شديدة من أمي وووصلت الى هناك واستقبلتني تلك الحسناء الشقراء من اذارة الهجرة الامريكية وتدرجت الأمورالى ان استلمت وظيفة في مجال عملي وتمر الخمس سنوات الأولى واتقدم بطلب للحصول على الجنسية الأمريكية ولأنني سوداني أأكل مما أزرع وألبس مما أصنع (يعني زول منتج وممكن يستفيدوا مني الجماعه الخواجات ديل) فقد تم منحي الجنسية الأمريكية !!!!!!!!!!!!!!!!!!!!!!!
وتمر السنين ولأنني سوداني (أقعد في المسطبات وقدام الدكاكين كتييييييير) فقد تعرفت على جميع ابناء المنطقة فترشحت لمنصب العمدة وكان شعاري (معا من أجل تطبيق التجربة السودانية على الأراضي الأمريكية) وبهذا الشعار البراق (ولأن بلا العم سام ديموقرطية شديييييييييييد ) فقد فزت بمنصب العمدة !!!!!!!!!!!!
وما هي الا سنين قلائل حتى اصبحت سيناتور في الكونغرس الأمريكي وتتوالى الأيام وتدور الدائر الى أن حانت انتخابات الرئاسة الأمريكية وتم ترشيحي للأنتخابات و..........
عند هذه اللحظة يدخل علي المدير صائحا كعادته ياااااااااااااااااااا محمد تعااااااااااال .(انتهى الحلم)
فما هو رأيكم يا أخوان ان أطبق هذا الحلم على أرض الواقع؟؟؟؟

محمد نائم اثناء ساعات العمل
ومدد كرعيك تشخر
المدير يجيك داخل
تقول تحكم امريكا
غايتو الله يستر عليك
بدل امريكا تقوم تبقى رئيس هاييتي
أسي أكان مشيت في درب الشقرا الاقتك في جوازات المطار ما كان واطاتك أصبحت Laughing

اسمع كلامي انسى موضوع ترشيحك للرئاسه وخليك سناتور عشان ماتبوظ حلمك دا ساى

السلام عليكم أهل المنتدى.....................

وعليكم السلام ياحبيبنا

اليوم وعلى غير العاده لم يكن الدوام مكتظا بالعمل لذا فبعد الساعه الواحدة ظهرا كنت قد فرغت من جميع الأعمال فأخذت اتكاءة على كرسيي الوثير الذي اشتكى لطوب الأرض من ثقل حمل صاحبه (الذي هو أنا )

في دي معاك عشرة كم سنة لكن في الباقي ما اظن..!!

ياولدنا انته شكلك لسه مع خالتك بت الجزيره وعشاءها وقالب الكاستر..

يامحمد بلييييييييييييييييييييييييييييييييييييز
ماتنساني لما تبقي الرئيس -خاصة واسمي دا حايعمل لي مشاكل لي ارتباطو بي اسم رئيس الولايات المتحده وكدا.
يعني حااكون اختك وكدا.
غايتو انا اكتر الناس الحايدعوا ليك الحلم دا يتحقق

ابشري يا بنت ابوي انا زاتو شايف اوباما اسي بيعاني من الحكاية دي عندو اخوهو قاعد قي الصين لكن دي مشكلة بسيطة

غايتو أنا عندي ليك طلب ،،

وعارفك ما بتتوصى ،،

بس تعيني في المحل البقسمو فيهو الاوسكار دا ،،

أجيـهم من السنة للسنة ،،

واحد ساي يقدر يقول لي تلت التلاتة كم مافي ،،

انت رجل تعرف من أين تأكل الكتف ,,,,,,, Razz

والله

ما بقطف زهورك

بعاين

بعيونيييييييييييييي

ياود الحاج
قبل ما يناديك المدير
الشقراء بتاعت الهجرة دى كانت معاك ولا فاتت
الاجابة علي السؤال ده مهمة جدا
عشان نقدر نحسب المشوار للرئاسة الامريكية

مادام كده خلاص ح تكون كده يعني بقيناك رئيس الولايات المتحده
لذا واصل احلامك (رسالة من البيت الابيض)
طبعا نتمني ان نعرف اول خطوه هي شنو وماتنسي دايرين دعم لمدينتنا
........
your obedient
طاب يومك

مبارك عثمان كتب:: ياود الحاج
قبل ما يناديك المدير
الشقراء بتاعت الهجرة دى كانت معاك ولا فاتت
الاجابة علي السؤال ده مهمة جدا
عشان نقدر نحسب المشوار للرئاسة الامريكية

الشقراء دي لمن لقتني كبكابة وبحكي ليها عن قصص الشيخ فرح ود تكتوك
ما اشتغلت بي لكن نشوف الحلم الجاي يمكن الاقيها بعد ما انزل المعاش

الزعيم كتب:: مادام كده خلاص ح تكون كده يعني بقيناك رئيس الولايات المتحده
لذا واصل احلامك (رسالة من البيت الابيض)
طبعا نتمني ان نعرف اول خطوه هي شنو وماتنسي دايرين دعم لمدينتنا
........
your obedient
طاب يومك

طبعا مدينتنا الحبيبة في قلوبنا واول خطوة زي ما قلته في البرنامج الأنتخابي هي محاولة تطبيق التجربة السودانيه ع الأراضي الأمريكية

» أوباما رئيساً للولايات المتحدة الأمريكية "ولاية ثانية"
» أريد حلاً ( توجد مشكلة )
» عذرا أريد ذات الدين قبل
» على عثمان طه ..... رئيسا للسودان !!!
» أريد أن أغضبك.. صديقي.