موضوع: إلي الصديق راشد الجاك أبوشمة الأربعاء 10 مارس 2010 - 6:44
يا راشد صباح الخير
صورة البنت (منة الله) ماشاء الله و عيني باردة..
أها ولدي حبيب الله نويت أتخلص منه بتزويجه أو تسليمه إلي محكمة الجنايات الدولية..؟؟ لو قلبك علي الصغير الذي معي، فكر في ما لم أقله لك هنا مباشرة..؟؟ و بالمناسبة تم حفظ صورة بنتك في الكمبيوتر حتي يتم عرضها علي (الحبيب) الصغير و مجلس الشوري الأسري و العائلي خلال جلسة طارئة مساء اليوم بعد التنسيق مع الحبيب (الأكبر) رئيس المجلس حبيب الله التوم نمر..؟؟
كل الود
عدل سابقا من قبل الرشيد حبيب الله التوم في الأربعاء 10 مارس 2010 - 9:11 عدل 1 مرات
صداح فاروق وراق
موضوع: رد: إلي الصديق راشد الجاك أبوشمة الأربعاء 10 مارس 2010 - 6:49
يالرشيد : خلي حبيب يجول وسط الحسان شويه ، بعدين لا لتكميم التجوال العاطفي ، وفرض الخيارات بالريموت كنترول ، خليهو يمكن بعدين قلبو يوديهو في القرية الكونية دي ويعرس ليك واحدة من مولدافيا .
ماشاء الله ياراشد علي منة ، دي خاطفة (أقليمين ) سافنا غنية وسافنا ثرية
راشد محمد الجاك
موضوع: رد: إلي الصديق راشد الجاك أبوشمة الأربعاء 10 مارس 2010 - 14:50
مرحب اخونا الرشيد والساعة المباركة ... تفضلو لاجوه .... الساعة المباركة ... حسب الاصول والتقاليد والاعراف واللازى منو يجب ان يتقدم الخطيب حفيد معلم الاجيال بالقاء خطبة عصماء يهتز لها كيان هذا المنتدى ... وتقوم بت السيد بحذفه الى التوثيقى .... وعايزين صورة حديثة للحبيب ابن الحبيب مقاس 18*26 وزارتنا البركات ....
ايهاب عبدالرحيم عوض الله
موضوع: رد: إلي الصديق راشد الجاك أبوشمة الخميس 11 مارس 2010 - 8:54
يا اولاد جيراني: بحكم انا ود جيرانكم من زمان فانا بقترح عليكم الشورى تكون عندي عشان انا طرف محايد يعني أهل البنت يشاوروني وأهل الولد يشاورونيِ
الرشيد حبيب الله التوم
موضوع: رد: إلي الصديق راشد الجاك أبوشمة السبت 13 مارس 2010 - 10:01
صداح فاروق وراق كتب:
يالرشيد : خلي حبيب يجول وسط الحسان شويه ، بعدين لا لتكميم التجوال العاطفي ، وفرض الخيارات بالريموت كنترول ، خليهو يمكن بعدين قلبو يوديهو في القرية الكونية دي ويعرس ليك واحدة من مولدافيا .
ماشاء الله ياراشد علي منة ، دي خاطفة (أقليمين ) سافنا غنية وسافنا ثرية
أخي صداح لو جال الحبيب بين الحسان حا أقعد كل يوم أطلع بيان..؟؟ أصلو الحبيب مُغلبني بي الحيل و حول نهاري ليل ..!! قلنا الزواج يمكن يشيل شقاوة الصِغير و يخفف كتير.
الرشيد حبيب الله التوم
موضوع: رد: إلي الصديق راشد الجاك أبوشمة السبت 13 مارس 2010 - 10:06
راشد محمد الجاك كتب:
مرحب اخونا الرشيد والساعة المباركة ... تفضلو لاجوه .... الساعة المباركة ... حسب الاصول والتقاليد والاعراف واللازى منو يجب ان يتقدم الخطيب حفيد معلم الاجيال بالقاء خطبة عصماء يهتز لها كيان هذا المنتدى ... وتقوم بت السيد بحذفه الى التوثيقى .... وعايزين صورة حديثة للحبيب ابن الحبيب مقاس 18*26 وزارتنا البركات ....
من حبيب الله إلي منة الله
أنا حبيب الله و أنت منة الله أنا الحبيب و أنت الحبيبة أنا الأديب و أنت الطبيبة أنا العجيب و أنت الرهيبة تعالي قريب ما تكوني عنيدة..!! عاوز أقول بس أخشي الفضول نحنا الصغار بس يرضوا الكبار و بكرة المُحال إلي زوال أبوي قال إلا إنتي و أمي قالت وحاتك إنتي و أبوك قال أديكم بتي و أمك لسع شايفاك إنتي زينة عيونا و المستقبل و التحدي.
