حصاحيصا الوفاء تجدد الولاء لمعتصم جعفر (( صور ومشهد ))

جدد مساء امس اكثر من الفين شخص مساندتهم لمرشح الدائرة الدكتور معتصم جعفر
فى مشهد رائع اكد صدق هؤلاء النبلاء لابن المنطقة المعتصم جعفر
والى الجزيرة والاخ المعتمد وابناء الحصاحيصا فى الداخل والخارج
الوسط الرياضى بقيادة الدكتور كمال شداد والاخ جمال الوالى والاخ محمد الشبخ مدنى كانوا حضورا
الوسط الرياضى والشبابى فى محلية الحصاحيصا كان حضورا
كانت لوحة اكدت اصالة انسان هذه المحلية
وفقك الله يا معتصم

كلنا معتصم
كلنا حصاحيصا

حقيقة استفتاء حقيقي
من جميع المناصرين والغير مناصرين

بأمانة يا ولي وبدون هظار أو مجاملة
شغلكم راقي ونضيف ،،
ناس ممهولة وموهطة ومقعدة ما معقدة ،،
وكمان منظمة تنظيم شديد ورايقة ما ضايقة عناء ،،
الكل جلوس في كراسي بسم الله ما شاء الله العين الحاسدة ما تعاين ليكم ،،
ووالله العظيم عجبتني الاحتفالية دي وبيني وبينك بحب الهيصة والزمبريطة ،،
يا سلام جلسة رايقة لجمال الوالي والرجل البجوارو دا ...
بس غاظني حسن وراق شايل ورق وقلم ما بعرفو داير يكتب شنو انعل ابو الكتابة لأبو البعرفا ،،
مالك يا وراق ماسك الورق والقلم اسي في ذمتك شايف ليك زول بكتب ولا داير ليهو كتابة ؟؟
دي لقاءات تفاكرية للإسترخاءات والمجاملات وتبادل القفشات ،،
مش للكتابات والبخرات والمحايات والدوايات ،،
ومع إنك يا وراق حمت العالم كلو إلا إنك ما بتعرف في البريستيدج " بتعطيش الجيم لمن رويحتا تمرق"
والربيستيدج تقعد ممهول وفي يدك مفاتيح العربية وجهاز الهاتف المتنقل الجوال ،،
تقوم يا ورقة تشيل ورقة ؟؟ إورقك الفلاتي شحت ربي عليك ،،
عليك الله يا وليد هو أصلو الانتخابات لي شنو ما لجنس المهلة والانجعاصة دي ،،
مالو لو يعني امهلنا ما هي مرة كل عشرين سنة ،،
لكن والله عجبتني سرامس الموية الباردة اللونا برتقالي دي وأظنـها مليانة عصير بالتلج ،،
التلج اتلقي ملون ما زي تلج اولاد ابقران الابيض الناشف وبارد داك ،،
الأنوار والإضاءة ما شاء الله والله أحسن من صور الاستادات بتاعة كرة القدم ،،
يعني بصراحة يا وليد بهني دكتور معتصم على التيم العامل معاه ،،
بس يا وليد في الكتابة أصلك ما بتكتب كلمة مؤتمر وطني ليه يعني ؟؟
حتى كلمة مؤتمر وطني في الصورة بتاعة اللوحة الخلفية حجب منـها عازف الموردة أجزاء أساسية ،،
وطبعاً دي ملاحظة ساي يعني وما أعتقد عندها أثر في المهلة والانجعاصة الفخيمة دي صاح ولا ما صاح ؟؟

يا بكري فاتتك لكن ان شاء الله تلحق التكميلية
والله كلامك بتاع المناصرين وغير المناصرين أنا قريتو (( العاصرين وغير معصورين )) ما عارف ليييييي

شوف عيني الصفير بجناحـــــــو كفت الفرة .
وشوف عيني الوليد بصوروا قلب المحنة.
يعني نفهم من كدة انو .... شداد وطني ولا معتصمي وبس
يأخوانا عاوزين واحد واحد بس يفهمنا انو معتصم ده مرشح الوطني - فرع غير الانقاذ
تكتل اهلي نقيف معاهــــــــــــــو
وراجيـــن زول يفك لينا الضهب بتاعنا دة ........

يا جماعه رفعت الاقلام وجفت الصحف واستاذنا وراق لسع بيكتب ياورقه والله العظيم اجتهد في شي غير هولائي ديل ضامنين عشان كده المحبوب قال ليك ديل ناس برستيج جايين اتفسحوا واتفخشرو في الحصاحيصا التي ليس لها وجيع الله اكون في عونك الحصاحيصا
حصاحيصا ياوعد الهنا
يادره والنيل حاضنا
جيناك نحنا نغني ليك
الحصاحيصا في القلب
والله اكون في عون مصطفي انا من اسع بدربو واوديه الدفاع الشعبي وبعدين الباقي اتمه براهو