فرز الاصوات بالحصاحيصا واكتساح حقيقي لمعتصم جعفر

اتصال هاتفي اجريته الساعة الخامسة اي قبل قليل ومن مصدر موثوق به يتابع عملية الفرز حيث اكد لي ان هنالك اكتساح رهيب للمرشح دكتور معتصم جعفر سر الختم وانه قد ترك بقية المرشحين خلفه بكثير ولا يتوقع ان يقتربو منه كما اكد بان عملية الفرز تسير بصورة طيبة حتى الان
مبروك دكتور معتصم الفوز المتوقع

الأخ الغالي/ بكري عثمان حفظه الله
السلام عليكم ورحمة الله وبركاته وبعد،،،
فادعو الله عز وجل أن يصب عليك الرزق صبا، ويجعل لك من كل ضيق مخرجا.
بشرك الله بالتفوى والإيمان
مبروك مبروك مبروك للدكتور معتصم جعفر وعقبال ما نسمع خبر البشير ورفقائه الميامين.
وجزاك الله خيراً

الاخ بكرى
كما اكتسح معتصم جعفر كل المراكز التى اكتمل فيه الاقتراع بنسبه
تفوق 80% اكتسح البشير بنسبه اكثر85 %

الله اكبر ولله الحمد

الله اكبر ومبروك الفوز
وان شاء الله الفوز كمان في الانتخابات القادمة والقادمة باذن الله

هوييييي يا متوكل ما نبوظ على الناس شعاراتن ساي ،،
الناس ديل شغالين بالشعار 24 سنة والحمد لله حقق ليهم ارباح رهيبة
نحن جيناهم أول البارح راكبين مع دكتور معتصم ــ كتر خيرو ــ إلا دايرين نخرب عليهم
وتاني لمن نقول الله اكبر لازم نقول معاها ولله الحمد ،،
إلآ يا بكري عرفنا لي معتصم بنقول الله اكبر ولله الحمد ،،
لكن حا نقول شنو لمن يكتسح مرشح المؤتمر الاسقف قبريال روريج الدائرة الفي جنوب الخرطوم ؟؟
في رايي المتواضع حقو نحفظ
المجد لله في الأعالي
وبالناس المسرة
وبالأرض السلام
غايتو جنس ورطة ،،
دقيقة دقيقة عندي سؤال تاني ،،
حايقولوا لي الله شنو ؟؟
يكبرون ... الله اكبر ولله الحمد ،،
وقلوبهم ما فيها ذرة من تكبير لله ،،
والكبير عندهم
السلطة والجاه
العمارات
الفيلل
الشركات
اليخوت
وحكاية هي لله هي لله لا للسلطة لا للجاه نصدقا نحن الاتكتب علينا في جاه الملوك نلوك

المحبوب
الناس البتقول شالو السلطه قلع
اسي بانتخابات جابوهم

وحكومة ديمقراطية

وشوفو ليكم تسمية غير الشمولية


والسودان يسع الجميع


والخير كتير

والله حلوة منك يا بكري ...... الخير كتير؟؟؟؟؟