الرشيد حبيب الله التوم
موضوع: رد: إلي الصديق راشد الجاك أبوشمة السبت 13 مارس 2010 - 10:07
ايهاب عبدالرحيم عوض الله كتب:
يا اولاد جيراني: بحكم انا ود جيرانكم من زمان فانا بقترح عليكم الشورى تكون عندي عشان انا طرف محايد يعني أهل البنت يشاوروني وأهل الولد يشاورونيِ
يا إيهاب الموضوع أصلاً تمت مشاورته و مباركته من (أبو القدح) و برضو مشورتكم و مباركتكم تكمل (البركة). و دمت
ايهاب عبدالرحيم عوض الله
موضوع: رد: إلي الصديق راشد الجاك أبوشمة السبت 13 مارس 2010 - 10:46
الرشيد مافي حاجة لولدي يوسف قاعد يتفرج عليكم ومسكته الغيرة
ايمان الحاج
موضوع: رد: إلي الصديق راشد الجاك أبوشمة السبت 13 مارس 2010 - 11:19
مبروك ياجماعه بس الخطوبه دي لاذم تتم في رحاب منتدي الحصاحيصا لأنها مننا وفينا-ولاذم تتم بي مباركتنا
عصام تلودي
موضوع: رد: إلي الصديق راشد الجاك أبوشمة السبت 13 مارس 2010 - 16:52
ياراشد انت مابتشاور ناس شارعك لازم يكون عندنا راي
راشد محمد الجاك
موضوع: رد: إلي الصديق راشد الجاك أبوشمة السبت 13 مارس 2010 - 18:02
الحبيب ود الحبيب ابن الحبيب الاكبر .... فرد الكلم وماقصر .... وفى بتنا قال كلام فات حد النظر ... وخلانا نعاين فى السما منتظر هطول المطر ... (مانحنا ناس جزيرة ومسلمية ... ) شوف يالرشيد ... البنية من قبل متكلم فوقا الولد سمور .... حفيد معلم الاجيال ... وراق وهسا خطب ودها برضو حفيد معلم الاجيال .... حبيب الله وهى كلاما عند ود عمها ... محمد عاطف ... بس بينى وبينك فى حاجة بتلمها مع الحبيب ... قول لى كيف ؟ من زمان وهى شايفة صورة الحبيب واخته وهم يتضاحكون ... بتسالنى دا قال لى اختو شنو قعدو اضحكو كدا ...
راشد محمد الجاك
موضوع: رد: إلي الصديق راشد الجاك أبوشمة السبت 13 مارس 2010 - 18:04
عصام تلودي كتب:
ياراشد انت مابتشاور ناس شارعك لازم يكون عندنا راي
ياعصام كان خوفى منك ... تقول لى حاجزا انا !!!!!!!!!!!!!!!
ودعيسي
موضوع: رد: إلي الصديق راشد الجاك أبوشمة السبت 13 مارس 2010 - 19:36
غنو معانا غنوة العيد والفرح الليله يوم خطوبة أولادنا الحلوين وعلي الطلاق انا علي الحفلة بي كراسيها والصالة مكندشه وممنوع اصطحاب الأطفال عشان ما أحلف علي إتنين غيرهم..... هع
فايزه السيد
موضوع: رد: إلي الصديق راشد الجاك أبوشمة السبت 13 مارس 2010 - 19:51
الظاهر هى عنصره بتاعة حى العمده بس ماتنسى المحس لهم كلمه لا تكمم افواهم
أبو أديب
موضوع: رد: إلي الصديق راشد الجاك أبوشمة السبت 3 أبريل 2010 - 10:15
يا ود العم .... كدي رأيك شنو في تغطية قدحنا وقدحكم ؟؟؟
العريس موجود والعروسة موجدوة
الرشيد حبيب الله التوم
موضوع: رد: إلي الصديق راشد الجاك أبوشمة الأربعاء 7 أبريل 2010 - 21:16
ايهاب عبدالرحيم عوض الله كتب:
الرشيد مافي حاجة لولدي يوسف قاعد يتفرج عليكم ومسكته الغيرة
أبو أديب كتب:
يا ود العم .... كدي رأيك شنو في تغطية قدحنا وقدحكم ؟؟؟
العريس موجود والعروسة موجدوة
سلام لإبن العم/ محمد يوسف التوم و الجار العزيز/ إيهاب عبد الرحيم عوض الله
تأملوا في صورة بنتي دي و أتفقوا علي أن لا تتفقوا..؟؟
الرشيد حبيب الله التوم
موضوع: رد: إلي الصديق راشد الجاك أبوشمة الأربعاء 7 أبريل 2010 - 21:18
ايمان الحاج كتب:
مبروك ياجماعه بس الخطوبه دي لاذم تتم في رحاب منتدي الحصاحيصا لأنها مننا وفينا-ولاذم تتم بي مباركتنا
الله يبارك فيك.. و هسع أنحنا بنتكلم وين..؟؟ خطوبة داخل المنتدي و علي الهواء مباشرة.
