لوثة وراق ....البشير يلحس في التصريحات .. والبطانه تلحس في الموارد والجبايات !؟!

عمنا عمر البشير مرشح من قبل حزب المؤتمر للكرسي الرئاسي ،،
في الانتخابات الرئاسية والتشريعية في ابريل القادم من رحم نيفاشا ،،
إشتدت حدة الأحداث الجسام في فترة الحملات الانتخابية ،،
وزاد من شدتـها إضراب الأطباء اللضيض ،،
والغسيل الجاف في مجهر سونا غير الحنين ،،
والتحولات المزهلة في شندي ومروي لإسقاط قوش وكرتي ،،
وعلى الرغم من تكويش المؤتمر على كل المعينات من مال واعلام ،،
إلا أن وتيرة العنف اللفظي لدى أبواق المؤتمر تزداد بشكل عنيف ،،
الشيء الذي يهدد حسن سير خطاوي الإقتراع ،،
إن قُدر تمامه وإنجازه في الوقت الذي حددته مفوضية الصم والبكم ،،
كافة التدابير التي إحتاط بـها المؤتمر لم تُثبت قلبه ليوم النزال ،،
فلم تغنيه المفوضية المعروشة بالنال ،،
ولم تسمنه القنوات الفضائية التي تسبح بحمده في الليل وأطراف النـهار ،،
وتكشفت عورات المؤتمر حد تبرج الجاهلية الأولى ،،
وعدد العورات وأحصاها المعارضون التواقون للحرية والإنعتاق ،،
وعلى المستوى الدولي كثرت تصريحات المراقبين المتابعين للشأن السوداني ،،
وتململ المؤتمر وتحسس مرشحه الرئاسي مواضع روحه في الحلقوم ،،
وعندها تبرأ منه لسانه بالشكل الجنوني الذي وصفه الحاج وراق باللوثة ،،
اللوثة التي تحول بينه وبين الرئاسة ،،
رئاسة حزبه ناهيك عن السودان كما ذكر النابه وراق ،،
فشهدنا الرقيص المتوعد في حفلات الظار الانتخابية ،،
وكثرت "الخيوت" وتشابكت البلدية منـها والاجنبية ،،
حتى إستصعب علينا "خيتنا من خيت البشير" ،،
وزاد الهيجان وتململ المراقبون الدوليون ،،
جراء الأجواء الانتخابية الملبدة بغيوم الشمولية والظلم والقهر ،،
فكان التوعد بقطع ألسنة المراقبين فيما لو نطقت بتأجيل ،،
وبعد أن سكتت دفوف الظار وطارت السكر(ة) ،،
الفاتورتا مدفوعة من موارد الدولة الحزب الحكومة ،،
ركت اللحسة ،،
تصريح في حالة هياج وتوتر وإضطراب يجلب النحس ومع ذلك يتلحس ،،
وموارد الفقراء تتلحس وتصرف على البطانه والهتيفة وشيوخ الظار ،،

المحبوب اخوى لو كل واحد بس الوقت داك فتح عيونوا كبااااار ...
واضنينوا نضفين تمااااام ....
(((تصريح في حالة هياج وتوتر وإضطراب يجلب النحس ومع ذلك يتلحس ،، ))))
.
.
.
.
بالله وبعقل كدا ما اى واحد بقول فى نفسوا بالله دا رئيس دا ؟؟؟؟؟؟؟؟

يا راشد الراجل موتور وهايج ومضطرب ،،
والله لو كلام وراق بتاع اللوثة دا طلع صاح تكون مافي أي مشكلة ،،
أياهو دا المؤتمر وياهو رئيسو ،،

مرة جلد كديس
ومرة جزمة
ومرة بلو وموصو واشرب مويتو

مرة قطيع أعناق
ومرة تقطيع أوصال
ومرات طرد وترحيل

اسي يا حليلو بقى براو
يهيج ويرقص ويتنفخ يقيف زمبارة ويصرح ويتوعد
بعد شوية يروق ويهدا ويقوم يبل كلامو ويموصو ويشرب مويتو

السؤال هو هائج مالو
ما الانتخابات مضمونة
والناس ممكونة وصابرين عليهو في داعي للكواريك والجقليب في أثناء الرقيص؟؟

حاجات ابدا ما قادرين نلمها مع بعض ... وخليك قريب يا راشد ففي التلاتة ايام الجاية ما يزهل

يامحبوب هاك دى .....
رفع الرئيس عمر البشير، ثلاثة (ماءات)، وقال: مافي تأجيل للانتخابات، ومافي حكومة قومية، ومافي (لكلكة)،
حلوة صاح !!
لكلكة
لكلكة
لكلكة
.
.
.

والله حلوة ياراشد الزول دا جايط ساي
وما عارف يسو شنو
يوم التلاتاء الفاتت قال بكرة الاربعاء الساعة 9 صباحا لو الاطباء ما رفعوا الاضراب برفدن
فياربي رفدن ولا لسه والاربعاء مر عليها امس اسبوع

عذبني وزيد عذابك إمكن قلبي يقسى
وزي ما نساني قلبك إمكن قلبي يلحس تصريحه بحبه لك

انت في دا ولا في التتر لمن أكل الباسطة وقعد يلحس في الورقة سألو هاشم كبير
(( التتر زعلان منو لانو قاعد يرزفو في المباريات بتاعة القلب ))
هاشم قال ليهو انت بتلحس في شنو يالتتر ؟؟
قال ليهو بلحس لي في كنبة

اهل العوض بجربوا فى الحركات

هي ما ياها ذاتا
حبيبتي ذاتا

انت عرفتها لكن اعزل البنططوا زي ناس حافظ ديل
الليلة حافظ كان سمعني بساهر بي

قريتو لكن والله كعب فنجان

يابركة تصبحون على خير
امونة حارساني زعلانة دايرة الجهاز تخيل

عشان كده يا استاذ المحبوب قال العقلاء والحكماء :
لو قلت قل كلاماً جميلاً وحلواً لأنه ربما تضطر يوماً الى بلعه أو لحسه !!!!!!!
والكلام المر بلعه صعب بقيف فى الحلق...........

التصريحات بفصل الاطباء شبعت لحس ،،

مسكين ،،
لكن ناس قدرك قدرك بريحو ؟؟