البدور الدواس يجي هنا

أبو رائد كتب:

سير سير يا البشير للبناء والتعمير

هوى يا ابورائد اصبر ...
بنجيك هناك ...
ماتلبخت لينا الكيمان ...
شجرة... شجرة ... شجرة ..
علينا جاى ....

أبو رائد كتب:

سير سير يا البشير للبناء والتعمير

عزبتنا يا نمر الله ما تجى تبنى وتعمر معاهم المقعدك شنو فى المملكة ؟عزبينننننننننننننننننننننننننننننا

حافظ أحمد كتب:

راشد محمد الجاك كتب:

وباللفة ...
وبالزوغان ...
والشجرة ...
وقعت فى البئر ...

يا راشد
الصادق قالوا رجع للمعمعة
نقد كيـــــــــــــــــــف ؟؟؟

ياحافظ ياتو معمعة ؟؟؟؟؟؟؟؟؟؟

أبوحراز كتب:

حينما سألوا معظم الأمريكيين لماذا ذهبتم الى صناديق الإقتراع لتمنحوا صوتكم لرجل اسود ؟؟؟
فكان ردهم : أمريكا تحتاج الى رئيس ذكي !!!!
ونحمد الله أننا في السودان غالبيتنا من السود
فهذا السواد ليس مشكلة
إنما قاسم مشترك بيننا
ولكن 00 حقاً يحتاج الوطن الى رئيس ذكي !!!!
ليس بالطبع نريد منه أن يحلل لنا نظرية انشتاين { ط = ق × ض2 }
أي الطاقة تساوي القوة × مربع الضوء
وهي النظرية التي أحرقت هيروشيما ونجازاكي في اقل من دقائق
ولكن نريد أن يتمثل ذكاؤه في أحلام السودانيين البسطاء
لانريد منه أن يصعد بهم للفضاء
بل أن يصلح لهم صينية الطعام
لتتحول من صحن واحد الى ثلاثة صحون كأقل تقدير
تعذبنا نحن في المنافي والمهاجر وتعذب الكثير من الآباء
نريد أحداّ ذكياً حتى لايتعذب أطفالنا
نريد ان نسلمهم سوداناً معافا من الحقد والعنصرية والكراهية
ذكاء من اجل مجانية التعليم
بل من أجل التعلم الإجباري
ذكاء من أجل العلاج
ومساعدة البسطاء
وفتح صناديق التنمية للمواطنين لبناء المساكن الحديثة بديلاً لهذه المهترئة
ذكاء 00 من أجل وحدة السودان
ومن أجل أن يكون السودان لكل السودانيين
ذكاء 00 من أجل محاربة الفساد الضارب في الأعماق
ذكاء من أجل أن لاينزف هذا الوطن
وأن يكون مصدراً للفخر والنماء
ذكاء من أجل توظيف الخريجين والتنمية الشاملة
والتخطيط البناء المدروس
ذكاء من أجل اجتثاث كل العملاء والمنتفعين ومن اين لك هذا
أن يحملوا ببلدوزر ضخم ويخيروا
إما ان يقذف بهم في البحر الأحمر
وإما أن يقوموا بارجاع ما سرقوه من قوت الشعب
فهل سيأتينا رئيس ذكي ليحقق طموحاتنا البسيطة؟؟؟؟؟

التحية للاخ حافظ
ثم لك ياخى ابوحراز
ثم للجميع
الزول الذكى او الريئس الذكى دا يجيبوه كيف ؟
والله ياابوحراز احترنا فى امرنا قلنا خلاص نعمل انتخابات ويكون فى صندوق
ذى امريكا وبريطانيا والعالم الغربى كلوا ونمشى نصوت ونعطى الحكم للرجل الذكى
القلتو والبلد خسرت ملاين الجنيهات وعملنا اعلام كبير جدا عشان الرى العام العالمى
وجو مراقبين من كل بلاد بعد دا كلوا اكبر الاحزاب انسحبت من المنافسة لاسباب
منها ( تهمة التزوير ) لقد انزلوا التهمة دى قبل ما تبتدى الانتخابات يعن تهمة مقدما
بالله ياابو حراز كيف نعرف الزول الذكى واحنا بينا ناس مخزلين متراجعين مستكبرين
متفلسفين
بالله الذكى منو ؟ من المنسحبين او المستمرين ؟
والله فى ناس لو قلنا ليهم نجيب رجل امريكى اسود يحكمنا ما عندهم مانع
اننا نسأل الله ان يسلم السودان لزول ذكى ومؤمن بالله ورسوله ويهمه تقدم السودان
ورفعة هذا المواطن المسكين
ودمتم
المغربى

حافظ أحمد كتب:

الاخ المغربي طاب يومك
يا اخوي الذكي مش البحكم الذكي هو الشعب السوداني
البعرف كيف يختار من يحكمه
اما ناسك ديك انساهم ديل لا بجدعوا لا بجيبوا الحجار
وكلها يومين تلاته و الشجرة يا حلاته

هل معنى ذلك أننا اذا منحنا صوتنا للشجرة نكون اذكياء ؟؟
وتحقق الشجرة أحلام المواطن البسيط في الدواء والسكن والتنمية والعلاج
وينتهي الفساد ؟؟؟
هل توعدنا بذلك أيها الحافظ ؟؟؟

والله يا ابوحراز دى فيها حلاة زوغة !!!!!!!!!!!!!!!!!!