الرشيد حبيب الله التوم
موضوع: رد: إلي الصديق راشد الجاك أبوشمة الأربعاء 7 أبريل 2010 - 21:20
عصام تلودي كتب:
ياراشد انت مابتشاور ناس شارعك لازم يكون عندنا راي
يا تلودي الموضوع ده إنتهي.. أبو القدح موافق دون مشورة حتي نفسه..
الرشيد حبيب الله التوم
موضوع: رد: إلي الصديق راشد الجاك أبوشمة الأربعاء 7 أبريل 2010 - 21:22
ودعيسي كتب:
غنو معانا غنوة العيد والفرح الليله يوم خطوبة أولادنا الحلوين وعلي الطلاق انا علي الحفلة بي كراسيها والصالة مكندشه وممنوع اصطحاب الأطفال عشان ما أحلف علي إتنين غيرهم..... هع
أصيل و ود إصول كمان.
الرشيد حبيب الله التوم
موضوع: رد: إلي الصديق راشد الجاك أبوشمة الأربعاء 7 أبريل 2010 - 21:23
فايزه السيد كتب:
الظاهر هى عنصره بتاعة حى العمده بس ماتنسى المحس لهم كلمه لا تكمم افواهم
يا فوز كدي جيهي لينا موضوع الإنتخابات.. التحاريش ملحوقة..؟؟ و دمتي
الرشيد حبيب الله التوم
موضوع: من حبيب الله إلي منة الله الأربعاء 7 أبريل 2010 - 21:28
من حبيب الله إلي منة الله
و غني فارسك في الإطار و قال في وصفك لما بنتي.. أحلي منك.. برضو إنتي..!! و لما تسرحي فينا قادلة زي ملايكة علينا نازلة..؟؟
هاشم صديق.. كلام للحلوة.. أداء الموسيقار/ محمد الأمين
راشد محمد الجاك
موضوع: رد: إلي الصديق راشد الجاك أبوشمة الخميس 8 أبريل 2010 - 6:53
دا الكلام القالو عنك .... اعطنا من نبع القوافى واسرح بنا .... حاليا نسكر ونطرب لهذه الكلمات الشجية ... بس بعدين ... ماينفع هالهرج .... نكتوت بس !!!!!!!
الرشيد حبيب الله التوم
موضوع: رد: إلي الصديق راشد الجاك أبوشمة الأحد 11 أبريل 2010 - 14:17
راشد محمد الجاك كتب:
بس بعدين ... ماينفع هالهرج .... نكتوت بس !!!!!!!
يا أبو القدح خلي الصغار يعيشوا اللحظة.. نكتوت شنو..؟؟ هو النقة بي قروش..؟؟ بيكبروا بتفاهموا.. و بمشوا حالم ما تدخل العشق و الهيام سوق الbusiness و دمت
راشد محمد الجاك
موضوع: رد: إلي الصديق راشد الجاك أبوشمة الثلاثاء 13 أبريل 2010 - 7:14
يا ابو النسب حياك الغمام اليومين دى عايشين فى احلى جو .... نحنا قلنا ( بعدين ) ... يعنى هسى خليهم يعيشوا اللحظة ... اها بعدين دى (مربوطة ) بالواقع الاليم .... ولو ما خايفين من (الاسنا )... ماكنا فتحنا ( خشمنا ) قلنا نضمن قليلا من شرتيت قادم الايام ... مامعروف الظروف شنو ... يقوم يحنكا .. ونطلع نحنا ... زى يوم خمسة فى الشهر ....
الرشيد حبيب الله التوم
موضوع: رد: إلي الصديق راشد الجاك أبوشمة الثلاثاء 13 أبريل 2010 - 22:40
يا أبو القدح أنا فهمتا زي إنك راجي (قولة خير).. و دي الناس خلوها بقي العرس (متكفي).. أي تدفع ما يكفي متطلبات العروسة قبل الزواج و الشيلة.. و نحن لم نصل هذه المرحلة بعد في حبايبنا الصغار ديل.
موضوع: إلي الصديق راشد الجاك أبوشمة 
الأربعاء 10 مارس 2010 - 6:44
العريس موجود والعروسة موجدوة 
